19 Жнівень, нядзеля

Вы тут

Мінлясгас расказаў аб увядзенні забароны на наведванне лясоў


Забарона на наведванне лясоў уведзена ўжо па ўсёй Гомельскай вобласці: абмежаванні дзейнічаюць на тэрыторыі ўсіх лесагаспадарчых устаноў. Таксама забарона на наведванне лясоў уведзена на тэрыторыі Аршанскага лясгаса Віцебскай вобласці, паведамілі ў прэс-службе Міністэрства лясной гаспадаркі.


Прычынай прымянення мер абмежавальнага характару сталі неспрыяльныя ўмовы надвор'я ў дадзеных рэгіёнах: усталявалася гарачае надвор'е, якое суправаджаецца моцнымі парывамі ветру (да 18 м/с) і нязначнай колькасцю ападкаў.

У міністэрстве нагадалі, што з надыходам пажаранебяспечнага сезона дзяржаўная лясная ахова перайшла на ўзмоцнены рэжым працы. Каля 1,2 тысячы спецыялістаў лесагаспадарчых устаноў ажыццяўляюць пастаянны маніторынг сітуацыі. На патруляванні і ліквідацыі ачагоў узгарання задзейнічаны 360 адзінак тэхнікі. У асобных выпадках прыцягваюцца на дапамогу спецыялісты МНС.

На час дзеяння забароннага перыяду закрываюцца ўсе шлагбаўмы на з'ездах з дарог у лясы, устанаўліваюцца шыльды з інфармацыяй аб забароне наведвання лесу і мерах адказнасці за яго парушэнне. Усяго з пачатку года ў лясным фондзе Беларусі адбылося 184 лясныя пажары на агульнай плошчы 579 гектараў.

У пажаранебяспечны сезон забараняецца:

  • разводзіць вогнішчы ў хвойных несамкнёных дрэвастоях і маладняках 1 класа ўзросту, на участках пашкоджанага лесу (ветравалу і буралом), тарфяніках, у месцах з падсохлай травой (дапускаецца развядзенне вогнішчаў (у тым ліку з выкарыстаннем прыстасаванняў: мангалаў, барбекю, грыль, газавых пліт і да т.п.) на ўладкаваных пляцоўках, абрамленых мінералізаванай (ачышчанай да мінеральнага пласта глебы) паласой шырынёй не менш за 0,25 метра, а таксама ў месцах, якія выключаюць пашкоджанне агнём крон, ствалоў і каранёвых лап растучых дрэў, акрамя забароненых участкаў);
  • пакідаць непатушаныя крыніцы гарэння, тлення (падпаленыя запалкі, недакуркі і інш.);
  • прымяняць пры паляванні пыжы з лёгкаўзгаральных або тлеючых матэрыялаў;
  • пакідаць прамасленыя або прамочаныя лёгкаўзгаральнымі і гаручымі вадкасцямі ці іншымі гаручымі рэчывамі матэрыялы (паперу, тканіну, пакулле, вату і інш.);
  • запраўляць паліўныя бакі машын і механізмаў у неўстаноўленых месцах, а таксама пры працуючых рухавіках; выкарыстоўваць машыны з няспраўнасцямі, якія прыводзяць да выцякання лёгкаўзгаральных і гаручых вадкасцяў, а таксама курыць або карыстацца адкрытым агнём паблізу машын, якія запраўляюцца гаручым;
  • незаконна выпальваць сухую траву на землях ляснога фонду;
  • захоўваць на супрацьпажарных разрывах і заслонах, мінералізаваных палосах і да т.п. лесапрадукцыю (драўніну і інш.).

Сяргей РАСОЛЬКА

Дадаць каментар

Выбар рэдакцыі

Грамадства

Выбіраем школьную форму разам з вучнямі

Выбіраем школьную форму разам з вучнямі

Штогод «Беллегпрам» выпускае да навучальнага года сотні мадэляў адзення. 

Грамадства

Як актыўная ацэнка заахвочвае да вучобы?

Як актыўная ацэнка заахвочвае да вучобы?

Гэтым летам у Акадэміі паслядыпломнай адукацыі прайшоў ужо другі фестываль актыўнай ацэнкі.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра жніво, Мулявіна і падатковага інспектара.