Вы тут

Лік выдадзеных на беларускай мове кніг у I паўгоддзі павялічыўся на 15%


Колькасць кніг, выдадзеных на беларускай мове ў першым паўгоддзі бягучага года, павялічылася на 15% у параўнанні з аналагічным перыядам мінулага года. Пра гэта паведаміла начальнік упраўлення выдавецкай і паліграфічнай дзейнасці Міністэрства інфармацыі Алена Паўлава.


"За першае паўгоддзе бягучага года на беларускай мове выдадзены 643 кнігі і брашуры агульным накладам 2 млн 123 тыс. экзэмпляраў. У параўнанні з аналагічным перыядам мінулага года іх колькасць павялічылася адпаведна на 15% і 2,6%. Кнігі на беларускай мове ў агульным аб'ёме займаюць 13,7% па назвах і 18,2% па тыражы. Такім чынам, амаль кожная пятая кніга выдаецца ў нас па-беларуску", - канстатавала Алена Паўлава.

Усяго за студзень-чэрвень выдадзена прыкладна 4,7 тыс. кніг агульным тыражом 11 млн 700 тыс. экзэмпляраў. У параўнанні з першым паўгоддзем мінулага года гэтыя лічбы таксама павялічыліся: колькасць назваў - на 4,4%, наклад - на 17,6%.

Алена Паўлава адзначыла і якасць кніг беларускіх выдаўцоў. На яе думку, Беларусь зрабіла фурор на XV Міжнародным конкурсе "Мастацтва кнігі" дзяржаў - удзельніц Садружнасці Незалежных Дзяржаў у Душанбэ. "Было прадстаўлена 107 выданняў з 6 краін: Беларусь, Казахстан, Таджыкістан, Кыргызстан, Расія і Туркменістан. Беларусь заваявала 17 дыпломаў, у тым ліку Гран-пры за кнігу "Янка Купала. А хто там ідзе? На мовах свету", - сказала начальнік упраўлення.

БЕЛТА

Дадаць каментар

Выбар рэдакцыі

Калейдаскоп

Чым здзівіў Беларускі тыдзень моды

Чым здзівіў Беларускі тыдзень моды

Пазнаёміцца з навінкамі ад беларускіх дызайнераў можна было на тыдні моды, які праходзіў у Мінску з 7 да 11 лістапада.

Грамадства

Як сацыяльная рэклама змяняе стаўленне да бяздомных жывёл

Як сацыяльная рэклама змяняе стаўленне да бяздомных жывёл

«Не кідай мяне на лецішчы», «Я таксама хачу сустрэць Новы год дома» — такія кранальныя словы бачылі жыхары Масквы на білбордах з сацыяльнай рэкламай пра бяздомных жывёл.

Культура

«Свята каваля» прайшло пад Мінскам

«Свята каваля» прайшло пад Мінскам

Кожны ахвотны мог зрабіць што-небудзь з жалеза.

Спорт

Усё пра конны спорт: хараство і небяспека «жыцця» на канюшні

Усё пра конны спорт: хараство і небяспека «жыцця» на канюшні

Ганна Карасёва — самая тытулаваная айчынная спартсменка ў конным спорце, з Задыякам і Арлекінам яна выступае ў самай прыгожай, але адначасова складанай, дысцыпліне — выездцы.