Вы тут

Дзярждума адобрыла ў першым чытанні павышэнне пенсійнага ўзросту ў Расіі


Дзярждума адобрыла ў першым чытанні ўрадавы законапраект аб змяненнях пенсійнай сістэмы ў Расіі, паведамляе ТАСС.


Фота: angliya.com

У падтрымку праекта закона выказаліся 328 дэпутатаў, супраць - 104, тых, хто ўстрымаўся, не было.

Першае чытанне мае на мэце разгляд толькі канцэпцыі законапраекта. Пасля яе зацвярджэння маштабнае абмеркаванне ініцыятывы прадоўжыцца, прапановы па дапрацоўцы праекта закона будуць сабраны і зафіксаваны ў выглядзе паправак да другога чытання. Пры гэтым Дзярждума Расіі для далейшага абмеркавання законапраекта вызначыла перыяд працягласцю больш за два месяцы ў адрозненне ад традыцыйных 30 дзён.

Законапраектам аб змяненні пенсійнай сістэмы ў Расіі, у прыватнасці, прадугледжваецца паступовае павышэнне ўзросту выхаду на пенсію да 65 гадоў для мужчын (да 2028 года) і да 63 гадоў для жанчын (да 2034 года). Цяпер пенсійны ўзрост у РФ для мужчын і жанчын складае 60 і 55 гадоў адпаведна.

Згодна з прапановай урада, павелічэнне пенсійнага ўзросту будзе праводзіцца паэтапна з 2019 года і не закране цяперашніх пенсіянераў - гэта амаль 46,5 млн чалавек. Яны прадоўжаць атрымліваць усе раней назначаныя ім пенсійныя і сацыяльныя выплаты ў ранейшым рэжыме.

Павышэнне пенсійнага ўзросту спачатку закране мужчын 1959 года нараджэння і жанчын 1964 года нараджэння: яны атрымаюць права выйсці на пенсію ў 2020 годзе ва ўзросце 61 года і 56 гадоў адпаведна. Мужчыны, якія нарадзіліся ў 1960 годзе, і жанчыны 1965 года нараджэння выйдуць на пенсію ў 2022 годзе ў 62 гады і ў 57 гадоў. Мужчыны 1961 года нараджэння і жанчыны 1966-га - у 2024 годзе ва ўзросце 63 гадоў і 58 гадоў; мужчыны 1962 года нараджэння і жанчыны 1967 года нараджэння - у 2026 годзе ў 64 гады і 59 гадоў; мужчыны 1963 года і жанчыны 1968 гадоў нараджэння змогуць стаць пенсіянерамі ў 2028 годзе ва ўзросце 65 і 60 гадоў. На гэтым пераходны перыяд павелічэння пенсійнага ўзросту для мужчын скончыцца. Жанчыны 1969 года нараджэння атрымаюць права выхаду на пенсію ў 2030 годзе ва ўзросце 61 года, жанчыны 1970 года нараджэння - у 2032 годзе ва ўзросце 62 гадоў, жанчыны 1971 года нараджэння - у 2034 годзе ва ўзросце 63 гадоў.

Дадаць каментар

Выбар рэдакцыі

Культура

Форум тэатральнага мастацтва «ТЭАРТ» пакінуў на сэрцы рваныя раны

Форум тэатральнага мастацтва «ТЭАРТ» пакінуў на сэрцы рваныя раны

Мядзведзь на сцэне, Чэхаў на мове жэстаў і самая дакладная перадача стану дэпрэсіі.

Спорт

Настасся Чарняўская: Трэба, каб людзі ведалі: бадмінтон — рэальны спорт

Настасся Чарняўская: Трэба, каб людзі ведалі: бадмінтон — рэальны спорт

Якія задачы ставяцца перад камандай у 2019 годзе і што самае важнае ў бадмінтоне?

Грамадства

Які ўрок лепшы: перакулены або традыцыйны?

Які ўрок лепшы: перакулены або традыцыйны?

Як зрабіць, каб у вучняў загарэліся вочы?

Грамадства

Губернатар Гродзеншчыны - пра перспектыўныя праекты рэгіёна

Губернатар Гродзеншчыны - пра перспектыўныя праекты рэгіёна

Горад-спадарожнік, анкалагічны цэнтр, «вёскі будучыні»...