Вы тут

«Крылы анёлаў» запрашаюць на «Сямейны Бегапарк»


Фестываль бегу і дабрачыннасці адбудзецца ў Лошыцкім парку ў гэту суботу з 10.00 да 15.00. Цэнтральнай, але далёка не адзінай, яго падзеяй стане дабрачынны лёгкаатлетычны прабег "Крылы анёлаў": 5 км і 10 км дыстанцыі, а таксама 600 м для дзяцей і бегуноў-пачаткоўцаў.


— Мы падтрымліваем удзел у спорце ўсёй сям'і, стараемся далучаць да актыўнага жыцця дзяцей, у тым ліку з інваліднасцю, — расказваюць арганізатары. — Абраўшы для сваёй імпрэзы фестывальны фармат, мы пастараліся зрабіць яго цікавым для аматараў спорту розных узростаў і ўзроўняў фізічнай падрыхтоўкі. Удзельнікам і гледачам будуць прапанаваныя 10 спартыўна-забаўляльных зон з майстар-класамі і разнастайнымі конкурсамі, а таксама лакальныя забегі, у тым ліку брутальны Цэмент-прабег з каляскамі, гружанымі цэментам. Вертыкальны забег па прыступках і Вясёлкавы забег з выкарыстаннем адмысловых фарбаў. Тых, хто прыйдзе ў парк, чакае двухгадзінная канцэртная праграма з папулярнымі радыёвядучымі і дабрачыннай латарэяй.

Для ўдзельнікаў Бегапарку падрыхтаваныя разнастайныя прызы і падарункі ад спонсараў. Рэгістрацыя тут.

Усе прабегі каманды "Крылы анёлаў" з'яўляюцца дабрачыннымі, а значыць, маюць не толькі спартыўныя і забаўляльныя мэты, але і прапануюць удзельнікам сабраць сродкі на спецыяльнае спартыўнае абсталяванне для дзяцей з інваліднасцю. У актыўным жыцці "Крылаў анёлаў" бяруць удзел дзясяткі мінскіх сем'яў з дзецьмі і маладымі людзьмі з інваліднасцю. Заняткі спортам умацавалі іх здароўе і падарылі веру ў свае сілы. Дзеці і бацькі, якія раней нават і не марылі пра спорт, могуць удзельнічаць у самых відовішчных і масавых прабегах у Беларусі, у тым ліку Мінскім міжнародным паўмарафоне, Забегу сапраўдных мужчын 23 лютага, Прыгожым забегу 8 сакавіка, гомельскім Экамарафоне, "Гарадзенскай вандроўцы"...

Надзея ДРЫНДРОЖЫК

Дадаць каментар

Выбар рэдакцыі

Грамадства

Школа заўтрашняга дня. У трэндзе — медыянавыкі, гейміфікацыя і сторытэлінг

Школа заўтрашняга дня. У трэндзе — медыянавыкі, гейміфікацыя і сторытэлінг

У мінулыя выхадныя сталічны бізнес-клуб «Імагуру» ўжо другі раз прымаў на сваіх плошчах педагагічную неканферэнцыю. 

Культура

Гісторыкі спадзяюцца знайсці дакладную дату заснавання Мірскага замка

Гісторыкі спадзяюцца знайсці дакладную дату заснавання Мірскага замка

Вызначыць дакладны час з'яўлення на Беларусі вядомага абарончага збудавання дагэтуль немагчыма, хоць розных гіпотэз існуе шмат.

Спорт

Уладзімір Шантаровіч: Кажуць, я — геній, і мне гэта вельмі не падабаецца

Уладзімір Шантаровіч: Кажуць, я — геній, і мне гэта вельмі не падабаецца

Як трэнер пабудаваў сістэму, якая выхоўвае алімпійскіх чэмпіёнаў.

Грамадства

Як дзяўчаты з асаблівасцямі развіцця ўпершыню ствараюць модную калекцыю

Як дзяўчаты з асаблівасцямі развіцця ўпершыню ствараюць модную калекцыю

У лістападзе ў Мінску пройдзе Беларускі тыдзень моды.