Вы тут

Тыдні Сусветнай гандлёвай арганізацыі прайшлі ў нашай краіне


Фінальны круглы стол сабраў удзельнікаў у Мінску, дзе яны абмеркавалі ход далучэння Беларусі да СГА, вопыт Расіі і Казахстана, а таксама магчымасці і выклікі для развіцця айчыннай сельскай гаспадаркі.


Пачынаючы з сакавіка гэтага года пачалася пятая фаза праекта, накіраванага на садзейнічанне ўступленню Беларусі ў СГА. Уладзімір СЕРПІКАЎ, пасол па асобых даручэннях МЗС Беларусі, кіраўнік перагаворнай дэлегацыі нашай краіны па далучэнні да СГА, адзначыў, што засталося сем партнёраў, з якімі неабходна дамовіцца пра ўступленне ў арганізацыю: ЗША, ЕС, Канада, Бразілія, Аўстралія, Украіна, Швейцарыя. «Мы спадзяёмся, што членства ў СГА будзе садзейнічаць павышэнню суверэнных крэдытных рэйтынгаў Беларусі. Дазволіць мець больш лёгкі, пашыраны доступ да таннейшых пазыковых сродкаў на развіццё эканомікі Беларусі. Паколькі мы ўжо будзем часткай глабальнай шматбаковай гандлёвай сістэмы, прадказальным партнёрам, і адносіны да нас будуць зусім іншыя, імідж будзе іншы. Па-другое, у краіне будзе створаны больш празрысты і прадказальны інвестыцыйны рэжым», — падкрэслівае Уладзімір Серпікаў.

Эксперты адзначаюць, што Беларусь фактычна ўжо жыве па нормах СГА, бо правілы, якія дзейнічаюць у ЕАЭС, падобныя. Вольга КАЗАКЕВІЧ, начальнік аддзела СГА і ўніфікацыі гандлёвых рэжымаў кіравання знешнегандлёвай палітыкі Дэпартамента знешнеэканамічнай дзейнасці МЗС Беларусі, звяртае ўвагу, што нормы СГА — гэта як правілы дарожнага руху: яны могуць быць недасканалыя, але, калі іх адмяніць, пачнецца хаос. «Новыя тэхналогіі адкрываюць магчымасці для малога і сярэдняга бізнесу, што, мне падаецца, для нашай краіны вельмі актуальна, — каменціруе Вольга Казакевіч. — Сёння ўсё гэта абмяркоўваецца на пляцоўцы СГА, і хутчэй за ўсё будуць выпрацоўвацца нейкія новыя правілы. Беларусь павінна хутчэй стаць членам СГА, каб уключыцца ў гэты працэс, каб нашы інтарэсы былі ўлічаны».

Надзея АНІСОВІЧ

Дадаць каментар

Выбар рэдакцыі

Грамадства

Партызанскія рукапісы — бясцэнныя сведчанні ваеннага часу

Партызанскія рукапісы — бясцэнныя сведчанні ваеннага часу

Партызанскія часопісы — насамрэч унікальныя інфармацыйныя зборнікі, значэнне і важнасць якіх разумелі ў тым ліку іх стваральнікі і чытачы.

Грамадства

Беларускія навукоўцы прадставілі больш за 300 распрацовак і тэхналогій

Беларускія навукоўцы прадставілі больш за 300 распрацовак і тэхналогій

На юбілейнай выстаўцы Нацыянальнай акадэміі навук.

Эканоміка

Ніна Жалязнова: Мы, беларусы, па сваёй ментальнасці — людзі зямлі

Ніна Жалязнова: Мы, беларусы, па сваёй ментальнасці — людзі зямлі

«Звязда» ўжо неаднойчы пісала пра гэту незвычайную жанчыну.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра ўрокі іншай мовы і шчасце, калі ў доме гаспадар.