26 Верасень, серада

Вы тут

Дырэктар РНПЦ траўматалогіі і артапедыі затрыманы за хабар


Камітэт дзяржаўнай бяспекі затрымаў за хабар дырэктара РНПЦ траўматалогіі і артапедыі Аляксандра Бялецкага, у яго схованках выяўлена каля $ 500 тыс. у эквіваленце. Пра гэта сёння журналістам паведаміў старшыня КДБ Валерый Вакульчык.


Нягледзячы на следчыя дзеянні і прафілактычныя мерапрыемствы, у сферы аховы здароўя выяўляюцца новыя факты карупцыі, канстатаваў Валерый Вакульчык. "Аляксандр Бялецкі затрыманы і заключаны пад варту за арганізацыю правядзення тэхнічнага абслугоўвання і рамонту медыцынскага абсталявання з боку камерцыйных структур і своечасовую аплату за аказаныя паслугі. Пры правядзенні ператрусу ў яго гаражы і па месцы жыхарства ў схованках выяўлена каля $ 500 тыс. у эквіваленце", - адзначыў старшыня КДБ.

Сярод фігурантаў крымінальных спраў таксама галоўны ўрач 1-й гарадской клінічнай бальніцы Мінска Алег Фамін. Ён затрыманы за садзейнічанне ў арганізацыі закупак медыцынскага абсталявання для патрэб бальніцы. Пры правядзенні ператрусу па месцы пражывання Алега Фаміна выяўлена каля $ 140 тыс. у эквіваленце.

Крымінальныя справы ўзбуджаныя ў дачыненні да галоўурачоў 9-й гарадской клінічнай бальніцы сталіцы Валерыя Кушнярэнкі, Мінскай абласной клінічнай бальніцы Андрэя Каралько і Віцебскай абласной клінічнай бальніцы Анатоля Аладьзкі. Затрыманы таксама галоўны ўрач Рэспубліканскага цэнтра медыцынскай рэабілітацыі і бальнеалячэння Сяргей Карыцька.

Як паведамлялася, на дадзены момант за здзяйсненне злачынстваў, прадугледжаных арт.430 "Атрыманне хабару", арт.431 "Дача хабару" і арт.243 "Ухіленне ад выплаты сум падаткаў, збораў» КК, Камітэтам дзяржбяспекі затрыманыя, заключаныя пад варту, а таксама ужытыя іншыя меры стрымання ў дачыненні да 37 службовых асоб, а ўсяго - больш за 60 фігурантаў.

БЕЛТА

Дадаць каментар

Выбар рэдакцыі

Палітыка

Уладзімір Андрэйчанка расказаў пра найбольш значныя законапраекты

Уладзімір Андрэйчанка расказаў пра найбольш значныя законапраекты

 «Толькі агульнымі намаганнямі мы зможам супрацьстаяць няпростым выклікам часу».

Грамадства

Як у Беларусі абясшкоджваюць боепрыпасы

Як у Беларусі абясшкоджваюць боепрыпасы

​Колішняя Беларуская ваенная акруга лічылася адной з самых магутных у СССР.

Грамадства

Шчырая размова з вядомым педагогам пра бацькоўскія сумненні і страхі

Шчырая размова з вядомым педагогам пра бацькоўскія сумненні і страхі

«Калі ў вас адкрыўся рот, каб накрычаць на дзіця, спыніцеся хоць на секунду…» 

Грамадства

Чым здзівіў сёлета «Кліч Палесся»

Чым здзівіў сёлета «Кліч Палесся»

Этнафэст стаў вядомым далёка за межамі Беларусі.