Вы тут

Прадстаўнікі БДУ – у фінале Міжнароднай алімпіяды "IT-Планета 2017/18"


Студэнты факультэта прыкладной матэматыкі і інфарматыкі БДУ прабіліся ў фінал XI Міжнароднай алімпіяды ў сферы інфармацыйных тэхналогій “IT-Планета 2017/18”. Гэта стала магчымым дзякуючы іх паспяховаму выступленню ў завочных адборачных конкурсах “Праграмаванне: Java”, “Распрацоўка мабільных праграм” і “Адміністраванне Linux”.


Белдзяржуніверсітэт у чэмпіянаце праграмістаў прадставяць студэнт другога курса Максім Цярохін і Ігар Дорашаў, трэцякурснікі Аляксей Несцяровіч і Аляксандр Палішчук, чацвёртакурснік Дзмітрый Аксенік. Між іншым, Максім Цярохін ў спаборніцтвах  “Адміністраванне Linux” па суме набраных балаў узначаліў рэйтынг найлепшых студэнтаў краін СНД.

За пуцёўку ў фінал змагаліся 20 тысяч студэнтаў і выпускнікоў ВНУ з 11 краін свету. Ад БДУ ўдзельнічалі 90 студэнтаў, якім давялося спаборнічаць з прадстаўнікамі Маскоўскага дзяржаўнага тэхнічнага універсітэта імя Н.Э. Баумана, Нацыянальнага даследчага ўніверсітэта "Вышэйшая школа эканомікі”, Нацыянальнага даследчага ядзернага ўніверсітэта “МІФІ”, Расійскага ўніверсітэта дружбы народаў, Санкт-Пецярбургскага дзяржаўнага ўніверсітэта, Санкт-Пецярбургскага дзяржаўнага ўніверсітэта аэракасмічнага прыборабудавання, Санкт-Пецярбургскага політэхнічнага ўніверсітэта і іншымі.

Фінальны паядынак пройдзе з 1 па 4 чэрвеня ў Цюменскім індустрыяльным універсітэце, дзе будуць змагацца 350 маладых ІТ-спецыялістаў з Беларусі, Расіі, Украіны, Арменіі, Казахстана і Малдовы.

Акрамя саміх спаборніцтваў, фіналістаў чакае насычаная праграма майстар-класаў, навучальных семінараў і лекцыі ад экспертаў ІТ-сферы

Надзея НІКАЛАЕВА

Дадаць каментар

Выбар рэдакцыі

Грамадства

Школа заўтрашняга дня. У трэндзе — медыянавыкі, гейміфікацыя і сторытэлінг

Школа заўтрашняга дня. У трэндзе — медыянавыкі, гейміфікацыя і сторытэлінг

У мінулыя выхадныя сталічны бізнес-клуб «Імагуру» ўжо другі раз прымаў на сваіх плошчах педагагічную неканферэнцыю. 

Культура

Гісторыкі спадзяюцца знайсці дакладную дату заснавання Мірскага замка

Гісторыкі спадзяюцца знайсці дакладную дату заснавання Мірскага замка

Вызначыць дакладны час з'яўлення на Беларусі вядомага абарончага збудавання дагэтуль немагчыма, хоць розных гіпотэз існуе шмат.

Спорт

Уладзімір Шантаровіч: Кажуць, я — геній, і мне гэта вельмі не падабаецца

Уладзімір Шантаровіч: Кажуць, я — геній, і мне гэта вельмі не падабаецца

Як трэнер пабудаваў сістэму, якая выхоўвае алімпійскіх чэмпіёнаў.

Грамадства

Як дзяўчаты з асаблівасцямі развіцця ўпершыню ствараюць модную калекцыю

Як дзяўчаты з асаблівасцямі развіцця ўпершыню ствараюць модную калекцыю

У лістападзе ў Мінску пройдзе Беларускі тыдзень моды.