Вы тут

У Германіі знайшлі скарбы, якія мог схаваць кароль Харальд І Сінязубы


Выданні Thе Guаrdіаn і Dеutsсhе Wеllе паведамляюць, што ў Германіі знайшлі скарбы, якія мог схаваць кароль Харальд І Сінязубы, які кіраваў Даніяй у канцы Х стагоддзя.


Каля трох месяцаў таму археолаг-аматар Рэнэ Шон і яго 13-гадовы памочнік Лука Малашнічэнка прачэсвалі з металашукальнікамі востраў Руген, які размяшчаецца ў Балтыйскім моры каля берагоў Памераніі. Адзін з іх заўважыў на зямлі нешта бліскучае. Знаходка нагадвала абрывак алюмініевай фольгі, але яны вырашылі паглядзець на яе бліжэй. Аказалася, што гэта прадмет з серабра. У сярэдзіне красавіка раскопкамі заняліся прафесіяналы. Яны знайшлі ў паказаным скарбашукальнікамі месцы каля 600 манет, жэмчуг, каралі, пярсцёнкі, брошкі і амулеты ў выглядзе молата Тора, схаваныя больш за тысячу гадоў таму. Паводле ацэнак археолага Міхаэля Шырэна, гэта найбуйнейшы скарб з манетамі Харальда Сінязубага, знойдзены на поўдні Балтыкі.

Найстаражытнейшымі манетамі, якія былі выкапаныя на Ругене, былі дырхамы з Дамаска, адчаканеныя ў 714 годзе. Самыя новыя манеты, знойдзеныя падчас раскопак, датуюцца 983 годам. Гэта можа сведчыць пра тое, што скарбы былі закапаны ў канцы 980-х гадоў, калі Харальду прыйшлося бегчы ў Памеранію. «Мы маем справу з тым рэдкім выпадкам, калі знаходка, падобна на тое, пацвярджае гістарычныя крыніцы», — кажа археолаг Дэтлеф Янцэн.

Харальд І Сінязубы прыйшоў да ўлады ў 958 годзе. Ён заваяваў Нарвегію і частку сучаснай Швецыі, пры ім Данія афіцыйна прыняла хрысціянства. Некаторыя крыніцы сцвярджаюць, што хрышчэнне ў выніку прывяло да бунту, які ўзначаліў сын караля Свен Вілабароды. У адрозненне ад бацькі ён застаўся язычнікам і аддаваў перавагу традыцыйным набегам.

Іван КУПАРВАС

Загаловак у газеце: Скарбы караля вікінгаў

Дадаць каментар

Выбар рэдакцыі

Грамадства

Школа заўтрашняга дня. У трэндзе — медыянавыкі, гейміфікацыя і сторытэлінг

Школа заўтрашняга дня. У трэндзе — медыянавыкі, гейміфікацыя і сторытэлінг

У мінулыя выхадныя сталічны бізнес-клуб «Імагуру» ўжо другі раз прымаў на сваіх плошчах педагагічную неканферэнцыю. 

Культура

Гісторыкі спадзяюцца знайсці дакладную дату заснавання Мірскага замка

Гісторыкі спадзяюцца знайсці дакладную дату заснавання Мірскага замка

Вызначыць дакладны час з'яўлення на Беларусі вядомага абарончага збудавання дагэтуль немагчыма, хоць розных гіпотэз існуе шмат.

Спорт

Уладзімір Шантаровіч: Кажуць, я — геній, і мне гэта вельмі не падабаецца

Уладзімір Шантаровіч: Кажуць, я — геній, і мне гэта вельмі не падабаецца

Як трэнер пабудаваў сістэму, якая выхоўвае алімпійскіх чэмпіёнаў.

Грамадства

Як дзяўчаты з асаблівасцямі развіцця ўпершыню ствараюць модную калекцыю

Як дзяўчаты з асаблівасцямі развіцця ўпершыню ствараюць модную калекцыю

У лістападзе ў Мінску пройдзе Беларускі тыдзень моды.