22 Май, аўторак

Вы тут

Штотыднёвы спартыўны агляд «Звязды»


У штотыднёвым спартыўным аглядзе «Звязды» расказваем пра няўдалае выступленне зборнай Беларусі на чэмпіянаце свету па хакеі, перамогу валейбольнай зборнай на турніры ва Украіне і вынікі чарговага тура чэмпіянату краіны па футболе.


1. Наша нацыянальная зборная па хакеі працягвае цярпець паражэнні на чэмпіянаце свету ў Даніі. Перад заключным матчам хакеісты саступілі зборнай Аўстрыі 0:4 і страцілі ўсе шанцы затрымацца ў элітным дывізіёне сусветнага хакея. Перад сённяшнім матчам са славакамі беларусы займаюць восьмае месца, а значыць, у 2019 годзе згуляюць у І дывізіёне разам са Славеніяй, Казахстанам, Венгрыяй, Літвой, Рэспублікай Карэя ці Нарвегіяй.

Чэмпіянат свету ў І дывізіёне адбудзецца ў красавіку наступнага года. Месца правядзення турніру будзе вызначана пазней. Па выніках спаборніцтваў дзве найлепшыя каманды атрымаюць пуцёўкі ў эліту.

Нагадаем, апошні раз у І дывізіёне беларускія хакеісты гулялі ў 2004 годзе ў Осла, дзе занялі першае месца і атрымалі права згуляць з наймацнейшымі зборнымі свету.


2. Мужчынская зборная Беларусі па валейболе стала пераможцам міжнароднага турніру ва ўкраінскім Івана-Франкоўску. У гульні за першае месца каманда пад кіраўніцтвам трэнераў Віктара Бекшы і Дзмітрыя Ліхарада была мацнейшай за зборную Украіны 3:0. Раней нашы хлопцы абыгралі аўстрыйцаў.

Жаночая зборная Беларусі заняла другое месца на гэтых спаборніцтвах, саступіўшы на тай-брэйку ўкраінскім валейбалісткам — 2:3.

Адзначым, што абедзве беларускія валейбольныя зборныя рыхтуюцца да старту ў Еўралізе, турнір у гэтым сезоне падзелены на два дывізіёны: «залатую» і «сярэбраную» лігі. Жаночая каманда выступіць у «залатой» лізе. Першы матч падапечныя Пятра Хілько правядуць на выездзе 19 мая ў Попрадзе са Славакіяй. Мужчынская зборная стартуе ў «сярэбранай» лізе 20 мая дамашняй сустрэчай з Албаніяй.


3. Баскетбалісты «Цмокі-Мінск» не здолелі прабіцца ў плэй-оф Адзінай лігі ВТБ. У заключным матчы рэгулярнага сезона мінчане саступілі ў Санкт-Пецярбургу мясцоваму «Зеніту» з лікам 76:83. Падапечныя Аляксандра Круцікава атрымалі 8 перамог у 24 праведзеных сустрэчах і занялі 9-е месца сярод 13 удзельнікаў спаборніцтваў.


4. Ягор Герасімаў другі год запар стаў пераможцам турніру ва ўзбекскім Каршы з прызавым фондам 75 тысяч долараў. У фінальным паядынку ён абыграў яшчэ аднаго беларуса Сяргея Бетава.

Арына Сабаленка, нягледзячы на пройгрыш у другім раўндзе кваліфікацыі, усё ж выступіць у асноўнай сетцы турніру ў Рыме (прызавы фонд — 3  мільёны долараў). Беларуска, якая займае 45-е месца ў сусветным рэйтынгу, трапіла ў лік «лакі-лузераў». Першай саперніцай Арыны ў асноўным турніры стане 50-ы нумар рэйтынга WTA Се Шувэй з Кітайскага Тайбэя.

Вікторыя Азаранка (84-ы нумар сусветнага рэйтынга) у першым раўндзе ў Рыме сапернічала з японкай Наомі Асака (21).


5. Згуляны матчы 7-га тура чэмпіянату краіны па футболе. «Мінск» на сваім полі саступіў «Слуцку» — 0:2, «Смалявічы» атрымалі сваю першую перамогу ў чэмпіянаце ў матчы з «Дняпром» — 2:1, «Гомель» згуляў у нічыю з «Тарпеда-БелАЗ» — 0:0, «Дынама-Брэст» перайграла «Віцебск» — 3:1, «Шахцёр» быў мацнейшы за «Іслач» — 3:0, «Нёман» перайграў «Гарадзею» — 1:0, БАТЭ быў мацнейшы за мінскае «Тарпеда» — 2:0.

Дар'я ЛАБАЖЭВІЧ

Загаловак у газеце: Апускаемся ніжэй

Дадаць каментар

Выбар рэдакцыі

Грамадства

Як падлеткі становяцца законапаслухмянымі

Як падлеткі становяцца законапаслухмянымі

У Беларусі чатыры спецыяльныя лячэбна-выхаваўчыя ПТВ закрытага тыпу для падлеткаў. 

Грамадства

Як Калядкі і Хаім Суцін натхнілі дызайнераў «Млына моды»

Як Калядкі і Хаім Суцін натхнілі дызайнераў «Млына моды»

У фінале XXVІІ Рэспубліканскага фестывалю-конкурсу моды і фота прадставілі 87 калекцый, распрацаваных сотняй аўтараў. 

Грамадства

Як пажылому чалавеку не адстаць ад жыцця

Як пажылому чалавеку не адстаць ад жыцця

У сталічным Цэнтры актыўнага даўгалецця нядаўна адкрылася антыкафэ для пажылых людзей. 

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра Дзеда Янука і Мурчуню, гасцінец для ўнука і такое кіно.