Вы тут

Навіны Белпошты


Прэзентавана марка да 100-годдзя камсамола

Урачыстае гашэнне паштовага праекта, прысвечанага 100-годдзю Усесаюзнага ленінскага камуністычнага саюза моладзі, адбылося ў Нацыянальным гістарычным музеі.

Мастацкай асновай маркі стала рэпрадукцыя карціны беларускага мастака Віктара Пратасені «Партрэт студэнткі», створанай у 1971 годзе. Дызайн маркі распрацавала Алена Мядзведзь, намінал «А» адпавядае тарыфу на перасылку простага ліста ў межах краіны. Марка аддрукавана тыражом у 48 тысяч экзэмпляраў.

На канверце змешчана выява карціны Паўла Гаўрыленкі «На рыштаваннях». Праект падрыхтаваны ў супрацоўніцтве з Нацыянальным мастацкім музеем, дзе адкрылася прысвечаная 100-годдзю ВЛКСМ выстаўка «Юнацтва камсамольскае».

— Стагоддзе ўтварэння камсамола — знакавая падзея, — зазначыў міністр адукацыі Ігар Карпенка. — Многія пакаленні беларусаў прайшлі праз яго лёсавызначальную школу, якая выхавала выдатныя якасці моладзі тых часоў: любоў да Радзімы, веру ў перамогу дабра і справядлівасці, калектывізм і паразуменне, інтэрнацыянальную салідарнасць. Мы ганарымся выдатнымі дасягненнямі камсамольцаў і ніколі не забывалі аб іх рэвалюцыйным, баявым і працоўным подзвігу. Адкрыццё тэматычнай выстаўкі і гашэнне паштовай маркі яшчэ раз пацвярджаюць гэта.


Віншаванне ад Дзеда Мароза заказвалі?

«Белпошта» пачала прымаць заказы на традыцыйную навагоднюю паслугу «Віншаванне Дзеда Мароза».

— Новы год — час цудаў і сюрпрызаў. У стварэнні казачнай атмасферы актыўна ўдзельнічае і наша прадпрыемства. З 1 лістапада мы традыцыйна прымаем заказы на паслугу «Віншаванне Дзеда Мароза», — расказала прэс-сакратар РУП «Белпошта» Алена Арлова. — Аформіць і атрымаць святочную пасылку могуць не толькі беларусы, але і жыхары краін СНД і далёкага замежжа.

У «ліст ад Дзеда Мароза» ўваходзяць паштоўка з віншаваннем, навагодняя гірлянда, ёлачныя цацкі, казачныя маскі і вітражныя наклейкі. Па Беларусі паштовае адпраўленне каштуе 8,5 рубля, за межы краіны — 20. «Падарунак ад Дзеда Мароза» ўключае ў сябе ліст і мяккую цацку. Абыдзецца ён у 23 рублі, калі падарунак трэба даставіць па Беларусі, і ў 35 — калі за мяжу.

Усе пасылкі прыбудуць да сваіх адрасатаў напярэдадні Новага года. Калі вы хочаце адправіць такое віншаванне ў краіны замежжа, паспяшайцеся: заяўкі прымаюцца да 1 снежня. Заказы па Беларусі апрацоўваюцца да 23 снежня.

Валяр'ян ШКЛЕННІК

Фота БЕЛТА

Дадаць каментар

Выбар рэдакцыі

Грамадства

Вучоба можа быць у радасць, калі размаўляць з вучнем на адной мове

Вучоба можа быць у радасць, калі размаўляць з вучнем на адной мове

Уявіце сабе сітуацыю: вучань зрабіў у дыктоўцы 20 памылак... 

Калейдаскоп

«Везла сумкі, як падняць, — Сустракаў з вагона зяць...»

«Везла сумкі, як падняць, — Сустракаў з вагона зяць...»

Самае вялікае дасягненне «Звязды» — гэта яе чытачы.

Эканоміка

Горадабудаўнічы пашпарт распрацуюць з улікам магчымых аб'ектаў будаўніцтва

Горадабудаўнічы пашпарт распрацуюць з улікам магчымых аб'ектаў будаўніцтва

Пра гэта гаворыцца ў новай рэдакцыі палажэння аб парадку падрыхтоўкі і выдачы дазвольнай дакументацыі на будаўніцтва аб'ектаў, зацверджанаг

Грамадства

Свята каравая прайшло на Гродзеншчыне

Свята каравая прайшло на Гродзеншчыне

На фестывалі згадалі і даўнюю традыцыю — услаўляць завяршэнне земляробчага года абрадамі ў гонар Багача.