Вы тут

У Прэзідыуме НАН узнагародзілі герояў асваення космасу


У Прэзідыуме НАН Беларусі адбылося ўрачыстае ўручэнне памятных знакаў «У гонар 90-годдзя Нацыянальнай акадэміі навук Беларусі» героям асваення космасу.


Іх атрымалі Святлана Савіцкая (савецкі касманаўт, лётчык-выпрабавальнік, першая ў свеце жанчына-касманаўт, якая выйшла ў адкрыты космас), Сяргей Крыкалёў (савецкі і расійскі авіяцыйны спартсмен і касманаўт, з кастрычніка 2005 да чэрвеня 2015 года рэкардсмен па сумарным часе знаходжання ў космасе — 803 дні за шэсць стартаў), Ян Лівэй (першы касманаўт КНР, генеральны дырэктар Кітайскага пілатуемага касмічнага агенцтва), Аляксандр Аляксандраў (савецкі касманаўт, двойчы герой Савецкага Саюза, кіраўнік Асацыяцыі ўдзельнікаў касмічных палётаў).

Узнагароды героі-касманаўты атрымалі за значны асабісты ўнёсак у міжнароднае супрацоўніцтва ў галіне касманаўтыкі. Важна адзначыць, што ўручаныя ім памятныя знакі былі за першымі нумарамі. «Я ведаю, што касманаўты заўсёды хочуць быць першымі ва ўсім, а ўсе прысутныя тут у тым ці іншым аспекце такімі і з'яўляюцца», — падкрэсліў падчас урачыстай цырымоніі намеснік старшыні Прэзідыума НАН Беларусі Сяргей КІЛІН.

На сустрэчы касманаўтаў з кіраўніцтвам НАН Беларусі, маладымі навукоўцамі былі абмеркаваныя магчымыя шляхі ўзаемадзеяння касманаўтаў і навукі. Даследчыкі з акадэміі навук пазнаёмілі касманаўтаў з айчыннымі распрацоўкамі ў сферы беспілотных лятальных апаратаў, біятэхналогій. У цэнтры ўвагі была спецыфіка работы рознай апаратуры ў касмічных умовах, далейшыя магчымасці выкарыстання лактаферыну, медыцына і робататэхніка. У сваю чаргу, касманаўты падзяліліся сваім бачаннем магчымасцяў далейшага прасоўвання сумесных навуковых праектаў, расказалі пра асаблівасці ўкаранення навуковых распрацовак для касмічнай сферы.

Работа ХХХІ Міжнароднага кангрэса ўдзельнікаў касмічных палётаў набліжаецца да завяршэння. Сёння ў Цэнтральным батанічным садзе Нацыя-
нальнай акадэміі навук адбудзецца закладка Алеі касманаўтаў. Кожны касманаўт пасадзіць калонападобны ядловец, крона якога мае форму ракеты. Затым у іх будзе магчымасць наведаць аэраклуб ДАСААФ. А ўвечары адбудзецца ўрачыстая цырымонія закрыцця кангрэса і канцэрт.

Надзея НІКАЛАЕВА

Загаловак у газеце: Узнагароды — героям асваення космасу

Дадаць каментар

Выбар рэдакцыі

Калейдаскоп

Чым здзівіў Беларускі тыдзень моды

Чым здзівіў Беларускі тыдзень моды

Пазнаёміцца з навінкамі ад беларускіх дызайнераў можна было на тыдні моды, які праходзіў у Мінску з 7 да 11 лістапада.

Грамадства

Як сацыяльная рэклама змяняе стаўленне да бяздомных жывёл

Як сацыяльная рэклама змяняе стаўленне да бяздомных жывёл

«Не кідай мяне на лецішчы», «Я таксама хачу сустрэць Новы год дома» — такія кранальныя словы бачылі жыхары Масквы на білбордах з сацыяльнай рэкламай пра бяздомных жывёл.

Культура

«Свята каваля» прайшло пад Мінскам

«Свята каваля» прайшло пад Мінскам

Кожны ахвотны мог зрабіць што-небудзь з жалеза.

Спорт

Усё пра конны спорт: хараство і небяспека «жыцця» на канюшні

Усё пра конны спорт: хараство і небяспека «жыцця» на канюшні

Ганна Карасёва — самая тытулаваная айчынная спартсменка ў конным спорце, з Задыякам і Арлекінам яна выступае ў самай прыгожай, але адначасова складанай, дысцыпліне — выездцы.