Вы тут

Памёр Міхась Мушынскі


Міхась Іосіфавіч Мушынскі, вядомы беларускі літаратуразнавец, крытык, тэкстолаг, доктар філалагічных навук, член-карэспандэнт НАН Беларусі, нарадзіўся 24 студзеня 1931 года ў вёсцы Мокрае Быхаўскага раёна. У 1955-м скончыў філалагічны факультэт БДУ. З 1956 года працаваў у Інстытуце літаратуры імя Янкі Купалы Акадэміі навук, якому прысвяціў усё сваё жыццё (спачатку малодшым навуковым супрацоўнікам, з 1968 года — старшым, затым загадчыкам аддзела, галоўным навуковым супрацоўнікам).


У 1978-м абараніў доктарскую дысертацыю. Аўтар больш як 300 навуковых прац, у тым ліку 13 манаграфій. Сярод найбольш вядомых — «Летапіс жыцця і творчасці Якуба Коласа» (1982; 2012 год — пашыранае выданне), «Каардынаты пошуку. Беларуская крытыка: набыткі і перспектывы» (1988), «І нічога апроч праўды: якой быць «Гісторыі беларускай літаратуры» (1990), «Праўдзівая гісторыя жыцця і творчасці Міхася Зарэцкага» (2005), «Тэксталогія твораў Янкі Купалы і Якуба Коласа (2007), «Мае Каласавіны» (2010). Агляды творчасці Максіма Гарэцкага «Падзвіжнік з Малой Багацькаўкі» і Міхася Зарэцкага «Нескароны талент» сталі настольнымі кнігамі для некалькіх пакаленняў студэнтаў, аспірантаў, выкладчыкаў сярэдняй і вышэйшай школы, акадэмічных вучоных.

Другой важнай галіной дзейнасці Міхася Мушынскага з'яўляецца тэксталогія — падрыхтоўка і выданне збораў твораў беларускіх літаратараў. Вынікам працы калектыву акадэмічных тэкстолагаў, які ўзначальваў Міхась Мушынскі, сталі найпаўнейшыя выданні класікі: твораў Янкі Купалы ў 7 тамах, Якуба Коласа ў 12, 14 і 20 тамах, Івана Мележа ў 10 тамах, Міхася Лынькова ў 10 тамах, Максіма Гарэцкага ў 4 тамах з дадаткамі, Піліпа Пестрака ў 5 тамах, Змітрака Бядулі ў 5 тамах, Петруся Броўкі ў 8 тамах і іншыя.

Фундаментальная праца па крытыцы тэксту, дбайнае стаўленне да аўтарскіх рэдакцый і варыянтаў, а таксама аналіз пісьменніцкага самарэдагавання і галоўлітаўскай цэнзуры сталі галоўнай прыкметай збораў твораў, здзейсненых пад кіраўніцтвам Міхася Мушынскага.

У 1980 годзе Міхась Мушынскі быў узнагароджаны Дзяржаўнай прэміяй БССР імя Якуба Коласа.

Дадаць каментар

Выбар рэдакцыі

Грамадства

Школа заўтрашняга дня. У трэндзе — медыянавыкі, гейміфікацыя і сторытэлінг

Школа заўтрашняга дня. У трэндзе — медыянавыкі, гейміфікацыя і сторытэлінг

У мінулыя выхадныя сталічны бізнес-клуб «Імагуру» ўжо другі раз прымаў на сваіх плошчах педагагічную неканферэнцыю. 

Культура

Гісторыкі спадзяюцца знайсці дакладную дату заснавання Мірскага замка

Гісторыкі спадзяюцца знайсці дакладную дату заснавання Мірскага замка

Вызначыць дакладны час з'яўлення на Беларусі вядомага абарончага збудавання дагэтуль немагчыма, хоць розных гіпотэз існуе шмат.

Грамадства

«Ніколі не губляйце мару дзяцінства!»

«Ніколі не губляйце мару дзяцінства!»

Мы з Аленай Варановіч пазнаёміліся выпадкова, на вуліцы. Адразу разгаварыліся і знайшлі агульную мову. Тады за кубкам кавы яна сказала мне важныя словы: «Ніколі не губляй мару дзяцінства».

Спорт

Уладзімір Шантаровіч: Кажуць, я — геній, і мне гэта вельмі не падабаецца

Уладзімір Шантаровіч: Кажуць, я — геній, і мне гэта вельмі не падабаецца

Як трэнер пабудаваў сістэму, якая выхоўвае алімпійскіх чэмпіёнаў.