Вы тут

Што адбылося за тыдзень у Савеце Рэспублікі


Прыярытэт знешняй палітыкі

Старшыня Савета Рэспублікі Нацыянальнага сходу Беларусі Міхаіл Мясніковіч правёў прэс-канферэнцыю для прадстаўнікоў цэнтральных і рэгіянальных сродкаў масавай інфармацыі Кітайскай Народнай Рэспублікі, якія прыехалі ў нашу краіну ў прэс-тур.

Прэс-канферэнцыя доўжылася дзве з паловай гадзіны. Прагучала больш за 20 пытанняў, якія закранулі розныя сферы супрацоўніцтва Беларусі і Кітая — палітычную, гандлёва-эканамічную, інвестыцыйную, навукова-тэхнічную, гуманітарную.

«Беларусь даражыць адкрытымі і сяброўскімі адносінамі з Кітайскай Народнай Рэспублікай, — сказаў Міхаіл Мясніковіч. — Развіццё супрацоўніцтва з Кітаем — ключавы прыярытэт знешняй палітыкі Рэспублікі Беларусь. Наша краіна разглядае Кітай у якасці надзейнага сябра і стратэгічнага партнёра».

Міхаіл Мясніковіч падкрэсліў, што ў аснове беларускага-кітайскага партнёрства — шчырая дружба і высокі давер паміж кіраўнікамі дзвюх дзяржаў Аляксандрам Лукашэнкам і Сі Цзіньпінам.

Высокі ўзровень палітычнага дыялогу садзейнічае ўмацаванню гандлёва-эканамічных сувязяў. Гэта пацвярджае статыстыка развіцця ўзаемнага гандлю. За апошнія сем гадоў таваразварот тут вырас на 40 % — да 3,2 мільярда долараў у 2017 годзе. У сучасны момант Беларусь і Кітай рэалізуюць шматмільённыя інвестыцыйныя праекты.


Беларусь турыстычная

Старшыня Пастаяннай камісіі Савета Рэспублікі па адукацыі, навуцы, культуры і сацыяльным развіцці Ірына Старавойтава правяла пашыранае пасяджэнне секцыі Навукова-кансультатыўнага савета па пытаннях сацыяльна-эканамічнага развіцця Рэспублікі Беларусь пры Прэзідыуме Савета Рэспублікі, прысвечаную развіццю турызму ў краіне.

У пасяджэнні ўдзельнічалі прадстаўнікі міністэрстваў спорту і турызму, адукацыі, аховы здароўя, устаноў адукацыі, турыстычных арганізацый, грамадскіх аб'яднанняў.

Турызм мае вялікае значэнне для развіцця эканомікі, лічыць парламентарый. Ён генерыруе даход насельніцтва і прадпрыемстваў, забяспечвае рост падатковых паступленняў у бюджэты розных узроўняў, прыцягвае інвестыцыі, стварае новыя працоўныя месцы, павышае ўнутранае спажыванне і стварае попыт на мясцовыя тавары і паслугі.

Цяпер грамадскія адносіны ў гэтай сферы рэгулююцца шэрагам заканадаўчых актаў, пастаноў урада і асобнымі нормамі заканадаўства ў іншых сферах (мытнай, падатковай, зямельнай). Акрамя таго, існуе некалькі дзяржаўных праграм, якія прадугледжваюць стварэнне сучаснай інфраструктуры турызму ў розных рэгіёнах краіны.

Удзельнікі пасяджэння абмеркавалі асаблівасці турыстычных магчымасцяў беларускай сталіцы, пытанні падрыхтоўкі спецыялістаў у гэтай галіне, сучасныя падыходы да арганізацыі ўнутранага маладзёжнага турызму, перспектывы развіцця новых відаў вандровак, а таксама шэраг ініцыятыў, закліканых садзейнічаць больш эфектыўнаму выкарыстанню турыстычнага патэнцыялу краіны.


Разам з дзецьмі

Супрацоўнікі Сакратарыята Савета Рэспублікі ўзялі ўдзел у акцыі «Чысты вадаём», падчас якой разам з членамі Беларускага таварыства паляўнічых і рыбаловаў і вучнямі Сёмкаўскай сярэдняй школы Мінскага раёна прыбралі берагавую лінію Сёмкаўскага канала.

Акцыя ладзіцца Беларускім таварыствам паляўнічых і рыбаловаў чацвёрты год запар. Сёлета, акрамя прадстаўнікоў верхняй палаты парламента, у ёй бралі ўдзел работнікі міністэрстваў унутраных спраў, па надзвычайных сітуацыях, прыродных рэсурсаў і навакольнага асяроддзя, Дзяржаўнай інспекцыі аховы жывёльнага і расліннага свету пры Прэзідэнце Рэспублікі Беларусь, Следчага камітэта, БРСМ і іншых арганізацый і ведамстваў. Усяго ў экафлэшмобе ўдзельнічала каля шасці тысяч чалавек. Агульнымі намаганнямі наведзены парадак больш чым на тысячы кіламетрах берагавой лініі вадаёмаў, рэк і каналаў.

Вольга МЯДЗВЕДЗЕВА

Дадаць каментар

Выбар рэдакцыі

Грамадства

Школа заўтрашняга дня. У трэндзе — медыянавыкі, гейміфікацыя і сторытэлінг

Школа заўтрашняга дня. У трэндзе — медыянавыкі, гейміфікацыя і сторытэлінг

У мінулыя выхадныя сталічны бізнес-клуб «Імагуру» ўжо другі раз прымаў на сваіх плошчах педагагічную неканферэнцыю. 

Культура

Гісторыкі спадзяюцца знайсці дакладную дату заснавання Мірскага замка

Гісторыкі спадзяюцца знайсці дакладную дату заснавання Мірскага замка

Вызначыць дакладны час з'яўлення на Беларусі вядомага абарончага збудавання дагэтуль немагчыма, хоць розных гіпотэз існуе шмат.

Спорт

Уладзімір Шантаровіч: Кажуць, я — геній, і мне гэта вельмі не падабаецца

Уладзімір Шантаровіч: Кажуць, я — геній, і мне гэта вельмі не падабаецца

Як трэнер пабудаваў сістэму, якая выхоўвае алімпійскіх чэмпіёнаў.

Грамадства

Як дзяўчаты з асаблівасцямі развіцця ўпершыню ствараюць модную калекцыю

Як дзяўчаты з асаблівасцямі развіцця ўпершыню ствараюць модную калекцыю

У лістападзе ў Мінску пройдзе Беларускі тыдзень моды.