Вы тут

Сталічныя аператыўнікі прадухілілі суіцыд маладой жанчыны


Сталічныя аператыўнікі прадухілілі суіцыд маладой жанчыны. Пра гэты выпадак паведамляе сайт Міністэрства ўнутраных спраў.


Намесніка начальніка гарадскога аддзела міліцыі №1 Фрунзенскага РУУС Мінска — начальніка аддзялення крымінальнага вышуку Аляксея Жыгалава спыніла жанчына. Мінчанка паведаміла пра тое, што ў доме непадалёк дзяўчына збіраецца скончыць жыццё самагубствам.

Прахожая патлумачыла, што маладая жанчына сядзіць на балконе восьмага паверха, звесіўшы ногі. Аляксей Жыгалаў неадкладна выбыў на месца здарэння, узяўшы з сабой калегу — оперупаўнаважанага аддзялення крымінальнага вышуку Дзмітрыя Ката. Той, будучы ў форменным абмундзіраванні, па ўказанні Аляксея падышоў да дзвярэй кватэры, у якой пражывае жанчына, а намеснік начальніка пад выглядам мінака стаў весці дыялог з ёй з вуліцы. Пакуль міліцыянер размаўляў, на месца здарэння прыбылі ратавальнікі МНС і брыгада хуткай медыцынскай дапамогі. Затым Аляксей таксама адправіўся да кватэры.

Зайшоўшы ў жыллё, ён убачыў на кухні заплаканую маці, якая распавяла, што яе 29-гадовая дачка вырашыла скончыць жыццё самагубствам з-за непадзеленага кахання. Сям'я шчаслівая, дачка з'яўляецца аспіранткай адной са сталічных ВНУ. Аляксей разам з маці прайшоў у пакой, дзе знаходзіўся балкон і дзе ў роспачы была дзяўчына, каб працягнуць гутарку. Дзмітрый у гэты час таксама знаходзіўся ў кватэры, але дачка гаспадыні яго не бачыла.

У ходзе гутаркі Аляксей зразумеў, што трэба дзейнічаць, бо дзяўчына, мяркуючы па ўсім, была поўная рашучасці ажыццявіць задуманае. Міліцыянер падбег да яе як раз у той момант, калі яна адштурхнулася рукамі, і паспеў схапіць за талію, тым самым прадухіліўшы адчайны скачок. Дзяўчына стала вырывацца і прасіць даць ёй памерці. На дапамогу падбег Дзмітрый, удваіх міліцыянеры выцягнулі дзяўчыну з балкона і перадалі медыкам.

Сяргей РАСОЛЬКА

Дадаць каментар

Выбар рэдакцыі

Калейдаскоп

Чым здзівіў Беларускі тыдзень моды

Чым здзівіў Беларускі тыдзень моды

Пазнаёміцца з навінкамі ад беларускіх дызайнераў можна было на тыдні моды, які праходзіў у Мінску з 7 да 11 лістапада.

Грамадства

Як сацыяльная рэклама змяняе стаўленне да бяздомных жывёл

Як сацыяльная рэклама змяняе стаўленне да бяздомных жывёл

«Не кідай мяне на лецішчы», «Я таксама хачу сустрэць Новы год дома» — такія кранальныя словы бачылі жыхары Масквы на білбордах з сацыяльнай рэкламай пра бяздомных жывёл.

Культура

«Свята каваля» прайшло пад Мінскам

«Свята каваля» прайшло пад Мінскам

Кожны ахвотны мог зрабіць што-небудзь з жалеза.

Спорт

Усё пра конны спорт: хараство і небяспека «жыцця» на канюшні

Усё пра конны спорт: хараство і небяспека «жыцця» на канюшні

Ганна Карасёва — самая тытулаваная айчынная спартсменка ў конным спорце, з Задыякам і Арлекінам яна выступае ў самай прыгожай, але адначасова складанай, дысцыпліне — выездцы.