Вы тут

Сістэма субсідый пашыраецца і ўдакладняецца


Цяпер права на атрыманне безнаяўных жыллёвых субсідый па выяўляльным прынцыпе дадаткова дадзена грамадзянам, якія даглядаюць дзяцей ва ўзросце да трох гадоў, дзяцей-інвалідаў да 18 гадоў і якія атрымліваюць адпаведную дапамогу ў органах па працы, занятасці і сацыяльнай абароне. Пра гэта гаворыцца ва Указе № 225, які кіраўнік дзяржавы падпісаў 7 чэрвеня.


Акрамя таго, субсідыі будуць дадзены тым, хто атрымлівае дапамогу па доглядзе інваліда І групы або асобы, якая дасягнула васьмідзесяцігадовага ўзросту. Пры гэтым дапамога грамадзянам будзе выдзяляцца на падставе звестак інфармацыйных рэсурсаў Міністэрства працы і сацыяльнай абароны без неабходнасці збору якіх-небудзь дакументаў.

Удакладняецца, хто і калі можа атрымаць субсідыю, калі здымае прыватнае жыллё. Згодна з гэтым дакументам, права на атрыманне субсідый па заяўляльным прынцыпе дадзена таксама грамадзянам або сем'ям, якія не маюць уласнага жылля і пражываюць на здымных кватэрах альбо ў інтэрнаце прадпрыемстваў недзяржаўнай формы ўласнасці. Як і раней, субсідыя выдзяляецца пры ўмове, калі штомесячная сума платы за жыллёва-камунальныя паслугі пры нарматыўным іх спажыванні перавышае 20 % сярэднямесячнага сукупнага даходу сям'і ў горадзе і 15 % у сельскай мясцовасці.

Указ вызначае, што з першых дзён наступнага года субсідыі не будуць выдзяляцца грамадзянам, уключаным у спісы працаздольных, але не занятым у эканоміцы, і якія аплачваюць паслугі па тарыфах, што забяспечваюць поўнае пакрыццё эканамічна абгрунтаваных затрат на іх аказанне. Пры гэтым члены сям'і, якія пражываюць сумесна з імі, маюць права на атрыманне субсідый.

Сяргей КУРКАЧ

Дадаць каментар

Выбар рэдакцыі

Грамадства

Школа заўтрашняга дня. У трэндзе — медыянавыкі, гейміфікацыя і сторытэлінг

Школа заўтрашняга дня. У трэндзе — медыянавыкі, гейміфікацыя і сторытэлінг

У мінулыя выхадныя сталічны бізнес-клуб «Імагуру» ўжо другі раз прымаў на сваіх плошчах педагагічную неканферэнцыю. 

Культура

Гісторыкі спадзяюцца знайсці дакладную дату заснавання Мірскага замка

Гісторыкі спадзяюцца знайсці дакладную дату заснавання Мірскага замка

Вызначыць дакладны час з'яўлення на Беларусі вядомага абарончага збудавання дагэтуль немагчыма, хоць розных гіпотэз існуе шмат.

Грамадства

«Ніколі не губляйце мару дзяцінства!»

«Ніколі не губляйце мару дзяцінства!»

Мы з Аленай Варановіч пазнаёміліся выпадкова, на вуліцы. Адразу разгаварыліся і знайшлі агульную мову. Тады за кубкам кавы яна сказала мне важныя словы: «Ніколі не губляй мару дзяцінства».

Спорт

Уладзімір Шантаровіч: Кажуць, я — геній, і мне гэта вельмі не падабаецца

Уладзімір Шантаровіч: Кажуць, я — геній, і мне гэта вельмі не падабаецца

Як трэнер пабудаваў сістэму, якая выхоўвае алімпійскіх чэмпіёнаў.