Вы тут

Конкурс маладых выканаўцаў беларускай песні пройдзе 8 чэрвеня


Нацыянальны конкурс маладых выканаўцаў беларускай эстраднай песні пройдзе 8 чэрвеня, паведамілі ў Міністэрстве культуры.


Фота: salesianipiemonte.info

Гэты конкурс - цэнтральная падзея XVIII Нацыянальнага фестывалю беларускай песні і паэзіі "Маладзечна", які прадоўжыцца на працягу двух дзён 8-9 чэрвеня. Творчае спаборніцтва адбудзецца на пляцоўцы Палаца культуры горада, а цырымонія ўзнагароджання пераможцаў - на сцэне амфітэатра ў час урачыстага адкрыцця фестывалю. Уладальніку Гран-пры будзе ўручаны прыз імя Уладзіміра Мулявіна.

У заключным этапе конкурсу прымуць удзел прадстаўнікі ўсіх абласцей і горада Мінска. За Гран-пры будуць змагацца 20 артыстаў. Згодна з патрабаваннямі конкурснай праграмы ўдзельнікі выканаюць два творы беларускіх аўтараў на нацыянальнай мове (адзін з іх - пад фанаграму "мінус 1", другі - у суправаджэнні аркестра).

Нацыянальны конкурс маладых выканаўцаў беларускай эстраднай песні садзейнічае выяўленню і развіццю маладых талентаў у галіне эстраднага выканальніцтва на лепшых узорах нацыянальнага музычнага мастацтва, павышэнню ўзроўню сцэнічнай культуры выканаўцаў і тым самым выконвае ганаровую місію папулярызацыі творчасці сучасных беларускіх паэтаў, кампазітараў і эстрадных артыстаў.

Нацыянальны фестываль беларускай песні і паэзіі "Маладзечна" праводзіцца па распараджэнні кіраўніка дзяржавы з 1993 года. Па ініцыятыве Мінскага аблвыканкама з 2012 года фестываль стаў штогадовым. На працягу ўсёй гісторыі свайго існавання развівае і прымнажае добрыя традыцыі па папулярызацыі беларускай (айчыннай) паэзіі і музычнага мастацтва, а таксама вызначаецца як самае маштабнае нацыянальнае свята беларускага слова і песні.

Арганізатарамі фестывалю з'яўляюцца Міністэрства культуры, Мінскі аблвыканкам, заслужаны калектыў Беларусі "Нацыянальны акадэмічны канцэртны аркестр Беларусі", Белтэлерадыёкампанія, Палац культуры Маладзечна.

БЕЛТА

Дадаць каментар

Выбар рэдакцыі

Грамадства

Школа заўтрашняга дня. У трэндзе — медыянавыкі, гейміфікацыя і сторытэлінг

Школа заўтрашняга дня. У трэндзе — медыянавыкі, гейміфікацыя і сторытэлінг

У мінулыя выхадныя сталічны бізнес-клуб «Імагуру» ўжо другі раз прымаў на сваіх плошчах педагагічную неканферэнцыю. 

Культура

Гісторыкі спадзяюцца знайсці дакладную дату заснавання Мірскага замка

Гісторыкі спадзяюцца знайсці дакладную дату заснавання Мірскага замка

Вызначыць дакладны час з'яўлення на Беларусі вядомага абарончага збудавання дагэтуль немагчыма, хоць розных гіпотэз існуе шмат.

Грамадства

«Ніколі не губляйце мару дзяцінства!»

«Ніколі не губляйце мару дзяцінства!»

Мы з Аленай Варановіч пазнаёміліся выпадкова, на вуліцы. Адразу разгаварыліся і знайшлі агульную мову. Тады за кубкам кавы яна сказала мне важныя словы: «Ніколі не губляй мару дзяцінства».

Спорт

Уладзімір Шантаровіч: Кажуць, я — геній, і мне гэта вельмі не падабаецца

Уладзімір Шантаровіч: Кажуць, я — геній, і мне гэта вельмі не падабаецца

Як трэнер пабудаваў сістэму, якая выхоўвае алімпійскіх чэмпіёнаў.