Вы тут

Вышыванку працягласцю ў цэлую вуліцу прадставяць 2 ліпеня ў Гродне


Вышыванку працягласцю ў цэлую вуліцу прадставяць у Гродне 2 ліпеня, паведамілі ў Гродзенскім аблвыканкаме.


Цэнтрам святкавання Дня вышыванку ў Гродне стане пешаходная вуліца Савецкая. Галоўная святочная сцэна размесціцца ля маладзёжнага цэнтра, тут запланавана работа некалькіх пляцовак, пад агульнай назвай "Азбука беларускага арнаменту" з аквагрымам, майстар-класамі па пляценні касічак, традыцыйных лялек. Таксама будзе працаваць тэматычная фотазона.

"Адметнасцю свята стане акцыя "Вышыванка даўжынёй у Савецкую вуліцу". Яе плануецца скласці з дзіцячых малюнкаў. Да ўдзелу ў акцыі запросім дашкольныя ўстановы, аздараўленчыя лагеры, проста ўсіх жадаючых", - распавялі ў Гродзенскім аблвыканкаме. Аналагічныя вышыванкі даўжынёй у вуліцу плануецца размясціць і ў райцэнтрах вобласці.

Акрамя таго, жыхарам Гродна прапануюць стаць удзельнікамі масавага флэш-мобу "Малюем малую радзіму". Для гэтага па Савецкай вуліцы будуць выстаўленыя дзясяткі мальбертаў. Аўтараў лепшых работ заахвоцяць.

Дзень вышыванку 2 ліпеня адзначаць ва ўсіх раённых цэнтрах Гродзенскай вобласці. Прысвечаны яму будуць розныя мерапрыемствы - спартыўныя, пазнавальныя, культурныя і музычныя. Грамадскія аб'яднанні правядуць акцыю "Падары вышыванку сябру", а таксама паўдзельнічаюць у традыцыйным уручэнні распашонак-вышыванак нованароджаным. Сярод іншых падзей анансуецца фотаконкурс "Сэлфi-фота з вышыванкай". Пераможцу вызначаць у некалькіх намінацыях у анлайн-рэжыме. Запланавана і абласная аўтограф-сесія з удзелам вядомых людзей у вышыванках.

БЕЛТА

Дадаць каментар

Выбар рэдакцыі

Грамадства

Партызанскія рукапісы — бясцэнныя сведчанні ваеннага часу

Партызанскія рукапісы — бясцэнныя сведчанні ваеннага часу

Партызанскія часопісы — насамрэч унікальныя інфармацыйныя зборнікі, значэнне і важнасць якіх разумелі ў тым ліку іх стваральнікі і чытачы.

Грамадства

Беларускія навукоўцы прадставілі больш за 300 распрацовак і тэхналогій

Беларускія навукоўцы прадставілі больш за 300 распрацовак і тэхналогій

На юбілейнай выстаўцы Нацыянальнай акадэміі навук.

Эканоміка

Ніна Жалязнова: Мы, беларусы, па сваёй ментальнасці — людзі зямлі

Ніна Жалязнова: Мы, беларусы, па сваёй ментальнасці — людзі зямлі

«Звязда» ўжо неаднойчы пісала пра гэту незвычайную жанчыну.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра ўрокі іншай мовы і шчасце, калі ў доме гаспадар.