Вы тут

Пабачыла свет кніга вершаў Рыгора Барадуліна «Азбука. Вясёлы вулей»


У выдавецтве «Кнігазбор» у серыі «Кнігарня пісьменніка», заснаванай Саюзам беларускіх пісьменнікаў, пабачыла свет кніга вершаў народнага паэта Беларусі Рыгора Барадуліна «Азбука. Вясёлы вулей».


Ужо болей за чатыры гады назад пайшоў з жыцця майстар беларускага верша, таленавіты мастак слова, а кнігі яго і зараз прыходзяць да чытача. Відаць, у гэтым і заключаецца неўміручасць сапраўднага мастацтва — калі дыялог з чытачом, гледачом вядзецца незалежна ад нейкіх штучных намаганняў. Адным словам, жыццё Рыгора Барадуліна ў літаратуры прадаўжаецца. Калі быць дакладнымі, то кніга яго твораў, адрасаваных дзецям, выйшла ў падсерыі «Каляровы ровар». Наклад па сённяшнім часе досыць прыстойны — 1000 экзэмпляраў. Ілюстрацыі да зборніка зрабіла Лізавета Лянкевіч.

Можна нават знаёмства з кнігай раскласці на дзве часткі: першая — чытанне бацькамі для дзяцей ці чытанне самімі дзецьмі, а другая — разгляданне малюнкаў, якія мне асабіста падаюцца надзвычай красамоўнымі і істотна пашыраюць прастору тэкстаў, уплываюць на іх засваенне.

«Вулей ёсць // такі вясёлы, // пчолы // з гэтага вулля // прывядуць цябе // да школы...» Лепшага пачатку і не прыдумаеш! Адразу разумееш, чаму паэт пайшоў па шляху такога параўнання: азбука — вулей. Літары — пчолы. Чытаем ад паэта-настаўніка Рыгора Барадуліна: «Літары // ад А да Я — // пчолак дружная сям'я // носіць мёд у соты ведаў, // просіць, каб усё ты ведаў...» Прыдумак у паэта-штукара хапае. Непаседлівыя літары вядуць у кнізе сваё жыццё: Д дрэсіруе дога, Ёрш... сагравае лёд, Ж апякуецца жнівом, перавязвае жытні сноп і яшчэ шмат што робіць. З зубрам блукае ў пушчанскай завеі. Чытаць кароткія, лаканічныя мініяцюры, паяднаныя адным клопатам, — суцэльнае задавальненне, сапраўдная асалода судакранання з роднай мовай, роднымі словамі.

Вось дзе пераконваешся, што кніга з'яўляецца падарункам. Гэтым разам — падарункам бацькоў дзецям, якія яшчэ толькі-толькі пачынаюць жыць клопатам чытання.

Мікола БЕРЛЕЖ

Загаловак у газеце: Спадчына народнага паэта, адрасаваная дзецям

Дадаць каментар

Выбар рэдакцыі

Грамадства

Школа заўтрашняга дня. У трэндзе — медыянавыкі, гейміфікацыя і сторытэлінг

Школа заўтрашняга дня. У трэндзе — медыянавыкі, гейміфікацыя і сторытэлінг

У мінулыя выхадныя сталічны бізнес-клуб «Імагуру» ўжо другі раз прымаў на сваіх плошчах педагагічную неканферэнцыю. 

Культура

Гісторыкі спадзяюцца знайсці дакладную дату заснавання Мірскага замка

Гісторыкі спадзяюцца знайсці дакладную дату заснавання Мірскага замка

Вызначыць дакладны час з'яўлення на Беларусі вядомага абарончага збудавання дагэтуль немагчыма, хоць розных гіпотэз існуе шмат.

Спорт

Уладзімір Шантаровіч: Кажуць, я — геній, і мне гэта вельмі не падабаецца

Уладзімір Шантаровіч: Кажуць, я — геній, і мне гэта вельмі не падабаецца

Як трэнер пабудаваў сістэму, якая выхоўвае алімпійскіх чэмпіёнаў.

Грамадства

Як дзяўчаты з асаблівасцямі развіцця ўпершыню ствараюць модную калекцыю

Як дзяўчаты з асаблівасцямі развіцця ўпершыню ствараюць модную калекцыю

У лістападзе ў Мінску пройдзе Беларускі тыдзень моды.