Вы тут

Мінбудархітэктуры: пытанне з пастаўкамі цэменту цалкам урэгулявана


Пытанне з пастаўкамі цэменту цалкам ўрэгулявана, паведаміў намеснік міністра архітэктуры і будаўніцтва Дзмітрый Семянкевіч.


"У міністэрстве па гэтым пытанні правялі некалькі нарад на чале з міністрам. Пытанне ўрэгулявана цалкам", - падкрэсліў Дзмітрый Семянкевіч.

Намеснік міністра растлумачыў, што прычына праблем з пастаўкамі цэменту была ў арганізацыі ўзаемадзеяння паміж заказчыкамі і вытворцамі будматэрыялу. "Размова не ішла пра дэфіцыт цэменту, у нашых вытворцаў яго досыць для прадастаўлення спажыўцам. Гэта былі, хутчэй, арганізацыйныя пытанні, якія заказчыкі павінны ўлічваць. Першае - яны павінны дакладна планаваць працу на працягу года і загадзя папярэджваць, калі патрэбна пастаўка ўсіх матэрыялаў, не толькі цэменту. Другое - яны павінны аплачваць матэрыялы ў адпаведнасці з патрабаваннямі заводаў, па стоадсоткавай перадаплаце. у нас жа многія працягваюць думаць так: вы нам дайце цэмент, а мы аплацім потым, калі будзе магчымасць. Гэта недапушчальна ў сучасных эканамічных умовах", - адзначыў ён.

Дзмітрый Семянкевіч таксама пракаментаваў заявы пра падаражанне цэменту. "Кошт не змяніўся, адзінае - перакупшчыкі, якія адразу з'яўляюцца, калі ўзнікае патрэба ў нейкім відзе тавару, хочуць зарабіць і падымаюць цэны. З імі павінны змагацца іншыя ведамствы", - сказаў ён.

Як паведамлялася, з канца чэрвеня ў Беларусі некалькі дзён назіраліся перабоі з пастаўкамі цэменту будаўнічым кампаніям.

БЕЛТА

Выбар рэдакцыі

Грамадства

Як выхаваць даследчыка за школьнай партай?

Як выхаваць даследчыка за школьнай партай?

Чаму ўсе краіны, якія развіваюць інавацыйную эканоміку, робяць сёння стаўку на STЕM? 

Палітыка

Аляксандр Лукашэнка сустрэўся з прадстаўнікамі СМІ Расіі

Аляксандр Лукашэнка сустрэўся з прадстаўнікамі СМІ Расіі

Некалькі рэчаў сёлета адбываюцца ўпершыню.

Грамадства

Ці набудуць у гаспадароў старыя хаты?

Ці набудуць у гаспадароў старыя хаты?

Адэльскі сельскі савет, што ў Гродзенскім раёне, можна назваць брамай у Еўрасаюз.