Вы тут

МТС анансаваў запуск інтэрактыўнай выстаўкі «Дзеці ў інтэрнэце»


На “ТІБО 2018” кампанія МТС анансавала адкрыццё бясплатнай інтэрактыўнай выстаўкі  “Дзеці ў інтэрнэце”. Сумесна з Міністэрствам адукацыі Рэспублікі Беларусь і дзіцячым фондам ААН  ЮНІСЕФ  мабільны аператар працягне навучаць дзяцей бяспечным паводзінам у інтэрнэце.


— Віртуальная прастора аказвае ўсё большы ўплыў на сучаснае грамадства. Асабліва моцна ў яе ўцягнутыя дзеці і падлеткі, якія з'яўляюцца актыўнымі карыстальнікамі інтэрнэта,  сацыяльных сетак і мессенджэраў. Неабходна ўлічваць, што ў сеціве можа ўтрымлівацца не толькі карысная інфармацыя. Таму нашай першачарговай задачай з'яўляецца мінімізацыя негатыўнага ўздзеяння інтэрнэт-асяроддзя на дзяцей і падлеткаў, а таксама забеспячэнне як мага больш бяспечнага іх знаходжання ў сеціве. Абсалютна відавочна, што гэта задача не можа быць рэалізавана толькі шляхам тэхнічных абмежаванняў, — падкрэслівае дырэктар Галоўнага інфармацыйна-аналітычнага цэнтра Міністэрства адукацыі Павел Ліс. — Неабходна фарміраваць навыкі бяспечных паводзін у Інтэрнэце як у саміх дзяцей, так і ў бацькоў і педагогаў.  

Выстаўка адкрыецца ў паўнавартасным фармаце восенню бягучага года ў Мінску. Плануецца, што затым яна працягне працу па чарзе ў кожным з абласных цэнтраў Беларусі. Наведаць яе змогуць бясплатна усе жадаючыя.

На стэндзе МТС у рамках “ТІБО 2018” прадстаўлены дзве актывацыі, прысвечаныя агульным звесткам пра інтэрнэт, а таксама правілам стасункаў у сеціве. Кожная тэма раскрыта з дапамогай інтэрактыўных элементаў. Наведвальнікі могуць зрабіць здымкі ў фотозоне і разгледзець 3D-мадэль будучай выставы.

Сумесна з ЮНІСЕФ кампанія МТС мае намер правесці апытанне сярод дзяцей, настаўнікаў і бацькоў на тэму кібербулінгу, каб ацаніць сур’ёзнасць сітуацыі.

— Кібербулінг — глабальная праблема, характэрная не толькі для Беларусі, але і для ўсяго свету. Сёння ў Беларусі амаль 95% дзяцей з'яўляюцца карыстальнікамі інтэрнэту,  прыкладна 70% выкарыстоўваюць для доступу ў сетку мабільныя прылады. Гэта робіць дзяцей уразлівымі для кібербулінгу і сексуальных дамаганняў. Па дадзеных апошняга даследавання ЮНІСЕФ у Беларусі, самая ўразлівая група —  падлеткі ва ўзросце 13-17 гадоў. Праект “Дзеці ў інтэрнэце” закліканы ўмацаваць веды дзяцей у вобласці кібербяспекі, — адзначыў прадстаўнік дзіцячага Фонду ААН  ЮНІСЕФ у Беларусі Рашэд Мустафа Сарвар.

Гісторыя праекта “Дзеці ў інтэрнэце”

Праект  рэалізуецца кампаніяй МТС у рамках пагаднення з Міністэрствам адукацыі. За час яго існавання бяспечным паводзінам у сеціве  навучана больш за 8, 5 тысяч вучняў малодшых класаў. Заняткі па бяспечных паводзінах у інтэрнэце прайшлі ва ўсіх абласных цэнтрах і шматлікіх райцэнтрах — Полацку, Наваполацку, Баранавічах, Пінску і іншых. У гульнявой форме валанцёры праекта распавядалі дзецям аб простыя правілах, якія дазваляюць бяспечна карыстацца інтэрнэтам.

Надзея НІКАЛАЕВА

Дадаць каментар

Выбар рэдакцыі

Грамадства

Школа заўтрашняга дня. У трэндзе — медыянавыкі, гейміфікацыя і сторытэлінг

Школа заўтрашняга дня. У трэндзе — медыянавыкі, гейміфікацыя і сторытэлінг

У мінулыя выхадныя сталічны бізнес-клуб «Імагуру» ўжо другі раз прымаў на сваіх плошчах педагагічную неканферэнцыю. 

Культура

Гісторыкі спадзяюцца знайсці дакладную дату заснавання Мірскага замка

Гісторыкі спадзяюцца знайсці дакладную дату заснавання Мірскага замка

Вызначыць дакладны час з'яўлення на Беларусі вядомага абарончага збудавання дагэтуль немагчыма, хоць розных гіпотэз існуе шмат.

Спорт

Уладзімір Шантаровіч: Кажуць, я — геній, і мне гэта вельмі не падабаецца

Уладзімір Шантаровіч: Кажуць, я — геній, і мне гэта вельмі не падабаецца

Як трэнер пабудаваў сістэму, якая выхоўвае алімпійскіх чэмпіёнаў.

Грамадства

Як дзяўчаты з асаблівасцямі развіцця ўпершыню ствараюць модную калекцыю

Як дзяўчаты з асаблівасцямі развіцця ўпершыню ствараюць модную калекцыю

У лістападзе ў Мінску пройдзе Беларускі тыдзень моды.