Вы тут

Знойдзены гульнявыя косці, якія выкарыстоўвалі ашуканцы


У ходзе раскопак у сярэднявечным квартале нарвежскага горада Бергена археолагі знайшлі гульнявыя косці, якія выкарыстоўвалі ашуканцы.


Гульнявыя косці з'явіліся шмат тысяч гадоў таму. Найстаражытнейшыя з іх узростам каля 5200 гадоў былі знойдзены ў Іране, але гэтая гульня была вядомая і ў Егіпце, і ў Індыі, і ў іншых краінах: магчымасць перамогі на падставе выключна ўдачы стала вельмі папулярнай і распаўсюдзілася па ўсім свеце.

Партовыя гарады Нарвегіі не сталі выключэннем, на цяперашні момант вядома аб трох дзясятках гульнявых касцей, знойдзеных у сярэднявечных раёнах Бергена. Мяркуючы па ўсім, махлявалі нямала людзей: гэтым можна растлумачыць указ 1276 года, згодна з якім улады канфіскоўвалі ўсе грошы са стала з несумленнай гульнёй. Акрамя таго, ашуканцам давалі штраф у памеры паловы маркі (каля 107 грамаў серабра).

Нядаўна археолагі раскрылі адну з жульніцкіх схем. Пры раскопках драўлянай маставой раёна Вогсбюнен у Бергене, пабудаванай у пачатку ХV стагоддзя, былі знойдзены гульнявыя косці, якія гарантавана забяспечвалі перамогу ўладальніку. На месцы адзінак і двоек на гранях кубіка былі выразаныя чацвёрка і пяцёрка. «Ці згубіў кубік гаспадар, ці ж выкінуў яго сам, каб пазбавіцца ад доказу махлярства? Гуляў ён адзін або ўдзельнікамі ашуканскай схемы было некалькі чалавек? А быць можа, косці са злосці шпурнуў той, хто прайграў?» — разважае ўдзельніца раскопак археолаг Інгрыд Рэкавік.

Іван КУПАРВАС

Загаловак у газеце: Гульнявы кубік старажытных жулікаў

Дадаць каментар

Выбар рэдакцыі

Грамадства

Школа заўтрашняга дня. У трэндзе — медыянавыкі, гейміфікацыя і сторытэлінг

Школа заўтрашняга дня. У трэндзе — медыянавыкі, гейміфікацыя і сторытэлінг

У мінулыя выхадныя сталічны бізнес-клуб «Імагуру» ўжо другі раз прымаў на сваіх плошчах педагагічную неканферэнцыю. 

Культура

Гісторыкі спадзяюцца знайсці дакладную дату заснавання Мірскага замка

Гісторыкі спадзяюцца знайсці дакладную дату заснавання Мірскага замка

Вызначыць дакладны час з'яўлення на Беларусі вядомага абарончага збудавання дагэтуль немагчыма, хоць розных гіпотэз існуе шмат.

Спорт

Уладзімір Шантаровіч: Кажуць, я — геній, і мне гэта вельмі не падабаецца

Уладзімір Шантаровіч: Кажуць, я — геній, і мне гэта вельмі не падабаецца

Як трэнер пабудаваў сістэму, якая выхоўвае алімпійскіх чэмпіёнаў.

Грамадства

Як дзяўчаты з асаблівасцямі развіцця ўпершыню ствараюць модную калекцыю

Як дзяўчаты з асаблівасцямі развіцця ўпершыню ствараюць модную калекцыю

У лістападзе ў Мінску пройдзе Беларускі тыдзень моды.