Вы тут

Маёмасны падатак трэба заплаціць да 15 лістапада


Спецыялісты падатковага ведамства нагадваюць заможным беларусам аб гранічным тэрміне па аплаце маёмасных плацяжоў — зямельнага падатку, падатку на нерухомасць і арэнднай платы за зямлю. Крайні тэрмін аплаты збору — 15 лістапада. Тым, хто пратэрмінуе або забудзе ўнесці падатак, пагражаюць штраф і пеня. Тут парада нумар адзін ад падаткавікоў — аплаціць збор лепш адразу пасля атрымання дакументаў на рукі. Але бываюць складанейшыя выпадкі...


Калі па якой-небудзь прычыне не прыйшло паведамленне на выплату зямельнага падатку і збору на нерухомасць (напрыклад, згублена вамі), трэба звярнуцца ў падатковую па месцы знаходжання аб'екта нерухомасці, у тым ліку зямельнага ўчастка. Эксперты падатковай службы ўдакладняць суму падатку, якую трэба пералічыць у бюджэт. І яшчэ, паведамленне падатковай інспекцыі можна знайсці на старонцы «асабістага кабінета» на сайце падатковай альбо атрымаць па пошце.

Што будзе, калі не плаціць? Сумы падаткаў, якія не былі аплачаныя ў бюджэт добраахвотна, спаганяюцца ў прымусовым парадку праз суд з налічэннем пені за кожны каляндарны дзень пратэрміноўкі. За неаплату або няпоўную аплату накладаецца штраф у памеры 15 працэнтаў ад неаплачанай сумы падатку, але не менш за 0,5 базавай велічыні. Аплаціць падаткі можна праз АРІП, банк, пошту, сельскія (пасялковыя) Саветы, у падатковай інспекцыі і праз інтэрнэт-банкінг.

Сяргей КУРКАЧ

Загаловак у газеце: Маёмасны падатак лепш заплаціць своечасова

Дадаць каментар

Выбар рэдакцыі

Грамадства

Што адбываецца ў Юравічах?

Што адбываецца ў Юравічах?

Пасля трагедыі людзі размаўляюць з журналістамі на ўмовах ананімнасці

Грамадства

На чым Ветка трымаецца

На чым Ветка трымаецца

Формула поспеху мясцовага музея простая: шануй сваё, тым і будзеш цікавы.

Грамадства

Зміцер Жылуновіч. Таварыш пясняр

Зміцер Жылуновіч. Таварыш пясняр

Ён быў аўтарам Маніфеста аб абвяшчэнні Савецкай Беларусі, першым прэм'ер-міністрам рэспублікі, яго двойчы выключалі з партыі, ён мог стаць першым народным паэтам...