26 Верасень, серада

Вы тут

Электронная бібліятэка БДУ ўвайшла ў 30 найлепшых рэпазіторыяў свету


Па апошніх дадзеных сусветнага рэйтынгу "Transparent Ranking of Repositories" яна заняла 27 месца ў свеце. Сярод універсітэцкіх рэпазіторыяў Электронная бібліятэка БДУ замыкае тройку лідараў, саступіўшы толькі Федэральнаму ўніверсітэту Рыа-Грандэ-ду-Сул (Бразілія) і Універсітэту Кіёта (Японія).


Фундаментальная бібліятэка БДУ першая ў Беларусі пачала ствараць інстытуцыйны рэпазіторый і размяшчаць у адкрытым доступе паўнатэкставыя навуковыя публікацыі, навучальныя і метадычныя матэрыялыў навукоўцаў і выкладчыкаў універсітэта. Акрамя таго, бібліятэка БДУ ўкараніла працэс перакладу наяўных у сваім фондзе дакументаў у электронны фармат з мэтай іх даступнасці для ўсёй сусветнай навуковай супольнасці. У цяперашні час у сховішчах  Электроннай бібліятэкі БДУ знаходзяцца больш за 130 000 публікацый навукоўцаў і выкладчыкаў універсітэта.

Рэйтынг "Transparent Ranking of Repositories" бярэ пад увагу  колькасць дакументаў у адкрытым доступе і ступені іх індэксавання пошукавай сістэмай па поўных тэкстах навуковых публікацый "Google Scholar". Такім чынам ацэньваецца ўзровень адкрытасці акадэмічных рэсурсаў і іх інтэграцыя ў сусветную інфармацыйную прастору.

Па стане на ліпень бягучага года "Transparent Ranking of Repositories" ахапіў тысячу лічбавых сховішчаў устаноў вышэйшай адукацыі і даследчых цэнтраў з усяго свету. Першыя радкі ў ім занялі "China National Knowledge Infrastructure", "Japan Science and Technology Information Aggregator Electronic J-STAGE", "Europe PubMed Central", "Arxiv.org".

Электронны архіў БНТУ апынуўся на 93 месцы, Палескага дзяржаўнага ўніверсітэта -- на 352-м, БДТУ -- на 376-м, ПГУ -- на 386- м і г.д.

Сярод універсітэтаў краін-суседзяў найлепшыя паказчыкі ў рэпазіторыяў Сумскага дзяржаўнага ўніверсітэта (70), Уральскага федэральнага ўніверсітэта (80), Казанскага федэральнага ўніверсітэта (104), Томскага дзяржаўнага ўніверсітэта (105), Нацыянальнага тэхнічнага ўніверсітэта "Харкаўскі політэхнічны інстытут" (120), Томскага політэхнічнага ўніверсітэта (126) і ўніверсітэта Тарту (145).

Рэйтынг рэпазіторыяў адкрытага доступу -- ініцыятыва лабараторыі "Cybermetrics Lab" навуковага цэнтра Іспаніі "Concejo Superior de Investigaciones Científicas (CSIC)"  (Вышэйшы савет па навуковых даследаваннях). Мэтай рэйтынгу з'яўляецца падтрымка адкрытага доступу да навуковых публікацый і вучэбных матэрыялаў у электроннай форме. З яго дапамогай стваральнікі імкнуцца дадаткова матываваць даследчыкаў публікаваць вынікі сваёй навуковай дзейнасці ў інтэрнэце, робячы іх даступнымі для калег і ўсіх зацікаўленых, у якой бы краіне яны не знаходзіліся. Адна з асноўных ідэй рэйтынгу электронных бібліятэк - стымуляванне абмену інфармацыяй паміж навукоўцамі свету за кошт публікацыі вынікаў даследаванняў ВНУ на вузаўскіх сайтах. Гэта асабліва важна ў сучасных умовах, калі абмен навуковай інфармацыі набывае першараднае значэнне ў глабальным маштабе.

Надзея НІКАЛАЕВА

Дадаць каментар

Выбар рэдакцыі

Палітыка

Уладзімір Андрэйчанка расказаў пра найбольш значныя законапраекты

Уладзімір Андрэйчанка расказаў пра найбольш значныя законапраекты

 «Толькі агульнымі намаганнямі мы зможам супрацьстаяць няпростым выклікам часу».

Грамадства

Як у Беларусі абясшкоджваюць боепрыпасы

Як у Беларусі абясшкоджваюць боепрыпасы

​Колішняя Беларуская ваенная акруга лічылася адной з самых магутных у СССР.

Грамадства

Шчырая размова з вядомым педагогам пра бацькоўскія сумненні і страхі

Шчырая размова з вядомым педагогам пра бацькоўскія сумненні і страхі

«Калі ў вас адкрыўся рот, каб накрычаць на дзіця, спыніцеся хоць на секунду…» 

Грамадства

Чым здзівіў сёлета «Кліч Палесся»

Чым здзівіў сёлета «Кліч Палесся»

Этнафэст стаў вядомым далёка за межамі Беларусі.