Вы тут

Пенсіі, бязвіз і азеляненне тэрыторыі


Учора ў Палаце прадстаўнікоў Нацыянальнага сходу разглядалася 11 пытанняў. Яны датычыліся выканання бюджэту за 2017 год, змен у некаторыя законы і кодэксы.


Людміла ДАБРЫНІНА, старшыня Пастаяннай камісіі па бюджэце і фінансах, расказала, што за мінулы год выкананы паказчыкі бюджэту па расходах і даходах.
«У цэлым выкананне бюджэту па даходах склала 19,8 млрд рублёў, па расходах — 17 млрд рублёў. Прафіцыт — 2,8 млрд рублёў. Практычна па ўсіх асноўных даходных крыніцах існуе прырост да ўзроўню 2016 года дзякуючы таму, што ў 2017 годзе намецілася станоўчая дынаміка ў нашай эканоміцы. Склаліся спрыяльныя знешнеэканамічныя ўмовы — гэта перш за ўсё рост цэн на нафту і калійныя ўгнаенні», — рэзюмавала старшыня камісіі. Сярод асноўных даходаў бюджэту, напрыклад, паступленні ад падатку на дабаўленую вартасць. Яны павялічыліся на 12,3 % і склалі 6,4 млрд рублёў.

Тэму пенсій і дзейнасці Фонду сацыяльнай абароны насельніцтва пракаментавала Людміла НІЖЭВІЧ, член Пастаяннай камісіі па бюджэце і фінансах. Яна адзначыла, што, улічваючы паэтапнае павышэнне пенсійнага ўзросту, гаварыць аб нейкім скачку паступленняў не варта. Але ў сярэднім дзесьці 100 млн рублёў (з улікам дадатковых паўгода) паступіла ў бюджэт. За 2017 год даходы фонду склалі 12,5 млрд рублёў, расходы — 12,3 млрд рублёў. Нягледзячы на тое, што даходы фонду выраслі на 6 %, запланаваны аб'ём сродкаў не забяспечаны, таму на працягу года праводзілася ўдакладненне па даходах і расходах.

Абноўлены закон «Аб нарматыўных прававых актах» павінен зрабіць нашы законы больш зразумелымі. Як расказаў Віталь Уласевіч, член Пастаяннай камісіі па заканадаўстве, у ім урэгуляваны поўнасцю ўвесь працэс нарматворчасці ў краіне. У дзейны Закон «Аб нарматыўных прававых актах» канцэптуальныя змяненні не ўносіліся больш за дзесяць гадоў. Тым часам у новым варыянце замацаваны шэраг новаўвядзенняў, такіх як грамадскае абмеркаванне і інстытут ацэнкі рэгулюючага ўздзеяння. Апошні, у прыватнасці, прадугледжвае, што на стадыі распрацоўкі законапраекта профільнае міністэрства будзе высвятляць у бізнесу, як тая ці іншая норма адлюструецца на гаспадарчай дзейнасці суб'екта.

Валерый ВАРАНЕЦКІ, старшыня Пастаяннай камісіі Палаты прадстаўнікоў па міжнародных справах, расказаў, калі нам чакаць бязвізу з Кітаем. На пасяджэнні разгледзелі гэта пытанне. Далей яно накіроўваецца ў Савет Рэспублікі. На думку старшыні камісіі, на працягу месяца ўсе афіцыйныя працэдуры могуць быць завершаны. Валерый Варанецкі адзначыў, што адносіны паміж Беларуссю і Кітаем развіваюцца вельмі дынамічна. Гэта датычыцца як гандлю, так і культурных, спартыўных і турыстычных праектаў.

Ірына КРАЛЕВІЧ, член Пастаяннай камісіі па пытаннях экалогіі, прыродакарыстання і чарнобыльскай катастрофы, на пасяджэнні прадставіла праект змяненняў у закон «Аб раслінным свеце». Ён быў ініцыяваны і распрацаваны групай дэпутатаў. Абнаўленні датычацца азелянёных тэрыторый, выдалення і перасадкі раслін, а таксама кампенсуючых мерапрыемстваў.

Надзея АНІСОВІЧ

Дадаць каментар

Выбар рэдакцыі

Эканоміка

 Эксперт: Да новага года рост цэн на нерухомасць спыніцца

Эксперт: Да новага года рост цэн на нерухомасць спыніцца

А калі і падрасце, то не больш чым на 0,5-1 працэнт.

Грамадства

Як і хто дапамагае змагацца з восамі ў кватэры?

Як і хто дапамагае змагацца з восамі ў кватэры?

Неяк ранкам я знайшла ў сябе на кухні некалькі вос. 

Культура

Форум тэатральнага мастацтва «ТЭАРТ» пакінуў на сэрцы рваныя раны

Форум тэатральнага мастацтва «ТЭАРТ» пакінуў на сэрцы рваныя раны

Мядзведзь на сцэне, Чэхаў на мове жэстаў і самая дакладная перадача стану дэпрэсіі.