10 сакавiка 2010 года
№ 9 (15612)

Пукст, нам цябе недастаткова!

Лікуйце, аматары-"нефарматары"! Самы эпатажны музычны выканаўца Беларусi Сяргей Пукст прэзентаваў паэтычны зборнiк "Чужой воздух". Імпрэза адбылася ў галерэi сучаснага мастацтва "Ў". Пазнаёмiцца з паэзiяй таленавiтага музыкi сабралiся яго прыхiльнiкi. Сяргей Пукст застаўся адданым сабе: вечарына была прасякнутая... глупствамi i драйвам. Госцi не скупiлiся на пытаннi, але Сяргей больш радаваўся цыдулкам. Прыемна, як-нiяк!

"Мае самыя значныя разважаннi сканцэнтраваныя ў кнiзе, — кажа Сяргей. — Я напiсаў гэтыя вершы ў часы, калi яшчэ думаў над тым, як наогул ствараюцца вершы. Пазнаёмiўся з прынцыпам шырокай метафары Марынэцi: чым шырэй метафара, тым яна дакладней. У маёй паэтычнай творчасцi дзейнiчае прынцып "арэляў". Гэта значыць, я параўноўваю два станы, дзве сiтуацыi. У зборнiку вы не знойдзеце нi знакаў прыпынку, нi вялiкай лiтары. Пунктуацыя — гэта непатрэбная рэч для паэзii...

"Пукстаманы": Сяргей, цi ёсць у вас нейкiя адхiленнi ў псiхiцы?

Сяргей Пукст: Кожны чалавек, якi пiша, мае нейкiя адхiленнi. Здаровыя людзi не пiшуць.

П: Вашы любiмыя пiсьменнiкi?

С.П.: Велiмiр Хлебнiкаў i Андрэй Платонаў. Кожны радок з Платонава прымушае задумацца, а ўвогуле я паважаю футурыстаў.

П.: У тузiне хiтоў з'явiлася беларускамоўная версiя вашай песнi "Триумф воли". Цi збiраецеся вы i далей у сваёй творчасцi выкарыстоўваць беларускiя тэксты?

С.П.: Па-першае, я хачу падзякаваць Андрэю Хадановiчу. Ён так удала падабраў словы, што пераклад атрымаўся больш ёмiстым за арыгiнал. Гэта ўнiкальны выпадак. Тут рэверанс у бок перакладчыка.

П.: Не хацелi б вы самарэалiзавацца ў кiнематографе?

С.П.: Цяпер я ствараю музыку для фiльма Андрэя Кудзiненкi "Масакра".

П.: Цi праводзiце вы цяпер кватэрнiкi?

С.П.: Так. Сачыце за навiнамi ў маiм блогу.

П.: Сёння колькасць музычнай прадукцыi, якая выпускаецца, вялiкая, а вось якасць — нiзкая. Як вы гэта пракаментуеце?

С.П.: Гэта вельмi доўгая размова. Але калi ў двух словах, то тэндэнцыя такая: гук важнейшы за наватарства. Сустракаецца шмат банальнасцi, якая назаляе.

П.: Каго вы лiчыце лепшым за сябе ў музыцы?

С.П.: Шмат каго. Але з беларускiх выканаўцаў — нiкога... Хiба Iван Кiрчук з "Троiцы". У мяне няма культуры, але ёсць драйв!

Канцэрт, як i абяцаў сам Пукст, быў нядоўгiм, але, як заўсёды з запалам, драйвам. Хiба кожны выканаўца прычэпiць сабе заечы хвосцiк i апране кажух? Сяргей выходзiў на бiс ажно чатыры разы. I з кожным разам публiка крычала ўсё гучней: "Пукст, нам цябе недастаткова!"

Пасля выступлення музыка раздаваў усiм ахвотным аўтографы. Адзiн з "пукстаманаў", якому не хапiла грошай на кнiгу, папрасiў распiсацца на дваццацiрублёвай купюры. Што скажаш — якi выканаўца, такiя i фанаты! Чакаем новых "некультурнасцяў" i глупстваў ад фенаменальнага i непаўторнага Сяргея Пукста.

"Пукстаманы" Каця Радзюк i Аксана Манчук.