Вы тут

Лукашэнка падтрымлівае наданне АБСЕ большай ролі ў вырашэнні праблем


Такое меркаванне выказаў беларускі лідар на сустрэчы з генеральным сакратаром Арганізацыі па бяспецы і супрацоўніцтве ў Еўропе Томасам Грэмінгерам.


"Мы сабраліся ў Мінску па вельмі важных праблемах. Для абмеркавання гэтай найважнейшай праблемы, якая сёння стаіць перад чалавецтвам. І тое, што мы гэтае мерапрыемства праводзім тут, у Мінску, — гэта перш за ўсё ваша заслуга і вашага сакратарыята, і я вам за гэта ўдзячны", — адзначыў у пачатку сустрэчы кіраўнік дзяржавы.

На думку Аляксандра Лукашэнкі, тэрарызм, кіберзлачыннасць, гандаль людзьмі, нелегальная міграцыя — гэта тое, што вельмі турбуе ўсе краіны свету, а асабліва — дзяржавы нашага рэгіёна, паколькі яны пакутуюць ад праяў нечалавечых дзеянняў, якія, на жаль, уласцівыя грамадзянам многіх еўрапейскіх дзяржаў.

"Беларусь, як вы ведаеце, і гэта таксама вы ацанілі, заўсёды выступала і выступае за дыялог. У гэтым складаным супярэчлівым свеце дыялог з'яўляецца галоўным сродкам зносін паміж народамі і паміж лідарамі дзяржаў, паміж дзяржавамі наогул, — сказаў Прэзідэнт. — І тое, што мы сёння сабраліся ў Мінску на антытэрарыстычную канферэнцыю, — гэта вельмі моцны сігнал для рэгіёна. Мы зробім усё для таго, каб гэтая канферэнцыя, якая праходзіць у Беларусі ўпершыню, стала знакавай падзеяй і каб яна заняла годнае месца ў гісторыі развіцця не толькі АБСЕ".

Кіраўнік дзяржавы падкрэсліў: арганізацыя, якую прадставіў Томас Грэмінгер, можа разлічваць на дапамогу ў правядзенні любых мерапрыемстваў па лініі АБСЕ ў Мінску. Акрамя таго, беларускі лідар выказаў абсалютную падтрымку курсу на рэфармаванне арганізацыі, наданню ёй большай ролі ў вырашэнні міжнародных праблем, паколькі гэта абсалютна сугучна з нашымі ацэнкамі ролі і месца АБСЕ ў сучасным свеце.

Таксама Аляксандр Лукашэнка нагадаў, што ў канцы месяца ў Мінску пройдзе сустрэча асноўнай групы Мюнхенскай канферэнцыі, і запрасіў на яе генеральнага сакратара.

"Я хачу вас запэўніць, што мы, як і раней, будзем заўсёды імкнуцца да таго, каб адыграць вялікую ролю ў рэгуляванні канфліктаў, якія, на жаль, прысутнічаюць на нашым Еўразійскім кантыненце", — падкрэсліў ён.

У адказ Томас Грэмінгер падзякаваў Прэзідэнту за вялікі ўклад у працу АБСЕ. Ён нагадаў, што ў Беларусі праходзяць пасяджэнні трохбаковай кантактнай групы, наша краіна аказвае арганізацыйную падтрымку. Яшчэ Беларусь, паводле яго слоў, аказвае і палітычную падтрымку.

У канцы ён адзначыў, што “Беларусь належыць да рэдкай групы краін, якія займаюцца будаўніцтвам мастоў, што цяпер, калі рознагалоссі паміж Захадам і Усходам толькі ўзмацняюцца, асабліва важна”.

Мэта афіцыйнага візіту генеральнага сакратара Арганізацыі па бяспецы і супрацоўніцтве ў Еўропе Томаса Грэмінгера ў Беларусь — удзел у міжнароднай канферэнцыі высокага ўзроўню пад эгідай Арганізацыі "Прадухіленне і барацьба з тэрарызмам у лічбавую эпоху" і абмеркаванне бягучага стану адносін паміж нашай краінай і АБСЕ, а таксама іх далейшага развіцця.

Так, у цэнтры ўвагі ўдзельнікаў мерапрыемства будуць знаходзіцца пытанні барацьбы з тэрарызмам з акцэнтам на сферы інфармацыйна-камунікацыйных тэхналогій, уключаючы праблематыку дзяржаўна-прыватных партнёраў у гэтай галіне і абарону найважнейшых аб'ектаў крытычнай інфраструктуры ад кібератакі.

У адпаведнасці з праграмай візіту прадугледжаны перагаворы Томаса Грэмінгера з міністрам замежных спраў Уладзімірам Макеем, а таксама сустрэча са старшынёй Выканаўчага камітэта — выканаўчым сакратаром Садружнасці Незалежных Дзяржаў Сяргеем Лебедзевым.


У гутарцы з журналістамі Томас Грэмінгер  падкрэсліў, што Беларусь робіць вельмі добрую працу, падтрымліваючы фармат пасяджэнняў трохбаковай кантактнай групы ў Мінску. “Але, вядома, магчымасці па забеспячэнні канкрэтных вынікаў шмат у чым залежаць ад палітычнай волі, — адзначыў ён. — І, як вы ведаеце, палітычная гатоўнасць да выканання палажэнняў Мінскіх пагадненняў у галінах і бяспекі, і палітычнага складніка не на вельмі высокім узроўні ў бакоў".

Акрамя таго, генеральны сакратар выказаў меркаванне, што канферэнцыя ў Мінску з'яўляецца красамоўным сведчаннем вельмі цеснага супрацоўніцтва паміж Беларуссю і АБСЕ па цэлым шэрагу пытанняў, у тым ліку тэрарызму, гандлю людзьмі, рэфармавання сектара бяспекі, гендарнай роўнасці. Таксама на сустрэчы абмяркоўваліся шляхі ўмацавання супрацоўніцтва, дадаў ён.

У Томаса Грэмінгера таксама спыталі, ці разглядаліся на сустрэчы з Прэзідэнтам кандыдатуры на пасаду прадстаўніка Украіны ў кантактнай групе па ўрэгуляванні сітуацыі і ці можа ім стаць экс-прэзідэнт Украіны Віктар Юшчанка. "Не, мы не абмяркоўвалі гэта. Зразумела, гэта справа ўкраінскага боку", — сказаў ён.

Дадаць каментар

Выбар рэдакцыі

Эканоміка

 Эксперт: Да новага года рост цэн на нерухомасць спыніцца

Эксперт: Да новага года рост цэн на нерухомасць спыніцца

А калі і падрасце, то не больш чым на 0,5-1 працэнт.

Грамадства

Як і хто дапамагае змагацца з восамі ў кватэры?

Як і хто дапамагае змагацца з восамі ў кватэры?

Неяк ранкам я знайшла ў сябе на кухні некалькі вос. 

Культура

Форум тэатральнага мастацтва «ТЭАРТ» пакінуў на сэрцы рваныя раны

Форум тэатральнага мастацтва «ТЭАРТ» пакінуў на сэрцы рваныя раны

Мядзведзь на сцэне, Чэхаў на мове жэстаў і самая дакладная перадача стану дэпрэсіі.