Вы тут

Аляксандр Лукашэнка: Беларусь і Кітай сталі «жалезнымі братамі»


Пра гэта заявіў беларускі лідар на сустрэчы з членам Пастаяннага камітэта Палітбюро Цэнтральнага камітэта Камуністычнай партыі Кітая, сакратаром Цэнтральнай камісіі КПК па праверцы дысцыпліны Чжаа Лэцзы.


У пачатку Аляксандр Лукашэнка павітаў Чжаа Лэцзы ў Беларусі: "Асабліва прыемна, што менавіта ў нашу краіну Вы ажыццяўляеце першы візіт пасля абрання дзеючага складу кіраўніцтва Кампартыі Кітая", — адзначыў Прэзідэнт і павіншаваў яго з прызначэннем на высокія, адказныя партыйныя пасады.

Беларускі лідар нагадаў, што сёлета ў чэрвені ў горадзе Ціндаа ў рамках саміту Шанхайскай арганізацыі супрацоўніцтва ён сустракаўся са Старшынёй КНР Сі Цзіньпінам, дзе было абвешчана аб уступленні ў новы этап беларуска-кітайскага супрацоўніцтва. "Беларусь і Кітай, як прынята сёння казаць, сталі" жалезнымі братамі", — адзначыў Прэзідэнт.

Дарэчы, у маі ў Мінску прымалі намесніка старшыні КНР Ван Цішаня. "Рады, што няспынны дыялог на вышэйшым узроўні працягваецца, захоўваючы глыбіню двухбаковых адносін. Кожная сустрэча дае новы імпульс у злучэнні развіцця нашых краін у імя пабудовы "супольнасці адзінага лёсу", — сказаў Аляксандр Лукашэнка.

Беларускі лідар таксама дадаў, што з пункту гледжання беларускага кіраўніцтва нашы адносіны — інтэнсіўныя і усёабдымныя, яны дынамічна развіваюцца. "Такой дынамікай беларускі бок задаволены. Натуральна, што на гэтым доўгім, вельмі складаным і цяжкім шляху заўсёды будуць нявырашаныя праблемы, задачы, якія трэба будзе рэалізоўваць", — канстатаваў ён.

Кіраўнік дзяржавы падкрэсліў: для Беларусі важна пачуць меркаванне Чжаа Лэцзы па якасці двухбаковага ўзаемадзеяння і кірунках яго далейшага паглыблення.

У сваю чаргу, Чжаа Лэцзы адзначыў, што вельмі рады пабываць у прыгожай краіне, у Беларусі. Ён перадаў Аляксандру Лукашэнку "самыя цёплыя прывітанні і найлепшыя пажаданні ад добрага сябра Сі Цзіньпіна". На думку члена Пастаяннага камітэта Палітбюро ЦК КПК, беларускі лідар асабіста ўнёс вялізную лепту ў развіццё беларуска-кітайскіх адносін.

Ён дадаў, што Кітай і Беларусь — гэта добрыя сябры, якія могуць падзяліцца і радасцю, і нягодамі, таксама нашы дзяржавы — партнёры, якія заўсёды аказваюць дапамогу адзін аднаму. Па словах Чжаа Лэцзы, галоўная мэта яго візіту — "рэалізаваць кансэнсус, дасягнуты паміж кіраўнікамі дзяржаў на палях саміту ШАС у Ціндаа".

Дарэчы, рабочы візіт Чжаа Лэцзы ў Беларусь працягнецца да 22 верасня, ён праходзіць у рамках рэалізацыі Мемарандума аб супрацоўніцтве паміж Адміністрацыяй Прэзідэнта Беларусі і Міжнародным аддзелам ЦК КПК.

Плануецца, што член Пастаяннага камітэта Палітбюро ЦК КПК сустрэнецца з прэм'ер-міністрам Беларусі Сяргеем Румасам, кіраўніком Адміністрацыі Прэзідэнта Наталляй Качанавай, а таксама старшынёй Савета Рэспублікі Нацыянальнага сходу Беларусі Міхаілам Мясніковічам.

Прадугледжана і культурная праграма: наведванне Беларускага дзяржаўнага музея гісторыі Вялікай Айчыннай вайны, Кітайска-беларускага індустрыяльнага парка "Вялікі камень", Нацыянальнай бібліятэкі Беларусі, а таксама гісторыка-культурнага комплексу "Лінія Сталіна".

Аб гандлі і інвестыцыях

За 2017 год тавараабарот Беларусі і мацерыковага Кітая склаў 3,11 мільярда долараў ЗША (120,5 % да 2016), аб'ём беларускага экспарту — 362,7 мільёна долараў (76,7 %), імпарту — 2,74 мільярда долараў (128,8 %). Сальда склалася адмоўнае ў памеры 2,38 мільярда долараў.

За студзень — ліпень 2018 года тавараабарот паміж дзвюма краінамі склаў 1,97 мільярда долараў (129 % да аналагічнага перыяду 2017 года), аб'ём беларускага экспарту — 241,2 мільёна долараў (137 %), імпарту — 1,73 мільярда долараў (128 % ). Сальда адмоўнае — мінус 1,49 мільярда долараў.

Асноўныя артыкулы экспарту: калійныя ўгнаенні, поліаміды, лён-сырэц або лён апрацаваны, малако і вяршкі згушчаныя і сухія, малочная сыроватка, рапсавы алей і электронныя інтэгральныя схемы.

Што датычыцца інвестыцыйнага супрацоўніцтва, то за 2017 год у Беларусь паступіла 275,5 мільёна долараў валавых інвестыцый з Кітая, з іх прамых — 113,6 мільёна долараў, на чыстай аснове — 39,1 мільёна долараў (за 2016 — адпаведна 251,2, 99,5 і 36,1 мільёна долараў).

Уладзіслаў ЛУКАШЭВІЧ

Дадаць каментар

Выбар рэдакцыі

Эканоміка

 Эксперт: Да новага года рост цэн на нерухомасць спыніцца

Эксперт: Да новага года рост цэн на нерухомасць спыніцца

А калі і падрасце, то не больш чым на 0,5-1 працэнт.

Грамадства

Як і хто дапамагае змагацца з восамі ў кватэры?

Як і хто дапамагае змагацца з восамі ў кватэры?

Неяк ранкам я знайшла ў сябе на кухні некалькі вос. 

Культура

Форум тэатральнага мастацтва «ТЭАРТ» пакінуў на сэрцы рваныя раны

Форум тэатральнага мастацтва «ТЭАРТ» пакінуў на сэрцы рваныя раны

Мядзведзь на сцэне, Чэхаў на мове жэстаў і самая дакладная перадача стану дэпрэсіі.