Вы тут

У сем'ях 70 % мінчан выхоўваюць усяго адно дзіця


У сталіцы да Дня сям'і прымеркавалі дзясяткі ўрачыстых падзей і акцый.


Як расказала старшыня камітэта па працы, занятасці і сацыяльнай абароне Мінгарвыканкама Жанна РАМАНОВІЧ, адным з галоўных мерапрыемстваў свята стала ўручэнне ордэна Маці:

— Адметна, што многія з гэтых жанчын паспяхова сумяшчаюць мацярынства і прафесійную дзейнасць. Сярод іх — прадаўцы, сакратары, выкладчыкі, інжынеры, выхавальнікі дашкольных устаноў. З 33 жанчын, прадстаўленых да ўзнагароджання, толькі восем — хатнія гаспадыні.

Зараз у Мінску каля 700 жанчын удастоены ордэна Маці, але ў планах — узнагародзіць кожную годную прадстаўніцу прыгожага полу, якая выхавала пяць і больш дзяцей. Не менш значнай падзеяй на святочным тыдні стане ўручэнне ключоў ад 20 кватэр сацыяльна неабароненым сем'ям: шматдзетным, у якіх выхоўваюцца дзеці-інваліды і тых, дзе ёсць цяжкія хворыя.

Штогод колькасць шматдзетных сем'яў у Мінску павялічваецца ў сярэднім на 1,5 тысячы, цяпер іх ужо больш за 14 тысяч. Дарэчы, у самай вялікай сталічнай сям'і — 12 дзяцей. Але пры гэтым у сталіцы больш чым у 70 % сем'яў усяго адно дзіця. За тры месяцы гэтага года ў Мінску з'явілася на свет 4312 малых, на жаль, паказчык ніжэйшы, чым летась. Гэта тлумачыцца тым, што ў дзетародны ўзрост уступілі беларусы, народжаныя ў 1990-я, калі была адзначана дэмаграфічная яма. Для падтрымкі імкнення завесці яшчэ адно дзіця дзейнічае праграма сямейнага капіталу, які летась атрымала амаль 7400 сем'яў, сёлета гэтым правам вырашылі скарыстацца ўжо 524 сям'і.

Па традыцыі кожны год у сталіцы вясной абіраюць найлепшую шматдзетную сям'ю: конкурс пройдзе ў Га-
радскім палацы дзяцей і моладзі 16 мая. Па словах старшыні Мінскай гарадской арганізацыі ГА «Беларуская асацыяцыя шматдзетных бацькоў» Таццяны КРАЎЧАНКІ, тэматыка конкурсу звязана з Годам малой радзімы — закрануць тэму сям'і трэба будзе ў адным з конкурсаў: прэзентацыі сямейнага герба, візітнай картцы або творчым выступленні. Дарэчы, удзельнікаў чакае і конкурс-сюрпрыз — трэба будзе хутка адказваць на нечаканыя пытанні вядучай.

Як адзначыла дырэктар Мінскага гарадскога цэнтра сацыяльнага абслугоўвання сям'і і дзяцей Кацярына МАЛЬЦАВА, вялікая падтрымка аказваецца і сем'ям, якія апынуліся ў цяжкім жыццёвым становішчы: сутыкнуліся са складанымі захворваннямі, праблемай наркаманіі, алкагалізму, гвалту, беспрацоўя.

У найбліжэйшы час стартуе маштабны праект «Добрая пераробка». Маладыя дызайнеры будуць прыдумляць дызайн кватэры для сем'яў, у якой бацькі-інваліды выхоўваюць дзяцей-інвалідаў. Усяго ў сталіцы каля 70 такіх сем'яў. Праект рознабаковы і накіраваны не толькі на змену інтэр'ера, але і змены ў адносінах да жыцця. Так, самі рамонтныя работы будуць выконваць падапечныя ГУУС, якія маюць вопыт у будаўніцтве. Мяркуецца, што станоўчы прыклад натхніць іх на перамены. Рамонт у першай з кватэр запланаваны на ліпень.

Добрая навіна ёсць і для будучых сем'яў. 16 мая ў Доме шлюбаў Мінгарвыканкама пройдзе акцыя «Сям'я за ўсе каштоўнасці даражэйшая». Пары, якія прыйшлі падаваць заяву на рэгістрацыю шлюбу, змогуць пракансультавацца з псіхолагам і паўдзельнічаць у бяспройгрышнай латарэі: прыз — білеты ў адзін са сталічных тэатраў.

Дар'я КАСКО

Дадаць каментар

Выбар рэдакцыі

Грамадства

Школа заўтрашняга дня. У трэндзе — медыянавыкі, гейміфікацыя і сторытэлінг

Школа заўтрашняга дня. У трэндзе — медыянавыкі, гейміфікацыя і сторытэлінг

У мінулыя выхадныя сталічны бізнес-клуб «Імагуру» ўжо другі раз прымаў на сваіх плошчах педагагічную неканферэнцыю. 

Культура

Гісторыкі спадзяюцца знайсці дакладную дату заснавання Мірскага замка

Гісторыкі спадзяюцца знайсці дакладную дату заснавання Мірскага замка

Вызначыць дакладны час з'яўлення на Беларусі вядомага абарончага збудавання дагэтуль немагчыма, хоць розных гіпотэз існуе шмат.

Грамадства

«Ніколі не губляйце мару дзяцінства!»

«Ніколі не губляйце мару дзяцінства!»

Мы з Аленай Варановіч пазнаёміліся выпадкова, на вуліцы. Адразу разгаварыліся і знайшлі агульную мову. Тады за кубкам кавы яна сказала мне важныя словы: «Ніколі не губляй мару дзяцінства».

Спорт

Уладзімір Шантаровіч: Кажуць, я — геній, і мне гэта вельмі не падабаецца

Уладзімір Шантаровіч: Кажуць, я — геній, і мне гэта вельмі не падабаецца

Як трэнер пабудаваў сістэму, якая выхоўвае алімпійскіх чэмпіёнаў.