Вы тут

Штотыднёвы спартыўны агляд «Звязды»


У штотыднёвым спартыўным аглядзе «Звязды» расказваем пра галоўныя навіны мінулых выхадных.


Момант матчу  Бе­ла­ру­сь—  Сла­ва­кі­я.

1. Лёгкаатлет Дзмітрый Набокаў устанавіў новы рэкорд Беларусі ў скачках у вышыню. На спаборніцтвах Рэспубліканскай універсіяды па лёгкай атлетыцы ў Брэсце Дзмітрый пераадолеў планку з першай спробы на вышыні 2 м 36 см. Папярэдні рэкорд краіны (2 м 34 см) быў устаноўлены Андрэем Санковічам у маі 1993 года і трымаўся на працягу 25 гадоў.

Другое месца на ўніверсіядзе заняў іншы вядомы беларускі скакун у вышыню Максім Недасекаў, які паказаў вынік 2 м 32 см.


2. Беларускія валейбалісткі пацярпелі першае паражэнне ў залатой Еўралізе 2018 года. У Мінску на пляцоўцы «Чыжоўка-Арэны» яны саступілі саперніцам з Іспаніі з лікам 1:3. «У гульні з Іспаніяй дапусцілі шмат памылак, не было надзейнага прыёму мяча, з-за чаго мы не выкарыстоўвалі свае козыры: надзейны блок і атакі першым тэмпам», — адзначыў галоўны трэнер зборнай Пётр Хілько.

Пасля трох матчаў на рахунку жаночай зборнай Беларусі ў Еўралізе дзве перамогі над Славакіяй (3:2, 3:0) і адно паражэнне ад Іспаніі (1:3). Наступныя матчы беларускі правядуць 30 мая ў Іспаніі, 2 чэрвеня — у Чэхіі, а завершаць папярэдні этап 6 чэрвеня дамашнім матчам з Чэхіяй.

Мужчынская зборная па валейболе выйграла ў Венгрыі ў сярэбранай Еўралізе з лікам 3:0. «Пасля паражэння ад Харватыі (1:3) мы шмат увагі ўдзялілі прыёму мяча, пастараліся лепш дзейнічаць на блоку.
У матчы з Венгрыяй задаволены, як згулялі нашы высокія нападаючыя на краях сеткі»
, — адзначыў настаўнік беларусаў Віктар Бекша.

Хлопцы правядуць яшчэ тры матчы на выездзе. 30 мая беларуская каманда згуляе з Албаніяй, 2 чэрвеня — з Харватыяй, а завершыць групавы этап 6 чэрвеня выязной сустрэчай з Венгрыяй.


3. Хакейны клуб «Лакаматыў» будзе створаны ў Оршы, паведамляе прэс-служба ФХБ.

Новая каманда плануе выступаць у экстралізе чэмпіянату Беларусі. У Оршы ўжо пачалася праца па фарміраванні дружыны. У яе структуру на працягу года павінна ўвайсці спартыўная школа з аднайменнай назвай.


4. Згуляны некаторыя матчы 9-га тура чэмпіянату краіны па футболе. «Мінск» з буйным лікам перайграў «Тарпеда» — 6:1, «Смалявічы» саступілі «Дынама-Мінск» — 0:2, «Шахцёр» перайграў «Гомель» — 2:1, «Прамень» і «Гарадзея» не змаглі выявіць пераможцу — 1:1

Фота БелТА

Дар'я ЛАБАЖЭВІЧ

Загаловак у газеце: Рэкордныя вышыні


Дадаць каментар

Выбар рэдакцыі

Грамадства

Школа заўтрашняга дня. У трэндзе — медыянавыкі, гейміфікацыя і сторытэлінг

Школа заўтрашняга дня. У трэндзе — медыянавыкі, гейміфікацыя і сторытэлінг

У мінулыя выхадныя сталічны бізнес-клуб «Імагуру» ўжо другі раз прымаў на сваіх плошчах педагагічную неканферэнцыю. 

Культура

Гісторыкі спадзяюцца знайсці дакладную дату заснавання Мірскага замка

Гісторыкі спадзяюцца знайсці дакладную дату заснавання Мірскага замка

Вызначыць дакладны час з'яўлення на Беларусі вядомага абарончага збудавання дагэтуль немагчыма, хоць розных гіпотэз існуе шмат.

Грамадства

«Ніколі не губляйце мару дзяцінства!»

«Ніколі не губляйце мару дзяцінства!»

Мы з Аленай Варановіч пазнаёміліся выпадкова, на вуліцы. Адразу разгаварыліся і знайшлі агульную мову. Тады за кубкам кавы яна сказала мне важныя словы: «Ніколі не губляй мару дзяцінства».

Спорт

Уладзімір Шантаровіч: Кажуць, я — геній, і мне гэта вельмі не падабаецца

Уладзімір Шантаровіч: Кажуць, я — геній, і мне гэта вельмі не падабаецца

Як трэнер пабудаваў сістэму, якая выхоўвае алімпійскіх чэмпіёнаў.