Вы тут

Падборка стыльных купальнікаў


Канец мая парадаваў плюсавымі тэмпературнымі рэкордамі. А значыць, ёсць спадзяванне, што пахваліцца новым купальнікам можна будзе не толькі на марскіх узбярэжжах, але і на беларускіх пляжах.


Адзін з самых папулярных фасонаў — манакіні. Гэта варыянт суцэльнага купальніка з глыбокімі выразамі па баках. Зграбную фігуру ён падкрэсліць, недахопы скарэктуе. Але калі ваша праблемнае месца — бакі, аддайце перавагу іншай мадэлі.

У модзе таксама суцэльныя спартыўныя купальнікі. У такім купальніку можна лёгка сысці за аматарку сёрфінга ці пляжнага валейбола. Мінімалістычныя, з маланкай ці лагатыпамі — якую менавіта мадэль выбраць, вырашаць вам.

Манакіні на адно плячо з валанамі — гэты купальнік спалучае ў сабе адразу некалькі трэндаў лета.

Рамантычным асобам прыйдуцца даспадобы купальнікі з валанамі. Ці рэтра-мадэлі з плаўкамі з высокай таліяй — у іх вам гарантаваны візуальна плоскі жывот.

Актуальныя таксама асіметрычныя купальнікі (напрыклад, на адно плячо) з глыбокім дэкальтэ спераду ці са шнуроўкай. Для тых, хто баіцца абгарэць на сонцы, выйсцем стане мадэль з даўгімі рукавамі. Найлепшыя расфарбоўкі — кветкі, гарох, палоска і... бананы. Убачыце такі — бярыце не раздумваючы.

Вось яшчэ некалькі парад, як выбраць купальнік, каб выглядаць у ім на ўсе сто:

  • Калі ў вас шырокія сцёгны, паспрабуйце прымерыць кантрасны купальнік: цёмны ніз і светлы (ці з буйным прынтам) верх. Візуальна павялічыць верх фігуры дапаможа таксама аб'ёмны ліф з драпіроўкай або дэкорам.
  • Уладальніцам шырокіх плячэй ураўнаважыць прапорцыі дапамогуць плаўкі з махрамі ці валанамі. Ліф лепш выбраць з шырокімі шлейкамі, якія завязваюцца на шыі.
  • Трэба абазначыць талію — прыглядзіцеся да раздзельнага купальніка, злучанага на жываце палоскай тканіны. Дыяганальны малюнак або вертыкальная палоска таксама дапамагаюць наблізіць прапорцыі да ідэалу «пясочнага гадзінніка».

Наталля ЛУБНЕЎСКАЯ

Загаловак у газеце: У трэндзе асіметрыя і спорт

Дадаць каментар

Выбар рэдакцыі

Грамадства

Школа заўтрашняга дня. У трэндзе — медыянавыкі, гейміфікацыя і сторытэлінг

Школа заўтрашняга дня. У трэндзе — медыянавыкі, гейміфікацыя і сторытэлінг

У мінулыя выхадныя сталічны бізнес-клуб «Імагуру» ўжо другі раз прымаў на сваіх плошчах педагагічную неканферэнцыю. 

Культура

Гісторыкі спадзяюцца знайсці дакладную дату заснавання Мірскага замка

Гісторыкі спадзяюцца знайсці дакладную дату заснавання Мірскага замка

Вызначыць дакладны час з'яўлення на Беларусі вядомага абарончага збудавання дагэтуль немагчыма, хоць розных гіпотэз існуе шмат.

Грамадства

«Ніколі не губляйце мару дзяцінства!»

«Ніколі не губляйце мару дзяцінства!»

Мы з Аленай Варановіч пазнаёміліся выпадкова, на вуліцы. Адразу разгаварыліся і знайшлі агульную мову. Тады за кубкам кавы яна сказала мне важныя словы: «Ніколі не губляй мару дзяцінства».

Спорт

Уладзімір Шантаровіч: Кажуць, я — геній, і мне гэта вельмі не падабаецца

Уладзімір Шантаровіч: Кажуць, я — геній, і мне гэта вельмі не падабаецца

Як трэнер пабудаваў сістэму, якая выхоўвае алімпійскіх чэмпіёнаў.