Вы тут

Музеефікацыю рэшткаў сінагогі ў Бабруйску завершаць да 1 верасня


У Бабруйску прыступілі да кансервацыі і музеефікацыі рэшткаў сінагогі на вуліцы Чангарскай, завяршыць якую плануюць да 1 верасня бягучага года, паведамілі ў гарвыканкаме.


Фота: babruysk.by

Гэтую ідэю яшчэ ў 2015 годзе прапанаваў равін Бабруйска Шауль Хабабо. Паколькі сродкаў на аднаўленне трэба нямала і ў горадзе дзейнічае сінагога па вуліцы Сацыялістычнай, было прынята рашэнне захаваць рэшткі будынка як элемент гарадской архітэктуры ХIX стагоддзя і стварыць тут зону адпачынку пад адкрытым небам.

Дырэктар ТАА "Эканом-універсал праект" Юрый Фамін распавёў, што рэшткі сцен сінагогі будуць умацаваны і ачышчаны, над імі з'явіцца дах, каб не дапусціць далейшага разбурэння ад уздзеяння ападкаў. Вялікія стральчатыя вокны плануецца дэкараваць. Звонку будзе стварацца ўражанне, што ў сінагозе ідзе служба, там моляцца, а інтэр'ер будзе адлюстроўваць гісторыю з'яўлення яўрэяў у Бабруйску, іх побыт і заняткі. Зону адпачынку азеляняць і абнясуць ажурнай каванай агароджай, уладкуюць пешаходныя дарожкі, усталююць лаўкі, асвятленне. "То бок, у Бабруйска з'явіцца яшчэ адзін аб'ект, які распавядае пра гісторыю горада, а таксама прызначаны для адпачынку і правядзення розных мерапрыемстваў", - адзначыў Юрый Фамін.

Фінансаваннем работ па стварэнні своеасаблівага музея пад адкрытым небам займаецца яўрэйская абшчына. Адкрыты дабрачынны рахунак, і ўсе жадаючыя могуць аказаць падтрымку гэтаму праекту.

БЕЛТА

Дадаць каментар

Выбар рэдакцыі

Грамадства

Школа заўтрашняга дня. У трэндзе — медыянавыкі, гейміфікацыя і сторытэлінг

Школа заўтрашняга дня. У трэндзе — медыянавыкі, гейміфікацыя і сторытэлінг

У мінулыя выхадныя сталічны бізнес-клуб «Імагуру» ўжо другі раз прымаў на сваіх плошчах педагагічную неканферэнцыю. 

Культура

Гісторыкі спадзяюцца знайсці дакладную дату заснавання Мірскага замка

Гісторыкі спадзяюцца знайсці дакладную дату заснавання Мірскага замка

Вызначыць дакладны час з'яўлення на Беларусі вядомага абарончага збудавання дагэтуль немагчыма, хоць розных гіпотэз існуе шмат.

Грамадства

«Ніколі не губляйце мару дзяцінства!»

«Ніколі не губляйце мару дзяцінства!»

Мы з Аленай Варановіч пазнаёміліся выпадкова, на вуліцы. Адразу разгаварыліся і знайшлі агульную мову. Тады за кубкам кавы яна сказала мне важныя словы: «Ніколі не губляй мару дзяцінства».

Спорт

Уладзімір Шантаровіч: Кажуць, я — геній, і мне гэта вельмі не падабаецца

Уладзімір Шантаровіч: Кажуць, я — геній, і мне гэта вельмі не падабаецца

Як трэнер пабудаваў сістэму, якая выхоўвае алімпійскіх чэмпіёнаў.