Вы тут

Інфляцыя ў красавіку склала толькі 0,3 %


Індэксацыі заробкаў за апошні месяц не плануецца.

Індэкс спажывецкіх цэн на тавары і паслугі ў красавіку 2018 года за месяц склаў 100,3 %. У цэлым за год (у параўнанні з красавіком 2017 года) паказчык інфляцыі павялічыўся на 5 %, а ў параўнанні са снежнем 2017 — на 2,8 %. Паводле інфармацыі Белстата, за месяц харчовыя тавары падаражэлі на 0,4 %. Цэны на нехарчовыя тавары выраслі за месяц на 0,01 %. Індэкс цэн і тарыфаў на платныя паслугі ў красавіку за месяц вырас на 0,5 %.


Што пачым

Сярод прадуктаў харчавання за месяц цэны больш за ўсё знізіліся на свежыя агуркі (на 14,5 %), салодкі перац (10,3 %), бананы (8,3 %), грэчку (3,7 %), вінаград (2,1 %).

Больш за ўсё падаражэлі свежыя памідоры (на 16,3 %), буракі (15 %), морква (14,6 %), белакачанная капуста (12,8 %), яблыкі (7,5 %) і бульба (5,2 % ).

Сярод нехарчовых тавараў знізіліся цэны на некаторыя пазіцыі адзення і абутку. На 0,3 % знізіліся цэны на галантарэю. Кошт тавараў бытавой хіміі знізіўся на 0,9 %. Крыху падаражэла мэбля — на 0,5 %.

Паслугі міжнароднага чыгуначнага транспарту ў красавіку падаражэлі на 23,9 %, міжгароднія і міжнародныя званкі — на 3,6 %, інтэрнэт — на 3,4 %. Пры гэтым рытуальныя паслугі сталі таннейшымі на 7,1 %, паслугі банкаў — на 1,3 % і бытавыя паслугі — на 1,1 %.

Даходы без карэкціроўкі

Мінімальная заработная плата і даходы жыхароў краіны за красавік не будуць індэксавацца. Паводле інфармацыі Мінпрацы, у адпаведнасці з законам «Аб індэксацыі грашовых даходаў насельніцтва з улікам інфляцыі», карэкціроўка заробкаў і даходаў (кампенсацыя страт ад інфляцыі) не адбудзецца таму, што ўзровень інфляцыі не перавысіў пяціпрацэнтнага парога да студзеня 2018 года — месяца, у якім пераглядалі дапамогу па беспрацоўі і стыпендыі грамадзянам у перыяд прафпадрыхтоўкі па кірунку Мінпрацы, усталяваныя ад базавай велічыні.

Не перавысіў індэкс спажывецкіх цэн пяціпрацэнтнага парога і ў адносінах да сакавіка, калі пераглядаліся грашовыя даходы грамадзян, якія тыя атрымлівалі з бюджэтных крыніц, і да месяцаў перагляду заработнай платы дзяржслужачых, грашовага забеспячэння вайскоўцаў.

Мінімальная заработная плата, устаноўленая ўрадам з 1 студзеня 2018 года ў памеры 305 рублёў, за сакавік таксама не індэксуецца.

Ілья КРЫЖЭВІЧ

Дадаць каментар

Выбар рэдакцыі

Грамадства

Школа заўтрашняга дня. У трэндзе — медыянавыкі, гейміфікацыя і сторытэлінг

Школа заўтрашняга дня. У трэндзе — медыянавыкі, гейміфікацыя і сторытэлінг

У мінулыя выхадныя сталічны бізнес-клуб «Імагуру» ўжо другі раз прымаў на сваіх плошчах педагагічную неканферэнцыю. 

Культура

Гісторыкі спадзяюцца знайсці дакладную дату заснавання Мірскага замка

Гісторыкі спадзяюцца знайсці дакладную дату заснавання Мірскага замка

Вызначыць дакладны час з'яўлення на Беларусі вядомага абарончага збудавання дагэтуль немагчыма, хоць розных гіпотэз існуе шмат.

Грамадства

«Ніколі не губляйце мару дзяцінства!»

«Ніколі не губляйце мару дзяцінства!»

Мы з Аленай Варановіч пазнаёміліся выпадкова, на вуліцы. Адразу разгаварыліся і знайшлі агульную мову. Тады за кубкам кавы яна сказала мне важныя словы: «Ніколі не губляй мару дзяцінства».

Спорт

Уладзімір Шантаровіч: Кажуць, я — геній, і мне гэта вельмі не падабаецца

Уладзімір Шантаровіч: Кажуць, я — геній, і мне гэта вельмі не падабаецца

Як трэнер пабудаваў сістэму, якая выхоўвае алімпійскіх чэмпіёнаў.