Вы тут

На БЧ распачынаецца фотаконкурс “Мой родны кут, як ты мне мілы!”


З 24 верасня па 30 лістапада сярод работнікаў магістралі праводзіцца фотаконкурс “Мой родны кут, як ты мне мілы!”, прысвечаны Году малой радзімы. Ён арганізаваны з мэтай выхавання ў чыгуначнікаў пачуцці патрыятызму, любові і павагі да сваёй Радзімы, яе гістарычнага мінулага і прыроднай прыгажосці роднага краю, а таксама захавання гісторыка-культурнай і духоўнай спадчыны Рэспублікі Беларусь.


Конкурс праводзіцца па трох намінацыях: "Мой родны кут назаўжды ў маім сэрцы!” (тэматыка фотаработ звязана з гісторыка-культурнай і духоўнай спадчынай малой радзімы, яе прыроднай разнастайнасцю, эпізодамі з ваеннага і пасляваеннага жыцця, вядомымі людзьмі, у тым ліку былымі работнікамі чыгуначнага транспарту), “Сваёй працай мы ўславім цябе, малая радзіма!” (тэматыка звязана з выкананнем работ па добраўпарадкаванні і навядзенні парадку на малой радзіме, у тым ліку работнікамі Беларускай чыгункі), "З майго дзяцінства аб чыгунцы ўспаміны... “ (тэматыка работ адлюстроўвае ўзаемасувязь чыгуначнага транспарту з малой радзімай (дапускаецца выраб фотакалажаў, а таксама камп’ютарная апрацоўка фатаграфій).

Да ўдзелу прымаюцца фатаграфіі як у каляровым, так і ў чорна-белым выкананні памерам 20×30 см, надрукаваныя ва ўмовах прафесійнай фоталабараторыі.

За перамогу ў намінацыях прысуджаюцца 1, 2 і 3 месцы з узнагароджаннем памятнымі дыпломамі і грашовымі прэміямі.

Работы высылаюцца на адрас рэдакцыі газеты “Чыгуначнік Беларусі” (220006, г. Мінск, вул. Кірава, 2) з пазнакай "Фотаконкурс” і указаннем намінацыі не пазней за 30 лістапада.

Матэрыялы, прадстаўленыя на конкурс з парушэннем тэрміну падачы заявак, вырабленыя на струйных і лазерных офісных прынтарах, а таксама без выходных дадзеных аўтара да ўдзелу ў конкурсе не дапускаюцца.

Інфармацыя аб фотаконкурсе, палажэнне аб яго правядзенні даступныя ў інтэрнэце па адрасе www. rw.by, у раздзеле Прэс-центр-> Конкурсы.

Пасяджэнне конкурснай камісіі па падвядзенні вынікаў адбудзецца да 14 снежня.

Пры падвядзенні вынікаў будуць улічвацца: арыгінальнасць сюжэту фотаздымка, адлюстраванне і раскрыццё тэмы праз мастацтва фатаграфіі, мастацкія і тэхнічныя якасці фотаздымка.

Вынікі конкурсу будуць апублікаваны ў газеце “Чыгуначнік Беларусі” і на афіцыйным інтэрнэт-сайце Беларускай чыгункі (www.rw.by).

Сяргей РАСОЛЬКА

Дадаць каментар

Выбар рэдакцыі

Эканоміка

 Эксперт: Да новага года рост цэн на нерухомасць спыніцца

Эксперт: Да новага года рост цэн на нерухомасць спыніцца

А калі і падрасце, то не больш чым на 0,5-1 працэнт.

Грамадства

Як і хто дапамагае змагацца з восамі ў кватэры?

Як і хто дапамагае змагацца з восамі ў кватэры?

Неяк ранкам я знайшла ў сябе на кухні некалькі вос. 

Культура

Форум тэатральнага мастацтва «ТЭАРТ» пакінуў на сэрцы рваныя раны

Форум тэатральнага мастацтва «ТЭАРТ» пакінуў на сэрцы рваныя раны

Мядзведзь на сцэне, Чэхаў на мове жэстаў і самая дакладная перадача стану дэпрэсіі.