Вы тут

Курсанты з Расіі прыбылі для абмену вопытам ва УГА МНС


Ва Універсітэт грамадзянскай абароны МНС прыбылі 28 курсантаў з Расіі: 12 з іх з Масквы, 16 — з Санкт-Пецярбурга. Праграма стартавала ў Мінску, Маскве і Санкт-Пецярбургу. Мэтай візіту стаў абмен досведам паміж навучэнцамі ведамасных навучальных устаноў Расіі і Беларусі, паведамляе сайт МНС.


На працягу двух тыдняў знаходжання ў Беларусі з расійскімі курсантамі будуць арганізаваны навучальныя заняткі па шырокаму спектру навучальных дысцыплін (ад расследавання спраў па пажарах і тактыкі тушэння да работы з альпінісцкім абсталяваннем і рыштункам). Прадугледжаны іх удзел у круглым стале з кіраўніцтвам МНС Беларусі, таварыскія спартыўныя матчы і тактыка-спецыяльныя вучэнні на палігоне філіяла Універсітэта МНС пад Барысавам, а таксама знаёмства з выдатнымі мясцінамі сталіцы і гісторыка-культурнымі помнікамі Беларусі.

У сваю чаргу ў Маскоўскую Акадэмію Дзяржаўнай супрацьпажарнай службы МНС Расіі і Санкт-Пецярбургскі універсітэт ДПС МНС Расіі для абмену вопытам прыбылі па 15 курсантаў трэцяга курса Універсітэта грамадзянскай абароны МНС Беларусі.

За два тыдні ў Расіі з будучымі ратавальнікамі з нашай краіны правядуць навучальныя заняткі па спецыяльных дысцыплінах. Праграмай прадугледжана культурна-масавая праграма, якая ўключае наведванне музеяў і мастацкіх галерэй, а таксама пажарных падраздзяленняў Масквы і Санкт-Пецярбурга.

У МНС нагадалі, што штогод, пачынаючы з 2009-га, у рамках Пагаднення аб супрацоўніцтве паміж універсітэтам грамадзянскай абароны МНС Беларусі і Акадэміяй Дзяржаўнай супрацьпажарнай службы МНС Расіі вядзецца абмен вопытам курсантаў і афіцэраў.

Сёлета да гэтай праграме падключыўся Санкт-Пецярбургскі універсітэт ДПС МНС Расіі. Гэта стала магчымым дзякуючы падпісанаму ў лістападзе 2017 года пагадненню аб супрацоўніцтве паміж ВНУ дзвюх краін, а таксама Плану рэалізацыі мерапрыемстваў на 2019 год па супрацоўніцтве паміж універсітэтам МНС Беларусі і Санкт-Пецярбургскім універсітэтам ДПС МНС Расіі.

Сяргей РАСОЛЬКА

Дадаць каментар

Выбар рэдакцыі

Грамадства

Вучоба можа быць у радасць, калі размаўляць з вучнем на адной мове

Вучоба можа быць у радасць, калі размаўляць з вучнем на адной мове

Уявіце сабе сітуацыю: вучань зрабіў у дыктоўцы 20 памылак... 

Калейдаскоп

«Везла сумкі, як падняць, — Сустракаў з вагона зяць...»

«Везла сумкі, як падняць, — Сустракаў з вагона зяць...»

Самае вялікае дасягненне «Звязды» — гэта яе чытачы.

Эканоміка

Горадабудаўнічы пашпарт распрацуюць з улікам магчымых аб'ектаў будаўніцтва

Горадабудаўнічы пашпарт распрацуюць з улікам магчымых аб'ектаў будаўніцтва

Пра гэта гаворыцца ў новай рэдакцыі палажэння аб парадку падрыхтоўкі і выдачы дазвольнай дакументацыі на будаўніцтва аб'ектаў, зацверджанаг

Грамадства

Свята каравая прайшло на Гродзеншчыне

Свята каравая прайшло на Гродзеншчыне

На фестывалі згадалі і даўнюю традыцыю — услаўляць завяршэнне земляробчага года абрадамі ў гонар Багача.