Вы тут

Ганчарнае брацтва


Браты Іван і Сяргей Шэлесты з вёскі Гарадная Столінскага раёна ўсур'ёз узяліся за працяг спрадвечнага вясковага рамяства — ганчарства. Кожны з іх набыў сучасны ганчарны круг, і на бацькоўскім падворку, калі дазваляе надвор'е, яны разам робяць і традыцыйны посуд, і гліняныя сувеніры. Яшчэ школьнікамі Шэлесты навучыліся ў старых рамеснікаў ганчарнай справе, і цяпер іхнім рукам падуладна ўсё: замешваць гліну, выцягваць з яе розныя формы на крузе, абпальваць гатовы посуд.


Старэйшы Іван скончыў Пінскі індустрыяльны каледж, папрацаваў у аб'яднанні «Пінскдрэў», але вярнуўся ў родную вёску, стаў кіраўніком дзіцячага гуртка Цэнтра ганчарства. Сяргей працуе выкладчыкам фізкультуры ў каледжы машынабудавання, часта ўдзельнічае ў кірмашах майстроў і фестывалях, сёлета на «Славянскім базары» ў Віцебску на конкурсе ганчароў за свае работы атрымаў прызавое месца. Ён таксама падумвае заняцца толькі глінай.

А вось самы малодшы з братоў  Максім (на фота ў цэнтры) яшчэ вучыцца ў школе. І ўсё-такі, калі старэйшыя збіраюцца разам, сядаюць за кругі, працуюць, Максім назірае за рухамі майстроў, сам спрабуе нешта рабіць і, вядома, дапамагае.

Анатоль КЛЯШЧУК, фота аўтара

Дадаць каментар

Выбар рэдакцыі

Калейдаскоп

Чым здзівіў Беларускі тыдзень моды

Чым здзівіў Беларускі тыдзень моды

Пазнаёміцца з навінкамі ад беларускіх дызайнераў можна было на тыдні моды, які праходзіў у Мінску з 7 да 11 лістапада.

Грамадства

Як сацыяльная рэклама змяняе стаўленне да бяздомных жывёл

Як сацыяльная рэклама змяняе стаўленне да бяздомных жывёл

«Не кідай мяне на лецішчы», «Я таксама хачу сустрэць Новы год дома» — такія кранальныя словы бачылі жыхары Масквы на білбордах з сацыяльнай рэкламай пра бяздомных жывёл.

Культура

«Свята каваля» прайшло пад Мінскам

«Свята каваля» прайшло пад Мінскам

Кожны ахвотны мог зрабіць што-небудзь з жалеза.

Спорт

Усё пра конны спорт: хараство і небяспека «жыцця» на канюшні

Усё пра конны спорт: хараство і небяспека «жыцця» на канюшні

Ганна Карасёва — самая тытулаваная айчынная спартсменка ў конным спорце, з Задыякам і Арлекінам яна выступае ў самай прыгожай, але адначасова складанай, дысцыпліне — выездцы.