Вы тут

Урад рыхтуе прапановы для далейшага развіцця будаўнічай галіны


Урад Беларусі рыхтуе прапановы для далейшага развіцця будаўнічай галіны, паведаміў прэм'ер-міністр Сяргей Румас сёння на пасяджэнні Прэзідыума Саўміна.


На пасяджэнні разглядаецца праект стратэгіі развіцця будаўнічай галіны Беларусі да 2025 года і план мерапрыемстваў па яе рэалізацыі. Са справаздачай аб выкананні даручэнняў кіраўніка дзяржавы па забеспячэнні эфектыўнага функцыянавання будгаліны выступіла Мінбудархітэктуры.

Сяргей Румас нагадаў, што ў лістападзе адбудзецца семінар-нарада з удзелам кіраўніка дзяржавы па пытаннях павышэння эфектыўнасці будаўнічага комплексу. Запланавана справаздача ўрада аб выпраўленні сітуацыі ў галіне з прадстаўленнем канкрэтных прапаноў па яе далейшым развіцці.

"Яшчэ ў 2013 годзе работа будаўнічага комплексу была падрабязна разгледжана на нарадзе ў кіраўніка дзяржавы. Усе неабходныя рашэнні прыняты і рэалізоўваюцца. Разам з тым умовы работы як на знешніх, так і на ўнутраным рынках дынамічна мяняюцца, што, безумоўна, уплывае на сацыяльна-эканамічнае развіццё краіны ў цэлым і будаўнічага комплексу ў прыватнасці. Мы павінны адэкватна, а самае галоўнае - своечасова рэагаваць на гэтыя змяненні", - падкрэсліў кіраўнік урада.

"За мінулы час мы істотна нарасцілі вытворчыя магутнасці будаўнічага комплексу - як падрадных прадпрыемстваў, так і арганізацый прамысловасці будаўнічых матэрыялаў, істотна павялічылі кадравы патэнцыял галіны. Але сёння, зыходзячы з прадстаўленых дакументаў, гэты патэнцыял выкарыстоўваецца недастаткова эфектыўна", - лічыць прэм'ер-міністр.

Паводле яго слоў, створаныя ў краіне ўмовы даюць магчымасць выкарыстоўваць новыя кропкі росту і адысці ад залежнасці ў бюджэтным фінансаванні. Прынятыя ўрадам і Нацбанкам меры па стрымліванні інфляцыі пашырылі доступ да рэсурсаў камерцыйных банкаў на даволі камфортных умовах. З улікам таго Сяргей Румас лічыць магчымым больш шырокае выкарыстанне магчымасцей банкаўскай сістэмы пры будаўніцтве сацыяльнай, інжынернай і транспартнай інфраструктуры.

На пасяджэнні ва ўрадзе абмяркоўвалася таксама нарошчванне экспарту будаўнічых паслуг і яго далейшая дыверсіфікацыя.

Прэм'ер-міністр акцэнтаваў увагу, што для ацэнкі эфектыўнасці работы будгаліны павінны быць дакладныя, зразумелыя і абгрунтаваныя крытэрыі. У цэнтры ўвагі застанецца і вырашэнне жыллёвага пытання - размова ідзе аб тым, каб забяспечыць ва ўстаноўленыя тэрміны жыллём усе шматдзетныя сем'і, якія больш за адзін год стаяць на ўліку маючых патрэбу ў паляпшэнні жыллёвых умоў.

Акрамя таго, у парадку дня сённяшняга пасяджэння пытанне аб выкананні даручэнняў кіраўніка дзяржавы па развіцці рынку авіяцыйных перавозак, павышэнні яго прывабнасці для насельніцтва і развіцці транзітнага патэнцыялу краіны.

БЕЛТА

Дадаць каментар

Выбар рэдакцыі

Эканоміка

 Эксперт: Да новага года рост цэн на нерухомасць спыніцца

Эксперт: Да новага года рост цэн на нерухомасць спыніцца

А калі і падрасце, то не больш чым на 0,5-1 працэнт.

Грамадства

Як і хто дапамагае змагацца з восамі ў кватэры?

Як і хто дапамагае змагацца з восамі ў кватэры?

Неяк ранкам я знайшла ў сябе на кухні некалькі вос. 

Культура

Форум тэатральнага мастацтва «ТЭАРТ» пакінуў на сэрцы рваныя раны

Форум тэатральнага мастацтва «ТЭАРТ» пакінуў на сэрцы рваныя раны

Мядзведзь на сцэне, Чэхаў на мове жэстаў і самая дакладная перадача стану дэпрэсіі.