Вы тут

Як Беларусь рыхтуецца да правядзення ІІ Еўрапейскіх гульняў


* * *

Пад старшынствам прэм'ер-міністра Андрэя Кабякова прайшло чарговае пасяджэнне Рэспубліканскага арганізацыйнага камітэта па падрыхтоўцы і правядзенні ІІ Еўрапейскіх гульняў 2019 года ў Беларусі.

На ім былі разгледжаны пытанні падрыхтоўкі беларускіх спартсменаў да ўдзелу ў ІІ Еўрапейскіх гульнях, выбару субпадраднай арганізацыі для правядзення цырымоній адкрыцця і закрыцця ІІ Еўрапейскіх гульняў. Таксама разгледжаны прапановы па экіпіроўцы спартыўнай дэлегацыі нашай краіны і іншых асоб, якія ўдзельнічаюць у падрыхтоўцы і правядзенні ІІ Еўрапейскіх гульняў, і іх талісманаў.

* * *

Завяршылася першая хваля гутарак на пазіцыі валанцёраў ІІ Еўрапейскіх гульняў, якая стартавала 19 лютага.

Прадстаўнікі аддзела па рабоце з валанцёрамі фонду «Дырэкцыя ІІ Еўрапейскіх гульняў 2019 года» правялі гутаркі са студэнтамі сталічных і рэгіянальных устаноў вышэйшай адукацыі. Усяго ў інтэрв'ю прыняло ўдзел больш за пяць тысяч кандыдатаў на пазіцыі добраахвотнікаў па 20 функцыянальных напрамках.

Самую вялікую цікавасць у кандыдатаў выклікаюць напрамкі, звязаныя з працай на спартыўных аб'ектах: работа са спартсменамі і гледачамі, ажыццяўленне навігацыі на арэнах.

Зараз вынікі гутарак апрацоўваюцца і заносяцца ў электронную сістэму рэгістрацыі.

У ліпені — жніўні плануецца правесці анлайн гутаркі з кандыдатамі з-за мяжы. Замежнымі грамадзянамі з 52 краін запоўнена 850 анкет. Пераважная колькасць заявак паступіла з Расіі — 628. Другое месца па колькасці заявак дзеляць Азербайджан, Украіна, Казахстан — па 31 заяўцы.

* * *

У Мінску пабывалі прадстаўнікі міжнароднай федэрацыі гістарычнага фехтавання Раберта Гоці і Маўрыцыа Рандацца — двухразовы алімпійскі чэмпіён па фехтаванні 1996 (Атланта) і 2000 (Сідней) гадоў і ў цяперашні час саветнік міжнароднай федэрацыі гістарычнага фехтавання.

Паказальныя спаборніцтвы па гістарычным фехтаванні пройдуць 22 і 23 чэрвеня 2019 года на пляцоўцы ў гістарычным цэнтры Мінска — Верхнім горадзе. Яны будуць суправаджацца выстаўкай старадаўніх кніг, шпаг і фехтавальных масак у Мастацкай галерэі Міхаіла Савіцкага ў перыяд з мая па жнівень 2019 года.

У сувязі з гэтым Раберта Гоці і Маўрыцыа Рандацца абмеркавалі з прадстаўнікамі фонду «Дырэкцыя ІІ Еўрапейскіх гульняў 2019 года» шэраг пытанняў па падрыхтоўцы і арганізацыі ў рамках культурнай праграмы ІІ Еўрапейскіх гульняў спаборніцтваў па гістарычным фехтаванні і спадарожнай выстаўкі, а таксама наведалі музей Нацыянальнага алімпійскага камітэта.

Дар'я ЛАБАЖЭВІЧ

Загаловак у газеце: Насустрач гульням

Дадаць каментар

Выбар рэдакцыі

Грамадства

Школа заўтрашняга дня. У трэндзе — медыянавыкі, гейміфікацыя і сторытэлінг

Школа заўтрашняга дня. У трэндзе — медыянавыкі, гейміфікацыя і сторытэлінг

У мінулыя выхадныя сталічны бізнес-клуб «Імагуру» ўжо другі раз прымаў на сваіх плошчах педагагічную неканферэнцыю. 

Культура

Гісторыкі спадзяюцца знайсці дакладную дату заснавання Мірскага замка

Гісторыкі спадзяюцца знайсці дакладную дату заснавання Мірскага замка

Вызначыць дакладны час з'яўлення на Беларусі вядомага абарончага збудавання дагэтуль немагчыма, хоць розных гіпотэз існуе шмат.

Грамадства

«Ніколі не губляйце мару дзяцінства!»

«Ніколі не губляйце мару дзяцінства!»

Мы з Аленай Варановіч пазнаёміліся выпадкова, на вуліцы. Адразу разгаварыліся і знайшлі агульную мову. Тады за кубкам кавы яна сказала мне важныя словы: «Ніколі не губляй мару дзяцінства».

Спорт

Уладзімір Шантаровіч: Кажуць, я — геній, і мне гэта вельмі не падабаецца

Уладзімір Шантаровіч: Кажуць, я — геній, і мне гэта вельмі не падабаецца

Як трэнер пабудаваў сістэму, якая выхоўвае алімпійскіх чэмпіёнаў.