Вы тут

Стаўка рэфінансавання пакуль не мяняецца


Стаўка рэфінансавання і працэнтныя стаўкі па аперацыях рэгулявання ліквіднасці Нацыянальнага банка захоўваюцца на бягучым узроўні. Гэта рашэнне прынята праўленнем Нацыянальнага банка па выніках пасяджэння па грашова-крэдытнай палітыцы 19 верасня, паведамілі БелТА ва ўпраўленні інфармацыі і грамадскіх сувязяў Нацбанка.


«Гадавая інфляцыя адпавядае прагнознай дынаміцы. У далейшым рост цэн будзе складвацца блізу ўстаноўленай на 2019—2020 гады мэты ў 5 %. Перашкод для гэтага з боку ўнутранай эканомікі не назіраецца. Пэўныя праінфляцыйныя рызыкі фарміруюцца з боку знешнеэканамічных умоў, якія пагаршаюцца, і ўзросшай нявызначанасці іх далейшага развіцця», — адзначылі ў Нацбанку.

У жніўні прырост спажывецкіх цэн у гадавым вымярэнні склаў 5 %. Па выніках 2018 года, інфляцыя чакаецца каля 5,5 % пры мэтавым паказчыку не больш за 6 %.

Унутраны попыт аказвае ўмеранае ўздзеянне на дынаміку цэн. З боку знешняга сектара праглядаецца некаторае ўзмацненне інфляцыйнага ціску, звязанага ў першую чаргу з чаканым паскарэннем інфляцыйных працэсаў у Расіі.

Для стрымлівання інфляцыйнага ціску з боку знешняга сектара і дасягнення мэтавага паказчыка па інфляцыі спатрэбіцца захаванне дэзінфляцыйнага характару манетарных умоў.

«Захаванне стаўкі рэфінансавання на бягучым узроўні накіравана на падтрыманне манетарных умоў, якія забяспечваюць знаходжанне інфляцыі блізу мэтавага ўзроўню 5 % у 2019—2020 гадах», — праінфармавалі ў Нацбанку.

Наступнае пасяджэнне праўлення Нацыянальнага банка па грашова-крэдытнай палітыцы запланавана на 19 снежня.

Дадаць каментар

Выбар рэдакцыі

Эканоміка

 Эксперт: Да новага года рост цэн на нерухомасць спыніцца

Эксперт: Да новага года рост цэн на нерухомасць спыніцца

А калі і падрасце, то не больш чым на 0,5-1 працэнт.

Грамадства

Як і хто дапамагае змагацца з восамі ў кватэры?

Як і хто дапамагае змагацца з восамі ў кватэры?

Неяк ранкам я знайшла ў сябе на кухні некалькі вос. 

Культура

Форум тэатральнага мастацтва «ТЭАРТ» пакінуў на сэрцы рваныя раны

Форум тэатральнага мастацтва «ТЭАРТ» пакінуў на сэрцы рваныя раны

Мядзведзь на сцэне, Чэхаў на мове жэстаў і самая дакладная перадача стану дэпрэсіі.