Вы тут

Дэлегацыя штаб-кватэры НАТА наведала Беларусь


Дэлегацыя штаб-кватэры НАТА на гэтым тыдні наведала Беларусь. Прайшла штогадовая нарада па пытаннях удзелу Беларусі ў працэсе планавання і ацэнкі сіл праграмы НАТА «Партнёрства дзеля міру».


Падчас яе адбылося ўзгадненне новага пакета мэт партнёрства, там абмеркавалі шэраг практычных пытанняў, а таксама адзначылі шляхі па ўзаемадзеянні паміж Міністэрствам абароны і структурнымі падраздзяленнямі альянсу ў межах працэсу планаванняі і ацэнкі сіл.

З беларускага боку ў нарадзе прынялі ўдзел прадстаўнікі структурных падраздзяленняў Міністэрства абароны, Генеральнага штаба Узброеных Сіл і Узброеных Сіл, якія адказваюць за рэалізацыю мэт. У склад дэлегацыі НАТА ўвайшлі прадстаўнікі Міжнароднага сакратарыята і кіраўніцтва ваеннага партнёрства НАТА, аташэ па пытаннях абароны пры пасольстве Федэратыўнай Рэспублікі Германія, Літоўскай Рэспублікі, Рэспублікі Польшча і Чэшскай Рэспублікі ў Рэспубліцы Беларусь, а таксама прадстаўнік пасольства Эстонскай Рэспублікі ў Рэспубліцы Беларусь, які выконвае функцыі кантактнага пасольства НАТА.

Вынікам нарады стала сустрэча начальніка дэпартамента міжнароднага ваеннага супрацоўніцтва — памочніка міністра абароны па пытаннях міжнароднага ваеннага супрацоўніцтва генерал-маёра Алега Воінава з кіраўніком дэлегацыі Полам Савера, у ходзе якой бакі абмеркавалі стан і перспектыўныя кірункі развіцця супрацоўніцтва ў ваеннай сферы.

Ілья КРЫЖЭВІЧ

Загаловак у газеце: Сустрэлі дэлегацыю НАТА

Выбар рэдакцыі

Грамадства

Як выхаваць даследчыка за школьнай партай?

Як выхаваць даследчыка за школьнай партай?

Чаму ўсе краіны, якія развіваюць інавацыйную эканоміку, робяць сёння стаўку на STЕM? 

Палітыка

Аляксандр Лукашэнка сустрэўся з прадстаўнікамі СМІ Расіі

Аляксандр Лукашэнка сустрэўся з прадстаўнікамі СМІ Расіі

Некалькі рэчаў сёлета адбываюцца ўпершыню.

Грамадства

Ці набудуць у гаспадароў старыя хаты?

Ці набудуць у гаспадароў старыя хаты?

Адэльскі сельскі савет, што ў Гродзенскім раёне, можна назваць брамай у Еўрасаюз.