Вы тут

Аляксандр Лукашэнка зробіць візіты ў Расію і Таджыкістан


На наступным тыдні Аляксандр Лукашэнка наведае Расійскую Федэрацыю і Рэспубліку Таджыкістан.

Як паведамляе прэс-служба Прэзідэнта, 14 мая беларускі лідар наведае Сочы, дзе адбудзецца пасяджэнне Вышэйшага Еўразійскага эканамічнага савета. Там удзельнікі абмяркуюць перспектывы паглыблення ўзаемадзеяння па шэрагу напрамкаў, актуальны парадак дня і далейшае развіццё інтэграцыйнага аб'яднання.


Акрамя таго, чакаецца сустрэча кіраўніка дзяржавы з Прэзідэнтам Расіі Уладзімірам Пуціным. На ёй будуць гаварыць пра стан і перспектывы двухбаковых адносін, праблемныя пытанні, а таксама пра падрыхтоўку да пасяджэння Вышэйшага дзяржаўнага савета Саюзнай дзяржавы, якое адбудзецца ў Мінску.

Пасля гэтага Аляксандр Лукашэнка накіруецца ў Рэспубліку Таджыкістан. Візіт прадоўжыцца да 16 мая.

У фармаце «сам-насам» і ў пашыраным складзе запланаваны перагаворы беларускага лідара з Прэзідэнтам Таджыкістана Эмамалі Рахмонам. На іх будуць разгледжаны вынікі і далейшыя планы па развіцці гандлёва-эканамічнага супрацоўніцтва, вытворчай кааперацыі, рэалізацыі сумесных праектаў і інвестыцыйнае ўзаемадзеянне, а таксама работа на рынках трэціх краін, а па выніках чакаецца падпісанне двухбаковых дакументаў. Мяркуецца, што кіраўнікі краін прымуць удзел у цырымоніі адкрыцця нацыянальнай выстаўкі Беларусі ў Таджыкістане і ў шэрагу іншых мерапрыемстваў.

Дарэчы, у дні візіту Аляксандра Лукашэнкі ў Душанбэ адбудзецца таджыкска-беларускі бізнес-форум, у якім прымуць удзел і прадстаўнікі дзелавых колаў Афганістана. На мерапрыемстве разгледзяць перспектыўныя напрамкі бізнес-узаемадзеяння з Таджыкістанам і Афганістанам, запланавана правядзенне кантактна-кааперацыйнай біржы паміж прадпрыемствамі і арганізацыямі трох краін.

Уладзіслаў ЛУКАШЭВІЧ

Загаловак у газеце: Спачатку Сочы, пасля — Душанбэ

Дадаць каментар

Выбар рэдакцыі

Грамадства

Школа заўтрашняга дня. У трэндзе — медыянавыкі, гейміфікацыя і сторытэлінг

Школа заўтрашняга дня. У трэндзе — медыянавыкі, гейміфікацыя і сторытэлінг

У мінулыя выхадныя сталічны бізнес-клуб «Імагуру» ўжо другі раз прымаў на сваіх плошчах педагагічную неканферэнцыю. 

Культура

Гісторыкі спадзяюцца знайсці дакладную дату заснавання Мірскага замка

Гісторыкі спадзяюцца знайсці дакладную дату заснавання Мірскага замка

Вызначыць дакладны час з'яўлення на Беларусі вядомага абарончага збудавання дагэтуль немагчыма, хоць розных гіпотэз існуе шмат.

Грамадства

«Ніколі не губляйце мару дзяцінства!»

«Ніколі не губляйце мару дзяцінства!»

Мы з Аленай Варановіч пазнаёміліся выпадкова, на вуліцы. Адразу разгаварыліся і знайшлі агульную мову. Тады за кубкам кавы яна сказала мне важныя словы: «Ніколі не губляй мару дзяцінства».

Спорт

Уладзімір Шантаровіч: Кажуць, я — геній, і мне гэта вельмі не падабаецца

Уладзімір Шантаровіч: Кажуць, я — геній, і мне гэта вельмі не падабаецца

Як трэнер пабудаваў сістэму, якая выхоўвае алімпійскіх чэмпіёнаў.