Вы тут

Перадавікі «лічбы»


Беларусь — за ўмацаванне ўзаемадзеяння ў лічбавай эканоміцы на Еўразійскім кантыненце.

Такую пазіцыю агучыў кіраўнік беларускай парламенцкай дэлегацыі, намеснік старшыні Палаты прадстаўнікоў Нацыянальнага сходу Баляслаў ПІРШТУК у сваім выступленні на пасяджэнні агульнага камітэта ПА АБСЕ па эканамічных пытаннях, навуцы, тэхналогіі і навакольным асяроддзі, перадае прэс-служба Палаты прадстаўнікоў. Нагадаем, гэта адбылося ў рамках 27-й штогадовай сесіі Парламенцкай асамблеі АБСЕ ў Берліне.


Кіраўнік беларускай парламенцкай дэлегацыі нагадаў і аб ініцыяваным нашымі парламентарыямі праекце рэзалюцыі «Прасоўванне лічбавай эканомікі ў інтарэсах забеспячэння эканамічнага росту на прасторы АБСЕ», які адлюстроўвае пытанні пераходу і адаптацыі грамадства да лічбавай эканомікі, гарманізацыі стандартаў і міжнароднага супрацоўніцтва ў мэтах збліжэння дзяржаў і лічбавізацыі міжнароднага гандлю.

Ён акцэнтаваў увагу на неабходнасці садзейнічання эканамічнаму прагрэсу ў рэгіёне АБСЕ праз развіццё чалавечага капіталу, прасоўванне мадэляў належнага кіравання, барацьбу з карупцыяй і адмываннем грошай, праз інавацыі і развіццё лічбавай эканомікі.

На думку Баляслава Пірштука, узаемадзеянне ў сферы лічбавай эканомікі як паміж краінамі, так і рознымі інтэграцыйнымі структурамі на Еўразійскім кантыненце будзе садзейнічаць умацаванню пачуцця ўзаемазвязанасці эканамічнай прасторы на кантыненце і ўзаемазалежнасці кожнага з яе складнікаў.

Старшыня Пастаяннай камісіі Палаты прадстаўнікоў па міжнародных справах Валерый Варанецкі прыняў удзел у пасяджэнні агульнага камітэта па палітычных пытаннях і бяспецы.

Ён пацвердзіў гатоўнасць Беларусі і ў далейшым актыўна працаваць у рамках АБСЕ па супрацьдзеянні транснацыянальным выклікам і пагрозам. На яго думку, эфектыўна супрацьстаяць тэрарызму можна комплексным падыходам, накіраваным на выяўленне першапрычын, а таксама ўлічваючы развіццё новых тэхналогій.

Уладзіслаў ЛУКАШЭВІЧ

Дадаць каментар

Выбар рэдакцыі

Грамадства

Што адбываецца ў Юравічах?

Што адбываецца ў Юравічах?

Пасля трагедыі людзі размаўляюць з журналістамі на ўмовах ананімнасці

Грамадства

На чым Ветка трымаецца

На чым Ветка трымаецца

Формула поспеху мясцовага музея простая: шануй сваё, тым і будзеш цікавы.

Грамадства

Зміцер Жылуновіч. Таварыш пясняр

Зміцер Жылуновіч. Таварыш пясняр

Ён быў аўтарам Маніфеста аб абвяшчэнні Савецкай Беларусі, першым прэм'ер-міністрам рэспублікі, яго двойчы выключалі з партыі, ён мог стаць першым народным паэтам...