24 Верасень, панядзелак

Вы тут

"Барадаты" конкурс правядуць у Вілейцы


Конкурс "Дзядзька барада-2018" пройдзе ў Вілейцы 14 ліпеня, паведамілі ў Вілейскім Палацы культуры.


Фота: anews.com

Мерапрыемства такога плану ў Вілейцы праводзіцца ўпершыню. "Цяпер сярод хлопцаў модна насіць бараду, таму мы падумалі, што конкурс будзе цікавы і актуальны для жыхароў Вілейскага раёна", - растлумачылі ў Палацы культуры.

Да ўдзелу запрашаюць мужчын з барадой, якія пражываюць у Вілейскім раёне. Мэта конкурсу - падтрымаць таленавітых маладых людзей у рэалізацыі іх творчага патэнцыялу, выявіць і стымуляваць новыя напрамкі сучаснай моды і авангардных творчых кірункаў.

Праграма выступу будзе ўключаць прадстаўленне канкурсанта і творчы нумар (танцавальны, вакальны, інструментальны). Удзельнікаў будуць ацэньваць па крытэрах арыгінальнасці, відовішчнасці, артыстызму, узроўню выканання.

Журы вызначыць пераможцу "Дзядзька барада-2018" і адзначыць уладальнікаў дагледжанай, самай доўгай, натуральнай, стыльнай і крэатыўнай барады. Яны атрымаюць спецыяльныя дыпломы і каштоўныя прызы.

Заяўкі на ўдзел прымаюцца да 12 ліпеня.

Арганізатарам конкурсу выступае Вілейскі райвыканкам.

БЕЛТА

Дадаць каментар

Выбар рэдакцыі

Грамадства

75 год таму пачалося вызваленне Беларусі

75 год таму пачалося вызваленне Беларусі

23 верасня 1943 года, савецкімі войскамі быў вызвалены ад нямецка-фашысцкіх захопнікаў першы населены пункт Беларусі — раённы цэнтр Камарын.

Грамадства

Каму і чым дапаможа ТЦСАН

Каму і чым дапаможа ТЦСАН

Ад дапамогі дома пажылым і да стварэння крызісных пакояў для ахвяр хатняга гвалту.

Грамадства

Маштабныя вучэнні прайшлі ў краіне

Маштабныя вучэнні прайшлі ў краіне

Актыўная фаза камандна-штабнога вучэння Узброеных Сіл прайшла ў Беларусі ў верасні.