Вы тут

Раім схадзіць


Фестывалі «Горад і Кнігі», Vulitsa Ezha, «Бэзавыя мары» ў батанічным садзе, а таксама выстава чароўных аўтарскіх лялек  — афіша «Звязды» з 14 па 20 мая.


Назіранне за нябеснымі аб'ектамі

Дзе: планетарый (вул. Фрунзэ, 2)

Калі: па 31 мая, 21:30

Колькі каштуе: бясплатна

Абсерваторыя мінскага планетарыя прапануе ўсім жадаючым бясплатна палюбавацца ў тэлескоп на найбольш цікавыя нябесныя аб'екты: Сонца, Месяц, планеты Сонечнай сістэмы, зоркі, галактыкі.

Назіранні залежаць ад умоў надвор'я. Перад наведваннем планетарыя абавязкова зверце графік з сайтам.


Фестываль «Горад і Кнігі»

Дзе: сквер БНТУ (пр-т Незалежнасці, 65)

Калі: 18 мая, 14:00; 19 мая, 11:00

Колькі каштуе: бясплатна

Фестываль збярэ ўсіх аматараў кніг пад адкрытым небам — у скверы БНТУ. Праграма гэтага года вельмі насычаная і налічвае больш за 100 мерапрыемстваў. Так, будуць працаваць пяць пляцовак: дзіцячая, маладзёжная, экспертная, пляцоўка чытанняў, а таксама стол майстар-класаў і літаратурных гульняў. Тэмы гэтага года: Мінск, навука, коміксы і фантастыка, прафесіі ў літаратуры, асаблівыя дзеці.

На фестываль «Горад і Кнігі» можна прыйсці ўсёй сям'ёй, і кожны знойдзе тут нешта цікавае для сябе.


Фестываль Vulitsa Ezha

Дзе: парк «Дрымлэнд» (вул. Арлоўская, 80)

Калі: 19-20 мая, 12:00

Колькі каштуе: 5 р.

У гэтым годзе гасцей чакаюць больш за 45 удзельнікаў фуд-корта, больш за 10 зон для актыўнага адпачынку, дзве сцэны, маркет вырабаў ручной працы, дзіцячая зона, лекторый, у рамках якога спікеры раскажуць пра ежу, горад і людзей, якія робяць яго лепш.


Фестываль «Бэзавыя мары»

Дзе: Цэнтральны батанічны сад НАН Беларусі (пл. Калініна)

Калі: 19 мая, 13:00

Колькі каштуе: 7 р.; школьнікі, студэнты, пенсіянеры — 4 р.

Падзея, якую нельга прапусціць, — красаванне дэкаратыўнай калекцыі бэзу. Знакаміты бэзавы сад батанічнага саду налічвае больш за 250 сартоў, у тым ліку — больш за 16 сартоў уласнай селекцыі.

19 мая ўсіх наведвальнікаў чакаюць: лекцыя пра тое, як вырошчваць бэз ад кандыдата біялагічных навук, майстар-клас «Пяшчотны вобраз бэзу, або як зрабіць макіяж для рамантычнага вечару», а таксама джазавыя мелодыі ад MuzzicDom Jazz Band.


Выстава чароўных аўтарскіх лялек

Дзе: Гасцёўня Уладзіслава Галубка (вул. Старавіленская, 14)

Калі: па 28 мая, пан.-суб.: 10:00-17:30

Колькі каштуе: удакладняць у касе

У рамках выставы лялек «Баба-Яга & kompani» будзе прадстаўлена адразу тры праекты: казачныя персанажы ад беларускіх і літоўскіх майстроў, дэбютныя працы ад выпускнікоў Майстэрні аўтарскай лялькі і міні-выстава «Жывое каменнае сэрца» ад Таццяны Кучынскай, бо камяні спрадвеку лічыліся інструментамі для варожб і чароўных дзеянняў. Таксама на выставе будуць прадстаўлены казачныя акварэлі Сяргея Сочнева.


Выстава «Пад туфлікам у Музы. З гісторыі абутку»

Дзе: Нацыянальны гістарычны музей Рэспублікі Беларусь (вул. К. Маркса, 12)

Калі: па 10 чэрвеня, 11:00-19:00

Колькі каштуе: удакладняць у касе

Сёння гісторыя абутку налічвае 30 000 гадоў. Яна відазмянялася разам з патрэбамі грамадства, паказвала прыналежнасць гаспадара да пэўнага сацыяльнага класа, адлюстроўвала яго дабрабыт. У кожнай эпохі свая пара чаравічкаў. У наш час абутак працягвае іграць важную ролю ў іміджы чалавека, незалежна ад таго, сочыць ён за модай ці не.

На выставе ў вас ёсць унікальная магчымасць убачыць абутак, які насілі ў Беларусі на працягу ХХ стагоддзя. Фондавыя калекцыі Нацыянальнага гістарычнага музея і яго філіялаў поўныя рэдкімі экзэмплярамі: ад лапцей і валёнкаў да бальных туфляў.

Акрамя таго, на выставе прадстаўлены сучасныя ўзоры дызайнерскай думкі: фантастычныя туфлі Лэдзі Гага і іншыя незямныя рэчы, створаныя рэкардсменам кнігі рэкордаў Гінеса, вядомым дызайнерам Янжэм Нядвецкім, а таксама эксклюзіўная калекцыя, пашытая ўручную спецыяльна для праекта «Пад туфлікам у Музы» майстрамі аднаго з самых вядомых люксавых брэндаў абутку ў Беларусі кампаніі Studio Sutoria, цікавыя ўзоры рэтра-калекцыі «Прыгажосць ХХ стагоддзя» вядомага беларускага стыліста Таццяны Анюковай, абутак для гульні ў боўлінг цэнтра Madison і многае іншае.


Канцэрты каля Вялікага тэатра

Фота belcanto.ru.

Дзе: плошча перад Вялікім тэатрам оперы і балета (пл. Парыжскай Камуны)

Калі: па 17 чэрвеня, 17:10-17:40

Колькі каштуе: бясплатна

Кожную нядзелю, з 6 мая па 17 чэрвеня, на пляцоўцы перад Вялікім тэатрам оперы і балета будзе гучаць аркестр культурнай установы.

З 17:10 да 17:40 аркестр будзе іграць праграмы, аснову якіх складзе, канешне, вядомая класічная музыка. Кіраваць аркестрам будуць Іван Касцяхін і Алег Лясун.

Дадаць каментар

Выбар рэдакцыі

Грамадства

Школа заўтрашняга дня. У трэндзе — медыянавыкі, гейміфікацыя і сторытэлінг

Школа заўтрашняга дня. У трэндзе — медыянавыкі, гейміфікацыя і сторытэлінг

У мінулыя выхадныя сталічны бізнес-клуб «Імагуру» ўжо другі раз прымаў на сваіх плошчах педагагічную неканферэнцыю. 

Культура

Гісторыкі спадзяюцца знайсці дакладную дату заснавання Мірскага замка

Гісторыкі спадзяюцца знайсці дакладную дату заснавання Мірскага замка

Вызначыць дакладны час з'яўлення на Беларусі вядомага абарончага збудавання дагэтуль немагчыма, хоць розных гіпотэз існуе шмат.

Спорт

Уладзімір Шантаровіч: Кажуць, я — геній, і мне гэта вельмі не падабаецца

Уладзімір Шантаровіч: Кажуць, я — геній, і мне гэта вельмі не падабаецца

Як трэнер пабудаваў сістэму, якая выхоўвае алімпійскіх чэмпіёнаў.

Грамадства

Як дзяўчаты з асаблівасцямі развіцця ўпершыню ствараюць модную калекцыю

Як дзяўчаты з асаблівасцямі развіцця ўпершыню ствараюць модную калекцыю

У лістападзе ў Мінску пройдзе Беларускі тыдзень моды.