Вы тут

З 1 студзеня ліміт на пакупкі з-за мяжы складзе да 500 еўра і 25 кг вагі


Першага лістапада Еўразійская эканамічная камісія прыняла рашэнне, якім ўнесла змены ў сваё ж рашэнне, якое тычыцца бязмытных лімітаў правозу тавараў праз мяжу. І калі ў сакавіку гаворка ішла аб паэтапным памяншэнні лімітаў да 500 еўра за тры гады, то новае рашэнне кажа пра тое, што гэтая норма будзе дзейнічаць з 1 студзеня 2019 года.


Нагадаем, у сакавіку ЕЭК у рашэнні №107 дакладна вызначыла, што ліміты бяспошліннага правозу тавараў з 2019 года будуць зменшаны да 1000 еўра і 50 кілаграмаў, з 2020 года - да 750 еўра і 35 кілаграмаў, а з 2021-га і ва ўсе наступныя гады праз мяжу ЕАЭС можна будзе ўвозіць тавараў на суму не больш за 500 еўра і вагой да 25 кілаграмаў.

Новае рашэнне №91 адмяняе гэтыя ўсе этапы: ліміт у 500 еўра і 25 кілаграмаў ўводзіцца з 1 студзеня 2019 года.

- Рашэнне па зніжэнні нормы - прапанова расійскага боку, якая выносіла яго на разгляд савета Еўразійскай эканамічнай камісіі, - адзначаюць у Дзяржаўным мытным камітэце. - Рэспубліцы Беларусь, як і ўсім астатнім дзяржавам - удзельніцам ЕАЭС, неабходна выканаць новае рашэнне камісіі. Згодна з Мытным кодэксам нацыянальныя заканадаўствы могуць толькі рабіць больш жорсткімі нормы, прынятыя ЕЭК.

Гэта значыць, што з 1 студзеня 2019 года праз мяжу можна будзе правозіць тавары коштам максімум 500 еўра і 25 кілаграмаў у выпадку паездак не часцей чым раз у тры месяцы і 300 еўра і 20 кілаграмаў, калі перасякаць мяжу часцей.

Змены не закрануць паветраны транспарт. Там сітуацыя застанецца ранейшай: праз межы ЕАЭС бяспошлінна можна будзе правозіць тавараў на суму да 10 тысяч еўра і вагой да 50 кілаграмаў.

onliner.by

Дадаць каментар

Выбар рэдакцыі

Грамадства

Партызанскія рукапісы — бясцэнныя сведчанні ваеннага часу

Партызанскія рукапісы — бясцэнныя сведчанні ваеннага часу

Партызанскія часопісы — насамрэч унікальныя інфармацыйныя зборнікі, значэнне і важнасць якіх разумелі ў тым ліку іх стваральнікі і чытачы.

Грамадства

Беларускія навукоўцы прадставілі больш за 300 распрацовак і тэхналогій

Беларускія навукоўцы прадставілі больш за 300 распрацовак і тэхналогій

На юбілейнай выстаўцы Нацыянальнай акадэміі навук.

Эканоміка

Ніна Жалязнова: Мы, беларусы, па сваёй ментальнасці — людзі зямлі

Ніна Жалязнова: Мы, беларусы, па сваёй ментальнасці — людзі зямлі

«Звязда» ўжо неаднойчы пісала пра гэту незвычайную жанчыну.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра ўрокі іншай мовы і шчасце, калі ў доме гаспадар.