Вы тут

Лукашэнка зробіць рабочую паездку ў Гомель


Прэзідэнт Беларусі Аляксандр Лукашэнка зробіць рабочую паездку ў Гомельскую вобласць.


Плануецца, што кіраўнік дзяржавы наведае Гомельскую абласную дзіцячую клінічную бальніцу, дзе азнаёміцца з ходам яе рэканструкцыі, а таксама арганізацыяй работы ва ўстанове і яе матэрыяльна-тэхнічнай базай.

У час рабочай паездкі размова пойдзе і ў цэлым аб сацыяльна-эканамічным развіцці Гомельскай вобласці.

Аляксандр Лукашэнка ў Гомелі таксама наведае ААТ "Гомсельмаш", дзе азнаёміцца са станам і перспектывамі развіцця прадпрыемства, работай канструктарскага бюро па стварэнні новых узораў высокапрадукцыйнай збожжа- і кормаўборачнай тэхнікі. Кіраўніку дзяржавы даложаць аб выкананні даручэнняў па развіцці айчыннага камбайнабудавання.

Рэканструкцыя дзіцячай абласной клінічнай бальніцы ў Гомелі ажыццяўлялася ў перыяд з 2016 года па ліпень 2018-га. Праектаванне і будаўніцтва вялося паралельна. Рэканструкцыя дала магчымасць павялічыць колькасць ложкаў з 362 да 552. З іншых клінік пераведзены ўсе аддзяленні для дзяцей хірургічнага, саматычнага профілю, аддзяленні для нованароджаных і неданошаных дзяцей, з'явілася магчымасць арганізаваць работу алергалагічных ложкаў. Створаны сучасныя прыёмныя аддзяленні, у якіх забяспечана магчымасць дыягностыкі любога захворвання на этапе паступлення ў стацыянар. Устаноўлена сучасная медыцынская тэхніка - камп'ютарны і магнітна-рэзанансны тамографы, для правядзення рэнтгеналагічнага і клініка-дыягнастычных лабараторных даследаванняў. Аперацыйныя і аддзяленні інтэнсіўнай тэрапіі і рэанімацыі аснашчаны высокатэхналагічным абсталяваннем.

  • ААТ "Гомсельмаш" - шматпрофільны вытворца камбайнаў і комплексаў для ўборкі збожжавых, кукурузы на зерне, рапсу, кармавых культур, бульбы, лёну, а таксама касілак. Агульны аб'ём асвоеных інвестыцый у асноўны капітал на прадпрыемстве ў 2011-2017 гадах склаў Br69,3 млн, уведзена ў эксплуатацыю 346 адзінак тэхналагічнага абсталявання. Вынікам укаранення новых тэхналогій і абсталявання стала павелічэнне вытворчых магутнасцей да 5 тыс. штук у год.
  • Прэзідэнт Беларусі Аляксандр Лукашэнка даручаў у гэтым уборачным сезоне прадэманстраваць сучасны высокапрадукцыйны камбайн, які не ўступае лепшым сусветным узорам (так званы супер-камбайн). У 2018 годзе выканана распрацоўка канструктарскай дакументацыі мадэлі камбайна КЗС-2124, якая ўлічвае новыя тэндэнцыі ў развіцці камбайнабудавання. Гэта тэхніка працягвае развіццё лінейкі машын на базе найбольш прадукцыйнага збожжаўборачнага камбайна КЗС-1624-1.
  • Да ўборачнага сезона выраблена тры ўзоры камбайна новай мадэлі. Камбайн арыентаваны на перадавыя гаспадаркі, якія вырошчваюць высокаўраджайнае (больш за 60-70 ц/га) збожжа. Па прадукцыйнасці і якасці ўборкі новы камбайн не ўступае лепшаму замежнаму аналагу - збожжаўборачнаму камбайну Lехіоn 770 фірмы Сlaas, маючы цану амаль у два з палавінай разы ніжэйшую.

БЕЛТА

Дадаць каментар

Выбар рэдакцыі

Культура

Форум тэатральнага мастацтва «ТЭАРТ» пакінуў на сэрцы рваныя раны

Форум тэатральнага мастацтва «ТЭАРТ» пакінуў на сэрцы рваныя раны

Мядзведзь на сцэне, Чэхаў на мове жэстаў і самая дакладная перадача стану дэпрэсіі.

Спорт

Настасся Чарняўская: Трэба, каб людзі ведалі: бадмінтон — рэальны спорт

Настасся Чарняўская: Трэба, каб людзі ведалі: бадмінтон — рэальны спорт

Якія задачы ставяцца перад камандай у 2019 годзе і што самае важнае ў бадмінтоне?

Грамадства

Які ўрок лепшы: перакулены або традыцыйны?

Які ўрок лепшы: перакулены або традыцыйны?

Як зрабіць, каб у вучняў загарэліся вочы?

Грамадства

Губернатар Гродзеншчыны - пра перспектыўныя праекты рэгіёна

Губернатар Гродзеншчыны - пра перспектыўныя праекты рэгіёна

Горад-спадарожнік, анкалагічны цэнтр, «вёскі будучыні»...