Вы тут

Нашы грузавікі наўпрост пойдуць у рэгіёны Расіі


У Яраслаўлі адкрылі першы монабрэндавы дылерскі цэнтр МАЗ.

Беларускі аўтафлагман адкрыў яго разам з рэгіянальным мясцовым цэнтрам «Аўтадызель», буйным расійскім пастаўшчыком запчастак, рухавікоў і аўтамабіляў.


У монабрэндавым аўтацэнтры будуць прадстаўлены папулярныя мадэлі грузавікоў і спецыяльнай тэхнікі МАЗ. Там жа яраслаўскія прадпрыемствы змогуць дамовіцца аб набыцці новай аўтатэхнікі з улікам індывідуальных пераваг. Пастаўляць тэхніку будуць напрамую з Мінскага аўтазавода ў сціслыя тэрміны. Акрамя таго, у дылерскім цэнтры будуць абслугоўваць беларускія грузавікі: у хуткім часе плануецца адкрыццё станцыі тэхнічнага абслугоўвання МАЗ.

Мяркуецца, што адкрыццё гэтага аўтацэнтра дазволіць павялічыць пастаўкі беларускай тэхнікі ў Яраслаўскую вобласць. Некалькі аўтамабіляў былі перададзеныя пакупнікам ужо на цырымоніі адкрыцця — ключы ад грузавікоў асабіста ўручыў камерцыйны дырэктар завода Генадзь Скітаў.

«Адкрыццё аўтацэнтра звязана з імкненнем павялічыць аб'ёмы продажаў і павысіць якасць абслугоўвання аўтатэхнікі ў гэтым перспектыўным расійскім рэгіёне. Акрамя таго, гэта аўтаматычна пацягне за сабой павелічэнне аб'ёму закупак рухавікоў Яраслаўскага маторнага завода», — растлумачыў Генадзь Скітаў.

«МАЗ — гэта традыцыя кааперацыі з яраслаўскай зямлёй, якая налічвае не адно дзесяцігоддзе, — дадаў дэпутат Дзярждумы Ілья Осіпаў. — Спадзяюся, што калі-небудзь не толькі грузавікі будуць стаяць на пляцоўцы каля дылерскага цэнтра, але і грамадскі транспарт, з'явяцца аўтобусы, і гэта дасць развіццё яшчэ і ўнутрыгарадской транспартнай сістэмы».

Сяргей КУРКАЧ

Дадаць каментар

Выбар рэдакцыі

Грамадства

Партызанскія рукапісы — бясцэнныя сведчанні ваеннага часу

Партызанскія рукапісы — бясцэнныя сведчанні ваеннага часу

Партызанскія часопісы — насамрэч унікальныя інфармацыйныя зборнікі, значэнне і важнасць якіх разумелі ў тым ліку іх стваральнікі і чытачы.

Грамадства

Беларускія навукоўцы прадставілі больш за 300 распрацовак і тэхналогій

Беларускія навукоўцы прадставілі больш за 300 распрацовак і тэхналогій

На юбілейнай выстаўцы Нацыянальнай акадэміі навук.

Эканоміка

Ніна Жалязнова: Мы, беларусы, па сваёй ментальнасці — людзі зямлі

Ніна Жалязнова: Мы, беларусы, па сваёй ментальнасці — людзі зямлі

«Звязда» ўжо неаднойчы пісала пра гэту незвычайную жанчыну.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра ўрокі іншай мовы і шчасце, калі ў доме гаспадар.