26 Верасень, серада

Вы тут

У Мінску выбралі самую грацыёзную студэнтку СНД


Учора ў Мінску прайшоў фінал Міжнароднага міжуніверсітэцкага конкурсу грацыі і артыстычнага майстэрства “Каралева Вясна — 2018”. За карону і галоўны тытул спаборнічалі восем прыгажунь з Беларусі, Расіі, Арменіі і Латвіі.


Арганізатары, сярод якіх БРСМ і Расійскі саюз моладзі, кажуць, што крытэрыем адбору ўдзельніц былі не толькі знешнія даныя. Важны і сцэнічная культура, камунікабельнасць, веданне этыкету, пачуццё гумару, творчыя здольнасці.

Нашу краіну прадстаўлялі студэнтка Віцебскага дзяржаўнага ўніверсітэта імя Машэрава Марыя Салаўёва, Вераніка Адамовіч з БДЭУ і Улада Вадзянава з Брэсцкага дзяржаўнага тэхнічнага ўніверсітэта.

Конкурс праводзіўся ў 27-ы раз. Сёлета тэмай фінала стала “Падарожжа на лайнеры мары”. Удзельніцы дэфілявалі на сцэне ў матросскіх касцюмах, нацыянальных уборах, спартыўным адзенні (Еўрапейскія гульні ж на носе!) і вячэрніх сукенках. А свае таленты дзяўчыны маглі прадэманстраваць падчас творчага конкурсу.

Каму ж удалося скарыць журы? Пераможцай і ўладальніцай кароны стала студэнтка Паўночна-Каўказскага федэральнага ўніверсітэта Настасся Кобцава. Дзяўчына — актывістка Расійскага саюзу моладзі і майстар спорту па мастацкай гімнастыцы. Яна з’яўляецца байцом педагагічнага атраду і пастаяннай удзельніцай гарадскіх мерапрыемстваў. Настасся стала таксама “Каралевай Вясны Online”: у сацыяльнай сетцы “Укантакце” яна набрала найбольш галасоў.

Тытул “Першай віцэ-Каралевы Вясна” дастаўся нашай Машы — будучаму філолагу і трэнеру па бальных танцах. “Другой віцэ-Каралевай Вясна” стала студэнтка Паўночага (Арктычнага) федэральнага інстытута імя Ламаносава Валерыя Кетава.

“Каралева Вясна” — некамерцыйны творчы студэнцкі праект. Ён накіраваны на падтрымку таленавітай моладзі, захаванне культуры і традыцый народаў СНД і блізкага замежжа.

Наталля ЛУБНЕЎСКАЯ

Фота Ганны ЗАНКАВІЧ

Дадаць каментар

Выбар рэдакцыі

Палітыка

Уладзімір Андрэйчанка расказаў пра найбольш значныя законапраекты

Уладзімір Андрэйчанка расказаў пра найбольш значныя законапраекты

 «Толькі агульнымі намаганнямі мы зможам супрацьстаяць няпростым выклікам часу».

Грамадства

Як у Беларусі абясшкоджваюць боепрыпасы

Як у Беларусі абясшкоджваюць боепрыпасы

​Колішняя Беларуская ваенная акруга лічылася адной з самых магутных у СССР.

Грамадства

Шчырая размова з вядомым педагогам пра бацькоўскія сумненні і страхі

Шчырая размова з вядомым педагогам пра бацькоўскія сумненні і страхі

«Калі ў вас адкрыўся рот, каб накрычаць на дзіця, спыніцеся хоць на секунду…» 

Грамадства

Чым здзівіў сёлета «Кліч Палесся»

Чым здзівіў сёлета «Кліч Палесся»

Этнафэст стаў вядомым далёка за межамі Беларусі.