Вы тут

Святы Пантэлеймон на «Грымяках»


У праваслаўным прыходзе вёскі Асінгарадок Пастаўскага раёна ў дзень памяці Велікамучаніка і лекара Пантэлеймона не першы год адбываецца асвячэнне вады на крыніцы, якую ў акрузе называюць “Грымякі“. Вось і ў мінулую нядзелю пад старшынствам пратаірэя айца Георгія Лакоткі прайшло набажэнства на сакральным вытоку. Жыхары навакольных вёсак, а таксама з Глыбоцкага, Мядзельскага раёнаў, нават з самога Мінска, сталі сведкамі таямніцы асвячэння і прычасціліся да гаючай вады. 


- Людзі імкнуцца да гэтага месца, каб не толькі фізічна аздаравіцца, але і супакоіць свае душы, памаліцца, папіць і набраць с сабою вады, - кажа настаяцель прыходу. - Гэты дзень - сапраўднае свята для веруючага чалавека!

 З невялікага азярка па каменьчыках плынь халоднай вады хутка збягае ў суседняе возера, а адтуль - у рэчкі Ласіцу, Галбеніцу, Дзісну і, нарэшце, зліваецца з Дзвіной.

- Чаму так называецца наша крыніца - “Грымякі”? - рытарычна пытаецца жыхар бліжэйшай вёскі Сарокі Аляксандр Латышонак. – Бо некалі да вёскі даносіўся шум вады, якая білася аб камяні, нават за тры кіламетры было чутна крынічнае рэха.

   Па словах Аляксандра Ігнатавіча, перад вайной гаспадар гэтых земляў (Пастаўскі раён да 1939 года быў пад Польшчай) хацеў у гэтым месцы збудаваць вадзяны млын, але пазнейшыя падзеі не далі яму планы ажыццявіць.

Адзін з заўсёдных наведвальнікаў пантэлеймонаўскага свята -- жыхар вёскі Парыж Барыс Аўчыннікаў. Гэтым разам пенсіянер прывёз ікону апекуна крыніцы. Ікону для асвячэння Барысу Васільевічу перадалі медыкі парыжскай бальніцы сястрынскага ўходу. Цяпер вобраз Святога пакутніка будзе апекаць таксама і сацыяльна-медыцынскую ўстанову аграгарадка.

Анатоль КЛЯШЧУК

Фота аўтара

Пастаўскі раён

Дадаць каментар

Выбар рэдакцыі

Калейдаскоп

Чым здзівіў Беларускі тыдзень моды

Чым здзівіў Беларускі тыдзень моды

Пазнаёміцца з навінкамі ад беларускіх дызайнераў можна было на тыдні моды, які праходзіў у Мінску з 7 да 11 лістапада.

Грамадства

Як сацыяльная рэклама змяняе стаўленне да бяздомных жывёл

Як сацыяльная рэклама змяняе стаўленне да бяздомных жывёл

«Не кідай мяне на лецішчы», «Я таксама хачу сустрэць Новы год дома» — такія кранальныя словы бачылі жыхары Масквы на білбордах з сацыяльнай рэкламай пра бяздомных жывёл.

Культура

«Свята каваля» прайшло пад Мінскам

«Свята каваля» прайшло пад Мінскам

Кожны ахвотны мог зрабіць што-небудзь з жалеза.

Спорт

Усё пра конны спорт: хараство і небяспека «жыцця» на канюшні

Усё пра конны спорт: хараство і небяспека «жыцця» на канюшні

Ганна Карасёва — самая тытулаваная айчынная спартсменка ў конным спорце, з Задыякам і Арлекінам яна выступае ў самай прыгожай, але адначасова складанай, дысцыпліне — выездцы.