Вы тут

Прыцягненне зямлі


Сто гадоў таму ў вёсцы Карбаўское, што на Бярэзіншчыне, было пяць двароў і 40 жыхароў. Цяпер іх, дарэчы, таксама... пяць. Тут ніколі не было крамы, школы, пошты, ніколі не ладзілася ніякіх канцэртаў. Але аднойчы...


На дзень вёскі ў Карбаўское гасцей прыехала шмат.

Вядучая свята найперш прапанавала ўшанаваць памяць ганаровага земляка, кавалера Георгіеўскага крыжа Фёдара Мікітавіча Несцяровіча, усіх загінулых у час вайны і памерлых вяскоўцаў. Потым даніну павагі аддалі жывым. Ураджэнец гэтай вёскі Уладзімір Паўлавіч Несцяровіч у свой час скончыў Мінскае мастацкае вучылішча імя А. К. Глебава і факультэт журналістыкі БДУ, ён — аўтар зборнікаў прозы і паэзіі, а таксама — мастацкіх палотнаў, якія, без перабольшання, упрыгожылі гэта мерапрыемства.

Прысутнічала на ім і 86-гадовая Соф'я Максімаўна Несцяровіч, якую ў гады вайны па даносе здрадніка ледзьве не расстралялі і якая потым, у мірныя гады, выгадавала чацвярых дзяцей. «Такога свята, — казала жанчына, — я за ўсё жыццё не бачыла! Амаль што ў скокі не пайшла...» Што, між іншым, не дзіва, бо іграў для прысутных вядомы гарманіст Міхаіл Папруга.

Не староннім чалавекам адчуваў сябе тут і галоўны інжынер Пагосцкага свінакомплексу Анатоль Уладзіміравіч Несцяровіч (гэта прозвішча тут вельмі папулярнае) — чалавек адметны сваёй дабрынёй, увагай да людзей. Некалі яго маці Ганна Сяргееўна па пуцёўцы камсамола паехала на асваенне цаліны, пражыла там 22 гады, а пасля вярнулася ў родны кут, з усіх бакоў акальцаваны лесам...

А самую малодшую жыхарку вёскі Карбаўское Ганну Іванаўну Навуменку сяльчане завуць Аняй Лізавецінай. У свой час яны з мужам пакінулі кватэру ў Мінску, узялі зямлі, трымалі вельмі моцную гаспадарку...

Што заўжды яднала вяскоўцаў, дык гэта бязмерная любоў да сваёй малой радзімы. І проста цудоўна, што вялікае свята, якое наладзілі для ўсіх дырэктар Любушанскага СДК Таццяна Фёдараўна Несцяровіч і дырэктар аўтаклуба Любоў Дзмітрыеўна Пінчук, адбылося і тут.

Ніна Бурко,

г. Беразіно

Дадаць каментар

Выбар рэдакцыі

Грамадства

Вучоба можа быць у радасць, калі размаўляць з вучнем на адной мове

Вучоба можа быць у радасць, калі размаўляць з вучнем на адной мове

Уявіце сабе сітуацыю: вучань зрабіў у дыктоўцы 20 памылак... 

Калейдаскоп

«Везла сумкі, як падняць, — Сустракаў з вагона зяць...»

«Везла сумкі, як падняць, — Сустракаў з вагона зяць...»

Самае вялікае дасягненне «Звязды» — гэта яе чытачы.

Эканоміка

Горадабудаўнічы пашпарт распрацуюць з улікам магчымых аб'ектаў будаўніцтва

Горадабудаўнічы пашпарт распрацуюць з улікам магчымых аб'ектаў будаўніцтва

Пра гэта гаворыцца ў новай рэдакцыі палажэння аб парадку падрыхтоўкі і выдачы дазвольнай дакументацыі на будаўніцтва аб'ектаў, зацверджанаг

Грамадства

Свята каравая прайшло на Гродзеншчыне

Свята каравая прайшло на Гродзеншчыне

На фестывалі згадалі і даўнюю традыцыю — услаўляць завяршэнне земляробчага года абрадамі ў гонар Багача.