Вы тут

У Гомельскай вобласці парушальнік скінуў дзяржінспектара з падножкі МАЗа


Вялікагрузную тэхніку — МАЗ і пагрузчык, якія займаліся здабычай пяску, супрацоўнікі Гомельскай абласной інспекцыі аховы жывёльнага і расліннага свету выявілі ў кар’еры каля вёскі Асаўцы.

Каб праверыць законнасць гэтага працэсу, адзін з інспектараў звярнуўся да кіроўцы за дакументамі. Той спаслаўся на тэхналагічную няспраўнасць, маўляў, не можа заглушыць рухавік і выйсці з машыны, а таксама разгледзіць прад’яўленае яму пасведчанне.

Калі дзяржінспектар падняўся на падножку кабіны, кіроўца пачаў рух і, набраўшы хуткасць, накіраваў аўтамабіль у зараслі хмызняку. Ударыўшыся аб галіны, супрацоўнік інспекцыі упаў на зямлю, а кіроўца МАЗа з’ехаў.

Устанавіць асобу парушальніка не склала вялікай працы — гэта 27-гадовы жыхар Гомельскага раёна, мужчына лічыцца беспрацоўным, паведамілі ў Дзяржінспекцыі. МАЗ належыць яго блізкаму сваяку. Ніякіх дакументаў на нарыхтоўку пяску ні першы, ні другі не мелі. Па гэтаму факту зараз праводзіцца праверка. За гвалт у дачыненні службовай асобы пры выкананні ёй службовых абавязкаў Гомельскі РАСК завёў крымінальную справу. Кіроўца затрыманы і змешчаны ў ізалятар. Яму пагражае да пяці гадоў пазбаўлення волі.

Сяргей РАСОЛЬКА 

Выбар рэдакцыі

Грамадства

Псіхолаг расказвае, як знайсці агульную мову з падлеткам

Псіхолаг расказвае, як знайсці агульную мову з падлеткам

Пераходны ўзрост не толькі выпрабоўвае на трываласць самога падлетка і яго бацькоў...

Грамадства

Час, адукацыя і заробак — тры праблемы шматдзетных маці. Як пераадольваць?

Час, адукацыя і заробак — тры праблемы шматдзетных маці. Як пераадольваць?

Памеры дзіцячых выплат бываюць нават большыя за заробак.

Грамадства

Як трэба бяспечна паводзіць сябе на лёдзе?

Як трэба бяспечна паводзіць сябе на лёдзе?

З першага зімовага лёду сёлета дадому не вярнуліся тры чалавекі.